¹ Pakubhajenzi bhane bhekubhanyonywa mwemuluseshelo nikia yane Mwimilile hinza kwa Mwene, imwebhalafiki mwebhalafiki mwembaganile. ² Nkunkulajizya iwe Eudi, habhili kukulajizya iwe sentike, mgalusye ulwivyano ulya mtende pakasi papinyu, shifukwamwenti, bhabhili mivwine nu Mwene. ³ Loli, nkubhalajizya imwe bhabhombambombo bha mwitu mubhazye abhantanda pakuti bhahabhomba imbombo nine kusasya izwi lya Mwene kugomwa nu Kelementi poka na bhabhomvi abhamwabho bha Mwene, bhamazina gasimbilwe mwa kalata wa bhulanzi ^{4 5 6} Kujendelela kwa Mwene insiku zyonti. tena ndiyanga, umutende. Ubhu pole bhinyu bhumanyishe na bhantu bhonti. Mwene alipa pipi. Mtayitamwaje kwizwi lyolyonti. Julu yaamambo ginyu, bhombaji amambo ginyu gonti kwidala lya kuputa, kulabha na kusalifwa . Nintamwo zyinyu zimanyishe kwa Mulungu. ⁷ Loli umutende wa Mwene umpiti kushila kwelebhwa konti, yilinde amoyo ninsibho zyonti izyinyu kutwavya kw aKristu. ⁸ Habhili, bhamwitu; gasibhililaje sana amambo ago nalyoli, unshinzi, ubhwanalyoli, ubhuzelu, ulugano, na gala gegakuyangwa ahinza, ubhwamshinzi, poka nagala gegakwanza kutimwa. ⁹ Ga bhombelaje imbombo gala gemumanyiye, gemuposheleye gemgivuye na galagemuhagenya kukwane nu Tata witu uwa mtende kutayime nimwe. ¹⁰ Ndili numtende umupitu sana julu yinyu Mwene pakuti imwe mulolesizye umwoyo umwinza uwakujipalamizya kukwinyu kuntamwo zyane. ¹¹ Ha nalyoli, kuti kwisindauko muhanzaga kusajila kushida zyane poka nakuti mtahayaga ibahati iyakunavya. Ntakuti yanga kuti undondole kuvintu kujulu ya vintu vyinu. ukwani namanyilila kwakuliziha ni hali zyonti. ¹² Manyile kutendama katika kuhali ya kusililwa ni bhwakati bhwa kubha ni vyinji. Kufwatana na madala gonti igo ine mnyiye kuzyiha kulya pekwikuta navyeningalya aha bhalilo hanzala, kuubha ivwinji nukusilwa. ¹³ Ningbhomba iga kwakunavya bhuyo wakumpa amaha. ¹⁴ Pope lelo, muhabhomba ahinza kusangana nine mumayimba gane. ¹⁵ Imwe bhafilipi mumanyile kuti kubhwandilo bhwa mazwi penkepaga kuma Makedonia, nalimo Ibhanza lye lihamupa sheshonti kumambo gegakuyangwa kufumwa nu kuposhela ila imwe mweka. ¹⁶ Penali kubha Thesaslonike, imwe muhanavya nkani kushila woka kujulu ya ntamwo zyane. ¹⁷ Ntakuyanga kuti kwanza munavye. Loli nkuti mvyaje ivihomwa vyevikuleta ifayida kukwinyu. ¹⁸ Mposheleye ivintu vyonti, na habhili nizuye ni vintu ivyinji. Mposheleye ivintu vyinnyu kufuma kwa Epafradito. Ivinyu ivyinza vyevikunushila, vyevikwivyana vyevyonti ni vifumwa vyevikumhondezya Mulungu. ¹⁹ Kujulu lilyo, Mulungu wane kutabhizuzwe intamwo zyinyu izyabhudumbwe ubhwabhuzelu bhwakwe Yesu Kristu. ²⁰ Loli kwa Mulungu na Utata witu muzelu shima na shima. Amina. ²¹ Indamuho zyane zimufishile kila mushilika wa Kristu Yesu. Bhaganywa mwendili nimwe panapa nkubhalamuha. ²² Habhili bhashirika mwenti apa bhabhalamuha, kufwata na mshibhanza sha Kaisari. ²³ Na salizi ubhulotwe bhwa Tata witu Yesu Kristu abhe na moyo ginyu.