¹ Inkivwa izwi ipiti likuholela pabhuzilo ya bhufinjile nukuti kubhala abhahabhizya bhasano na bhabhili, "Jendaga pe uyitile pamwanya pansi nimbakuli zisano na zibhili izya bhuhalazu bhwa Mulungu." ² Uhabhizya uwa bhwandilo ahabhala kwita imbakuli yakwe munsi; umubhuvwalale ubhubhibhi mu bhwa kubhabhwa ukuhali kuhinza mubhantu bhebhamile nishiholanyo sha shihano, kubhala bhebhahaputaga ishiholanyo shakwe. ³ Uhabhizya uwabhubhili ahita ishimbakuli shakwe mukasi mumiminzi; shamile inza vwe libhanda lya munyu weafuye, pe shomti ishabhulanza shehamile muminzi shihafwa. ⁴ Ubhabhizya wabhutatu ahitila ibakulili yakwe mumajenge na mumbwiwi zya minzi; zyamile libhanda. ⁵ Inkivw uhabhizya wa minzi akuyanga, "Twe we musubhalilwa - woka wesliko na weamalipo mufinjile - panongwa winza nu bhukanziuno winza nubhulonzi ubhu. ⁶ Panongwa bhahita ibhanda ilya bhasundikwa na bhakubhwi, kuhabhapa abhene kumwela ibhanda; isho she shebhahondeye." ⁷ Inkivwa ishinjile shihsmuls, "Nalyoli! Mwene Mulungu we mulongozi wa vwont, ubhulonzi bhwaho bhwa nalyoli na bhugoloso." ⁸ Uhabhizya uwabhune ahita kufumila mwibakuli lyakwe pamwanya pizubha, pe lilhitishiziwa kusha abantu kumwoto. ⁹ Bhahalungulila kubhutushizu ubhwakogofwa bhahalisamula izwi lya Mulungu, uwamaha pakomo zyonti. Batahapinduha pamu kumupa uwene ubhumwamu. ¹⁰ Uhabhizya wabhusano ahita kyfuila mwibakuli kyakwee mushitengo shakwe isha bhumwe isha shihanu, nishisi shihsgwishila ubhumwe bhwakwe. Bhahaswaga amino mubhubhafuabhuhali. ¹¹ Bhahamulinga Umulungu uwa kumwanya panongwa ya abhubhavu bhwabho, nakubhavwalazya kwabho bhope bhajendeleye kuhana kuleha inmbibhi zye bhabhomvile. ¹² Uhabhizya uwa bhusano na woka ahitakufumila mubakuli lyakwe mwijenje ipiti, Frati , na mimzi gakwe gahumila ingapeyihasenganyaga idala kubhamwene bhebhaliyinza kufumila kubhutukulo. ¹³ Inkenya impepo zitatu imbibhi zihalolehaga inzavwe bhagoggo bhakufumila kunzi lyi lomo lya njoha, shila ishihano, na wula umukubhwi wa malenga. ¹⁴ Pe mpepo zya bha mpepo zyezikubhomba ishimanyilo ni visukumizyo. Bhamile bhahasogolaga kubhamwene bhansi yonti inga pe kubhabhunganiha poka kubhulugu mukasi musinku ipiti izya Mulungu, we mulongozi pamwanya pa vwonti. ¹⁵ ("Yenya! Nkwiza inzavwe mwibha! Musangalusu wula weakwihala mukasi kusheswa, akusunjilila ivizwlo vwakwe ingape atahahonze kubhala kunzi ali ubhwazi nukuyenya umusamu wakwe.") ¹⁶ Bhahinza nawopepoka pakasi pa bhuzilo bhwebhuhatakwaga mushi heberi Amagedoni. ¹⁷ Uhabhizya wa bhusano na bhubhili ahita kufumila mubakuli lyakwe kubhuzelu. Pe izwi ipiti lihivwiha kufumila pabhufinjile nu kufumila kwitengo lya bhumwene, lihati, "Zyasila!" ¹⁸ Kwamile ipesese zyabhuzelu bhwa hamesya, ishiyingayinga, ukogofwa kwa hamesya, nishiyingayinga shakogofwa - ishibgsyings ishipiti isha nsi sheshitalipo nslumo munsi kufumila abhantu bhapelwe munsi, pe shiyingayinga ishipiti kushila. ¹⁹ Insi ipiti yihatapunkana mukasi mubhuzilo bhutatu, na munsi zya nsi zihagwa. Pe Umulungu ahamukumbusya Babeli umupiti, pe ahamupa inkaya iyo ishikombe sheshili zyizuye ivihola mubhuhalazu bhwakwe bhwebhuhali. ²⁰ Vwonti ividimi vihatega na magamba gatahaloleha nalumo. ²¹ Imvula impiti iya mabhwe, yamile nu bhumwamu bhwa ubhumwamu, yihiha kufumila kumwanya ya bhantu, pe bhahamusamula Umulungu kunkomo zya mvula zya mabwe panongwa inkomolyamile libhibhi kshizanya inkani.