¹ Lwe zyashila izi nkivwa izwi inzavwe kukuta ukupiti ukwampuga ya bhuti iya bhantu kumwanya yikuti, "Tulipoka. Ubhuposhi, ubhumwamu, na maha vwa Mulungu witu. ² Ubhulonzi bhwakwe bhwanalyoli pe bhugolosu, kwekuti alonzile umubhembu umupiti we amayinanzile insi ulubhumbe lwakwe. Abhomvile ishilipo kwibhanda lya bhabhomvi bhakwe, bhe ahita wuyo weka." ³ Ulwabhubhili bhahati, "Tulipoka! Ilyosi likufumila kukwakwe shima nashima." ⁴ Bhala abhasongo amashumi gabhili na bhane ni vipelwa ivwabhulanzi vine bhahasugamila nu kuputa Mulungu atendime pitengo lya shimwene. Bhamile bhahatinji, "Ameni. Tulipoka!" ⁵ Pe izwi lihinza kufumila kwitengo lya shimwene, lihati, "Mutimaje Umulungu witu, imwe mwebhabhomvi bhakwe bhonti, imwe mwemukumuputa uwene, bhonti bhe bhebhatakumwanza na bhamaha." ⁶ Penkivwa izwi inzavwe lizwi lya mpuga impiti lya bhantu, inzavwe lizwi lya kubhuruma kwa minzi aminji, inza vwe lubhuno lwa hamesya, luhati, "Tulipoka! Mupiti nu Mulungu witu, mulongonzi wa vwonti, akulongozya. ⁷ Pe tuseshelaje nu kudobha nu kumupa ubhumwamu panongwa bhwinga nu kuseshela kwa Mwana wa Ngole ayiinzile, nu mwene kwimalwa ayinzile." ⁸ Ahitishiziwa kumuzwalizya kitani umuzelu we wuwukulama( kitani umuzelu zye mbombo izya bhugolusu izya bhasundikwa). ⁹ Uhabhizya ahati nime, "Gasimbe iga: Bhalotwe bhebhitilwe kuluseshero lya bhwinga lwa Mwana wa ngole." Bhwebhwebhulo ahambuzya," Iga ge mazwi ge bhwanalyoli ga Mulungu." ¹⁰ Nkamuputa pilongolela lya vinama vwakwe inkamusugamilila, loli ahambuzya, "Utahabhombe bhwebhulo! Ine ne mubhomvi wamwinyu pe ne mujenzi waho wakuzilema insimishizyo zya Yesu. Muputaje Umulungu, kwekuti insimishizyo zya Yesu we mupepo wa bhukubhwi." ¹¹ Pe nkenya imwanya zihiguha, pe yenya kwamile ni farasi umuzelu! Na wula amali amazuvile amitilwe Musubhile pe wanalyoli. Bhulonzi kubhugolosu bhukubhomba ubhulugu. ¹² Aminso gakwe inzavwe lisahalabhwe lya mwoto, pitwe lyakwe alinivipambwi ivwinji. Alinizina lye lisimvilwe pamwanya yakwe atalimanyile umuntu wonti loli wuyo weka. ¹³ Azwaye izwalo sheshidumbushiye mukasi mwibhanda, nizina lyakwe likutakwa Lizwi lya Mulungu. ¹⁴ Abhasirikali bhakumwanya bhamile bhahamulandataga kumwanya ya farasi abhazelu, bhazwaye ikitani inyinza, inzelu ni yakunyikisila. ¹⁵ Mwilomo mumwakwe mukufumila ipanga ihali lyelukulovwa inkaya, wope alibhalonozya kundisa ya shijela. ¹⁶ Wope akuhanya ivililo ivwa vihola kushilaha ishihali isha Mulungu, akulongozya pabhonti. Wope asimvilwe pazwalo yakwe pasheni shakwe izina, UMWENE WA BHAMWENE NU MUPITI WA BHATIPI. ¹⁷ Inkenya uhabhizya ayimiliye pizubha. Ahabhaholela kwizwi ipiti ni viyunyi vwonti vwevikubuluha mumwanya, "Nzaji, muhomanaje poka pashakulya ishipiti sha Mulungu. ¹⁸ Nzaga mulyanje inyama ya bhamwene, inyama ya bhalongozi, inyama ya bhantu abhapiti, inyama ya farasi ni nyama ya bhantu bhonti, bhebhasatushe pe bhazya, bhebhatahondeye bhebhali na maha." ¹⁹ Inkenya ishihano na bhamwene bhansi na poka na bhaserikali bhabho. Bhamile bhayisenginye panongwa ya kubhomba ubhulugu na woka weamazuvile pafarasi na bhasirikali bhakwe. ²⁰ Ishihano shihalemwa numukubhwi wakwe uwa malenga weahazibhomba ivimanyilo mukubha kwakwe. Ku vimznyilo ivi ahabhalumila ilenga bhala bhabhaposheleye ishimanyilo sha shihano bhebhahasugamilaga ishiholango shakwe. Bhonti bhabhili bhahasumbilwa pebhashili nu bhulanzi mukasi mwijenje lya mwoto lyelikwaha kushibiriti. ²¹ Bhala bhebhasyaye bhahafwa kusahipanga lyelihafumila mwilomo lya woka weamazuile pafarasi. Iviyunyi vwonti vihalya inyama zya mabhili gabho.