¹ Ishi, mwebhamwitu mwenti muhobhohaje kwa Mwene. Ntakwenya kutamwa kusimba amazwi gegalagegala. Igamambo gakubhapa ubhinza. ² Mshenjele ni mbwa. Mshenjele na bhala bhebhajihanile amabhili gabho. ³ Kwe itwe itwe twe bhusafi. Itwe twe tukumuputa Mulungu kumtegemela Umupepo. Tukuyibada kwa Kristu Yesu, nitwe tuli nubhusajili kumubhili. ⁴ Pope ipo inga kubhanga numuntu uwa kwitishila kumubhili uno ine nkenkabhezya kubhomba ishi inkani. ⁵ Ishi intashiliwe isiku lya nane, nkupapwa kukabila ilya Bhaisraeli. Ni bha kabila ilya Bhabenjamimini. Nibha Mwebrania abha waebrainia. Kufuma kumalilizwa ihaki izya ndajizwo izya Musa, ali wu, Farisayo. ⁶ Ku maha gane abhamwitu nkabhatesa Mushibhanza. Kushindiha ubhwanalyoli kundajizyo, ntahabha ni ndajizyo. ⁷ Pe kubhomba vyonti nkazyenya ukutizya konjelela kukwane nene, inkayabhazya ngat iswaswa kushifukwa sha kumumanya Kristu. ⁸ Kwa nalyoli, kubhazya ivunti vyonti kwinjililw kufuma kubhwinza bhwa kumumanya u Kristu Yesu Mwene wane. Kujulu yakwe indesile ivintu vyonti, nkubhazya nkati swaswa ingimwaje Kristu ⁹ na indoleshe mukasi mumwakwe. Ntali nubhwanalyoli bwane neka kufumila mundajizyo, loli ndili nubhwanalyoli yeyikuloloha mwulwitiho lwa Kristu, yeyi kufuma kwa Mulungu, uwene we mwanzilishi wa lwitiho. ¹⁰ Pe lelo kwanza kumumanya wuyo na amaha ga lwuzyuho lwakwe nu poka nukuyimba kwakwe. Kwanza ukubhabadilisya nu Kristu mushiholanyo sha ifwa yakwe, ¹¹ pe lelo yikwanziwa imbe nulusubhilo muluzyuho lya bhafwe. ¹² Te nalyoli ukuti ingazile gonti ago, pamu ukuti mbwezizye gonti ago. Loli nguyula ili ishaje shila she shikwajinkana nu Kristu Yesu. ¹³ Bha jenzi bhane ,ntamanya kuti ingazile gonti iga. Loli nkubhomba ishintu shoka: nguluvwa agakwisinda nkwenyelezya aga kwilongolela ¹⁴ Nkuyula kufishila she nkwanza shoni ili ishaje she kwanza ishaje isha pamwanya kwitwa kwa Mulungu mwa Kristu Yesu. ¹⁵ Swenti swe tukulishe mubhupokwa, tuhondeye tusibhaje bhunubho penga alipo uwunji akusibhilila ilinji asibhe lyelitalinganile kuti izwi lyolyonti, Mulungu wope aligubula ilyo kukwinyu. ¹⁶ Pe apo, tukwepa nukufiha nukusogola bhunubhunubhwo. ¹⁷ Bhmwitu imwe, nejelelaje ine. Bhenyaji kunjele bhala bhebhakujenda kushifyanishizyo bhebhuli inzitwe. ¹⁸ Abhinji bhabhakutendama bhebhala bhe bhembabhuzyizye nishi kubhabhuzya kumansunzi- abhinji bhkutendama nkanti bhalugu bha pashihobhenkayo sha Kristu. ¹⁹ Ubhumalilo bhabho bhunanjisu. Kukwaho Mulungu wabho lwanda, na mabado gabho galikusupila kwabho. Bhakusibhilila imbombo zya pansi. ²⁰ Loli ubhuhaya bhwitu bhuli kumwanya, kwetusubhaliye umuposhi witu Uyesu Kristu. ²¹ Aligalunkanya ambhili gitu amayeyebhazu ukubha mabhili gakushindikwa; kumaha galagala kutonyezya kuvidindila vintu vyonti.