¹ Inga kuli nukusubhalizya ukuwa Kristu. Ingakulikusubhalizya kufuma kushikunzi shakwe. Inga kulipoka Numupepo. Inga kulinubhuhobhoshelo nu bhwila. ² Muyanan'we uluseshelo lwane kunsibho yoka, mubhe poka kwa mupepo, nukubha ninsibho lyoka. ³ Mutahabhombe nukuyibagula na kuyila. Yikwanzibhwa kuyisya nukubhenya abhinji kubha hinza kulusya nimwe. ⁴ Kila woka papinyu atahenye bhulo imbombo zyakwe weka, lole abhe bhakubhavwa imbombo izya bhanji. ⁵ Mubhe ninsibho nkanti yalinayo Kristu Yesu. ⁶ Nape uwene alinganti wu Mulungu. Loli atahasajila kubha ngati wu Mulungu pe shintu shakulemana nasho. ⁷ Paye yakwe, ahayisya wuyo weka. Ahanyetula ishibhili sha mubhomvi. Ahafumila mushifwani isha bhantu. Ahaloleha muntu. ⁸ Uwene ahayisya nukubha kwivwa hadi kufwa, ifwa iyashihobhenkanyo. ⁹ Vwezili panapo Mulungu ahamwinula nkani. Ahamupa izina ipiti lyelikushila kila lizina. ¹⁰ Ahabhomba ubhuso ili kuti mwizina lya Yesu kila shisugamo yikwanziwa shiname. Ivisugamilo vwabhebhali kumwanya na bhebhali pamwanya iya nsi na pansi ya nsi. ¹¹ Pe ahabhomba ili kuti kila ulumili yikwanzibhwa bhutonte kuti Yesu Kristu wewu Mwene, nbhuzelu bhwa Mulungu Utata. ¹² Pe bhunubho lelo, bhenkabhagana abhane nganti inzavwe mhitiha insiku zyonti, tebhulo ukubha kwane ili insalizi pe zaidi napentalipo bhulo ine, muyitume nulwitiho lwinyu mwenemwe kwilwoga na kutetema. ¹³ Pekuti we Mulungu wakubhomba imbombo mkasi yinyu ili kubhavya kusibha nukubhomba imbombo zila zyezimhondeye wuyo. ¹⁴ Bhombi imbombo zyonti pasi na kuyilumbuzya na kudalinkana. Bhombi imbombo zyonti ili kuti bhatahalumbuzye nukubha mwebhana bha Mulungu abhanalyoli bhebhatali nu kuyangana. ¹⁵ Bhombi ubhwo lil kuti mubhe bhuzeru bhwa nsi, mushifumo isha mabhabhibhi ni mbibhi. ¹⁶ Lileme inkani izwi ilya bhupuma ili kubha ni shifukwa isha kusalifwa isiku lya Kristu. Habhili ndimanya kuti ntahashimbila pabhulo habhili ntahayimba bhulo. ¹⁷ Pope ingashekuyifumwa ngati shabhila pamwanya pashifinjile nakuzwa mbombo ya mulwitiho lwinyu , nguseshela, pe nguseshela poka nimwe mwenti. ¹⁸ Bhhwebhwebhulo nimwe pe mukuseshela, pe mukuseshela poka nine. ¹⁹ Loli nkusubhlila ukumutuma kwa Mwene Yesu kumusontelezya Timotheo kukwinyu ishi lyontulu, ili kuti imbwezye kubha subhalizya umwoyo inganamanya imbombo zyinyu. ²⁰ Kwekuti nteli nuwamwabho walinisibho ngati ni zyakwe bhuyo, walinisibho iyanalyoli kujulu yinyu. ²¹ Abhanji bhonti bhe bhenkabhasontelezya kukwinyu bhakulondola imbombo iya bheka bhulo, nate mbombo iya Yesu Kristu. ²² Loli muyimanyile ibeyiyakwe, kushifukwa kwa bhana vwakumbombela utata wakwe, vwezili vwahabhomba poka nine izwi. ²³ Pe nkuti nkusubhila kumulajizya lubhilo pala bhulo penamanya kuti shoni shliyinza kukwane. ²⁴ Loli ndili nu bhwnalyoli kufuma kwa Mwene kuti nene peendiyinza ahabhalilo tehatali. ²⁵ Lole nkusibha nkuti hinza kumugalusya kukwinyu Epafradito.Wuyo we mjenzi wane numubhomvi uwamwitu nusikari uwamwitu, izwi nu mubhomvi winyu ku julu iyantamwo zyane. ²⁶ Shifukwa aliniloga ahanyonyonywaga kubha poka nimwe mwenti, pe nkuti muhivya kuti alimubhinu. Lole nalyoli amile mubhinu nkani wapalamiye kufwa. ²⁷ Loli Mulungu ahamupelela ishisa, lole alipamwanya yakwe, ili kuti ntahabhe ni shisa pamwanya ya shisa. ²⁸ Loli ipo nkumugalusya nalubhilo inza vye yikwanzibhwa, ili kuti ingapemwamwenya habhili mubhe nuluseshelo nine ndibhanefwa ilyoga. Mukulibisye Epafradito kufma kwa Mwene kuluseshelo lyonti. ²⁹ Mubhashindishe abhantu ngati wuyo. ³⁰ Kwekuti yali kujulu ya mbombo iya Kristu kuti ahpalamila kufwa. Ahayibhiha pabhubhibhi papakwe ili kupoha ine nukubhomba shila she muhapotwa kushibhomba ukunavya ine pemuli kubhutali nine.