" Shoni shuukusukumila? Nkuti inkubhuzye izya mwantanda ni shihano akumualalila( ishihano isho isha matwe gasno ns gabhili ni pembe ishumi).
8 Ishihano shewashibhonyi shalipo, nashimo isalizi loli alipo ayitisile kuzubha kufumila mukasi mushilibha sheshitali nu bhumalilizyo. Pe alijendelela nubhunanjisu. Bhala bhebhakutendama munsi, bhala bhe amazina gabho gatasivwilwe mwa karata wa bhulanzi kufumila kubhwandilo bhwa nsi - bhalisukumila pebhakwenya ishihano weamalipo, ukuti nawumo isalizi, loli alipo asejeleye kwinza. 9 Ukuholelwa uku panongwa ya njele zyezili ni njele. Amatwe gasano na gabhili na magamba gasano na gabhili ge umwantanda amatendime papakwe. 10 Nawope bhamwene bhasano na bhabhili. Bhamwene bhasano bhaguye, woka nuwamwabho atinzile ashili; ahabhalilizyo pengayinza, alitendama muhabhalilizyo ahapimpa bhwelele. 11 Shihano sheshalipo, loli isalizi nashimo, wuyo wope umwene wa bhusano na bhutatu; loli woka wa bhala bha mwene bhasano na bhabhili, na bhebhahabhala kubhunanjisu. 12 Zila impembe ishumi lyoka zyeuhazyenya zye bhamwene ishumi bhe bhataposheleye ubhumwene, loli bhaliposhela amaha inzavwe bhamwene kuhabhalilizyo hoka poka nishihano. 13 Abha bhali nukuyangizanya poka, pe bhalimuppa amahagabho na maha gawula ishihano. 14 Bhaliyanda ubhulugu bhabho nu Mwana wa ngole. Loli Umwana wa ngole alibhapota panongwa Umupiti wa bhatiti nu Mwene wa Mwene - na mukasi uwene ahatuholel, tuhasabhulwa, bhasubhaliliwa." 15 Uhabhizya ahati, "Gala aminzi geuhagenya, apo peamatendime wula umalaya bhebhantu, bhwinji bhwankaya ni njango. 16 Zila impembe ishumi zyeuhazyenya - izyo na wula ishihano bhalimuhalalila wula umalaya. Bhope bhalimubhiha weka na muzwalusu, bhalilya umubhili wakwe, na bhali mwosha kumwoto. 17 She Umulungu abhisile mumoyo mumwabho kwega ukwanza kwakwe mukwitimkana nu kumupa ishihano amaha gaabho kumulongozya paka amazwi ga Mulungu galunjishe. 18 Wula umwantanda weuhamwenya ye nkaya yila impiti yeukuyilongozya pa bhumwene bhwa nsi."