¹ Utalonje, nuwe utahalonjebhwe. ² Muhalonjelwe vye ukulongwa, nuwe ukulonjelwa. Na kuvyevikwenya niwe bhulo ulipimiwa shinisho. ³ Na shoni she ukwenya ulubhazu lyi kwi. Sheshili mulyinso lya mjenzi waho, loli utamanyile ishipato sheshili mwilyinso lyalo, pe ishipato sheshili mlyinso lyaho? ⁴ Ungabhwezya ukuyanga umujenzi waho, pe ikwefwe ishipato mwilyinso lyaho shilipo?. ⁵ We muluma ilenga iwe, yefwa suti ishipato (iswaswa) mwilyinso lyaho , e kuti abhwezye kwenya ahinza nu kushe ⁶ Utahazipe imbwa ivifinjile, na utasumbile ingulubhe lulu pilongolela paho. Pe lelo kuti bhavinanganinye nu kuvihanyanjila kuvinama, na sona kuti bhakugalushile wenewe nukuzepulanya vinsi vinsi. ⁷ Labha, niwe tebhakupe. Londola kuti vyaje. Honyosya uhodi, niwe kuti bhakwigulile. ⁸ Kwa wowonti wa kulabha, akuposhela. Na kwa wonti we akulondola akuvwaga. Na kwa muntu wea kuhonyosya akwiguliwa. ⁹ Bhanga aliko ghumo mumwinyu we, angabha nu mwana wakwe alavile ulubhazu iwa bhugali angampa ibhwe? ¹⁰ Bhanga ingamulavile inswi, pe uwene angampa injoha? ¹¹ Pe inga lelo imwe mubha bhibhi mumanyile ukubhapa abhana bhinyu ivwinza, Je! pe kulusya Utata wa kumwanya angabhapa ivintu vyonti ivwinza bhala bhe bhakumulabha uwene? ¹² Pa shifukwa isho, pe ukwakubhombelwa ishintu shoshonti na bhantu abhanji, niwe bhulo yikwanziwa ubhabhombelaje bhwebhulo bhubho. Pe iyo ye ndajizyo na bhamkubhwi. ¹³ Yinjila pa kujendela umulyango umunyela. Pe umulwango umududubhanu na idala idudubhanu yeyikusontelezya kubhunanjisu, na abhantu abhinji bhebhakujenda mwidala ilyo. ¹⁴ Umulyango umunyela, Umlyango umnyela lidala lye likukulongozya kubhulanzi bhwa shima na bhansi bhe bhakubhwezya kuyenya. ¹⁵ Uyefwe na bhakubhwi bha malenga, bhebhakwinza bhazwaye amakwela ga ngole, pe kwage bhebha habhila abhahali. ¹⁶ Ku vihomwa vwabho mulibhamanya. Pe abhantu bhangabhwezya ukkwinula ivihomwa muminvwa, pamo mutini mu mbeyu iya tete? ¹⁷ Pe bhwebhulo,ikwi ilyinza likupapa ivihomwa ivwinza, loli ikwi ibhibhi likupapa ivihomwa vibhibhi. ¹⁸ Ikwi ilyinza litangapapa ivihomwa ivi bhibhi, wala ikwi ibhibhi litanga papa ivihomwa ivwinza. ¹⁹ Ikwi lyonti lye litakuhoma ivihomwa ivwinza lilidumulwa nu kulitajila pa mwoto. ²⁰ Pe lelo, ulibhamanya kufumila muvihomwa vyaho. ²¹ T e bhantu bhonti bhebhakunjanga ine, 'Mwene, Mwene,' aliyinjila mubhumwene bhwa kumwanya, loli wula we akubhomba ubhwigane bhwa Tata wane we alikumwanya. ²² Abhantu abhinji bhalimbuzya isiku ilyo, 'Mwene, Mwene, tutahafumwaga ubhukubhwi mwizina lyaho, tutahefwaga impepo mwizina lyaho, na mwizina lyaho tuhabhomba imbombo impiti?' ²³ Pe ndi bhabhuzya pabhuzelu, 'ntabhamanyile! Yepi kukwane, imwe bha bhomba mbibhi!' ²⁴ Pe lole, wonti ahavwa amazwi mumwinyu wa kwavwa amazwi gane nu kwi vwila alilingana nu mntu uwa njele wa ahazenga inyumba yakwe pa mwanya piyalabhwe. ²⁵ Imvula yihatonya, aminzi gahizula, ni mpepo yihinza na yihahoma inyumba iyo, yitahabhweza ukugwisya pansi, mwata yihazengwa pamwanya pi yalabhwe. ²⁶ Pe wonti we akwivwa izwi lyane atahalivwile, alilinganwa nu mntu wa hazenga inyumba yakwe pa lu sesenga. ²⁷ Imvula yihinza, na minzi gahizula, ni mpepo yihahoma inyumba iyo. Na yihagwa, nubhunanjisu bhwakwe bhuhalingana." ²⁸ Haha fiha aha bhalilo he Yesu iwe ahamala ukuyanga amazwi ag o, uluhomano bhahasukumila ni visambilizyo vyakwe, ²⁹ pe ahinza asambilizya ngati mntu nkati mwene wa maha, ne tengati bhasimbi bhabho.