¹ Mwandaje kuto kubhomba imbombo yana lyoli pilongolela ya bhantu ili kuyilolesya, she ungukuhonzya ataliposhela inkiha kufuma kwa tata kumwanya. ² Ilelo ingukufumwa utahahome ilonji na kuyizuvya weka bhilenga bhebhakubhomba munyumba zyabho na mumasolo, ingabhantu bhabhazuvye. Nalyoli nkubhabhuzya, kwekubhayisendeye ivya kubhanzyiha ivyabho. ³ Loli iwe pukufumwa, inyobhe yaho iya kumongo yitahamanye sheshikubhombeha na inyobhe iyakundilo, ⁴ ivwa shikuku vyaho ufumwe kukwilu. Pu tata waho wakwenya kukwilu alilema kukuzwiha wuyo. ⁵ Pope nashe ungaukuputa, utahabhe ngati bhilenga, pakuti bhakusungwa kwimilila nu kuputa munyumba zyabho na mkomano zya magulumo, inga bhantu bhabhenye. ⁶ Nalyoli nkubhabhuzya, bhayisendeyenzila ivwa kubhazwiha. Loli iwe, ingaukuputa, yinjila kukasi.Galila lwiji, nu pute kwa tata waho wali kukwilu. Pu Tata waho akwenyaga kukwilu alikupa nikiha yaho. ⁷ Pe unguli kuputa, utagalushilaje galushilaje amaazwi gegatali nu bhwanalyoli inzavye abhakunzi bhakubhomba, pabhene bhakusibha kuti bhivye kumazwi aminji gegakuyangwa. ⁸ Zye ndali, utahabhe nkati bhabho, pakuti utata wabho amanyile itamwo zyabho pope shushili kuputa kukwe. ⁹ Ilelo iweuputaje utinji: Tata witu wakumwanya, ulishindishe izina lyaho. ¹⁰ Ubhumwene bhwaho bhwinze, zyungasibha iwe zye zibhombelwaje pansi ngati uko kumwanya. ¹¹ Utupe ilelo ubhugali bhwitu ubhwa shima. ¹² utuhobhoshele amalandu gitu, inzitwe vye tukubhahobhoshela abhamalandu bhitu. ¹³ Na utahatuletele mulutazyo, loli utuposhe kufuma kwa ghula umulugu,' ¹⁴ She inga mwabhwahobhoshela abhantu amalandu gabho, Utata waho walikumwanya akubhahobhoshela nimwe. ¹⁵ Loli inga mtakubhahobhoshela amalandu gabho, wope Utata winyu atangabhahobhoshela amalandu ginyu. ¹⁶ Kushila inkani, peufunzile, utahayilolesye paminso pusungime ngati muluma ilenga vye bhakubhomba, pabhene bhakugomwa paminso gabho ingabhantu bhabhamanye kuti bhatakulya ishakulya. Nalyoli nkukubhuzya, kuti bhaposheleye inkiha zyabho. ¹⁷ Loli iwe, ingaufunzile, pahala amafuta kwitwe lyaho habhili usukusule kuminso gaho. ¹⁸ Ipo yitakulolesya kwilongolela kubhantu kuti funzile, lolibhulo kuti yibhe kwa tata waho wali kukwilu. A kupe inkiha yaho. ¹⁹ Utashilengulilaje ishuma shaho wewe weka apa pansi, peninenzi zikudobhola nubhusimu bhukunanganya, pabhibha bhakusanganya na kwibha. ²⁰ Loli,uyisengulile ishuma shaho wewe kumwanya, pepatali ninenzi, nubhusimu bhutangadobhola, nape abhibha bhatangabhwezya kwibha. ²¹ Kwekuti ishuma shaho peshili, penumwoyo waho wulibhapo. ²² Ilyinso nyale ya mmubhili. Kwekuti ilyinso lyaho lipuma, umubhili wonti wukwizula nubhuzeru. ²³ Loli inga ilyinso lyaho libhibhi, umubhili waho wonti wizuye ishisi ishipiti. Apene inga ubhuzeru bhebhuli mkasi yaho nishisi nkani, nishisi shipiti sheshinji! ²⁴ Atalipo nawumo ingawoka wangabhezya kubhabhombela abhamwene bhabhili, kwekuti kutamhalalile woka nukumgana uwamwabho, pelumo angayifumwa kwawoka nukumusufwa uwamwabho. Mtangabhwezya kumubhombela u Mulungu ni shuma. ²⁵ Pebhunubho nkunku bhuzya, utahabhe nu kogopa kusibha ubhulanzi bhwaho,kuti indyeshoni awe imwele ishoni, awe ku mubhili waho, uzwale ishoni. Pe! ubhulanzi te nkani ya shakulya numubhili tenkani yamenda? ²⁶ Yenya inyunyi zyezili kumwanya. Bhatakubhwala nu kwinula na kubhunganiha nukusengula mshanga, loli Tata winyu uwakumwanya akubhalisya abho. Imwe lelo temwebhapanya nkani kushila abho? ²⁷ Ghunanu pikundi papinyu wangayipulisya angayonjezya hahono hoka mubhupuma bhumutendamo bhwakwe? ²⁸ Imwe shoni shemukubha mkupasya na amenda? Sibhili ubhezya mumagunda, vye gakukula. ²⁹ Gatakubhomba imbombo habhili gatakuyizyiha. Nkandi nchili kubhabhuzya, wope na weSelomoni mubhupiti bhwakubhonti atazyaye nalumo iyaga. ³⁰ Ingu Mulungu akugakwatizya amatundu mumagunda, gegakutendama isiku lyoka ni ndabhi bhakusumba pamwoto, patinji asitukupitilizya kubhakwatizya imwe ,mwebhalwitiho ulunsi? ³¹ Mwe mtahabhe ni mpasyo kuyanga,' mwe kwetulye ashi?' au "Kwe tumwele ishoni?" au "Kwe kutuzyale menda goni?" ³² She abhapanzi bhakulondola imbombo izyo, nu Tata winyu uwakumwanya amanyile kuti mkwanza ago. ³³ Loli isha bhwandilo londoli ishuti ubhupuma bhwakwe nu bhwanalyoli bhwakwe nivinji vyonti alikupa kukwaho. ³⁴ Kwilyo, utahenye itanzi kujulu ya ndabhi, kwekuti indabhi yilijimanyisya yiyo. Kila lisiku likukwilana kubha ni tamwo zyakwe zyeka.