¹ Uyesu pahenya impuga, ahepa nukubhala Kwigamba. Pe lwa tendime pansi, ahabhasundikwa bhakwe bhahinza kukwakwe. ² Ahigula ilomo lyakwe nukubhamanyizya, ukuti, ³ "Nafuu bhebhali mubhupina ubhwa mwoyo lole ubhumwene bhwa kumwanya bhwabho. ⁴ Nafuu bhebhali ni shisa, abhene bhalisubhilwa. ⁵ Nafuu bhebhali nu bhutonsa, abhene bhalitawala insi. ⁶ Nafuu bhebhal ni nzala ni shinyota ishanalyoli, abhene abho bhaliyikuswa. ⁷ Nafuu bhebhali nubhwila, abhene abho bhalipata ubhwila. ⁸ Nafuu bhebhali nu mwoyo umuzelu loli abho bhalimwenya bha Mulungu. ⁹ Nafuu bhebhakulonzya, loli abha bhalibhita bhana bha Mulungu. ¹⁰ Nafuu bhala bhebhakuyimba kubhwa nalyoli, loli ishi namwene shakumwanya shabho. ¹¹ Nafuu bhala bheabhantu bhalibhaliga nukubhatesa, au kuyaga shonti shila isha bhubhibhi pakasi yinyu kwu malengo kujulu yane. ¹² Seshelaje nu kuhobhoha, loli ubhwinza bhwinyu ubhupiti kumwanya. Kwekuti ishi vweabhantu bhahaba yinvwa vwa bhantu. ¹³ Imwe mwelibheya lya nsi. Inga ibheya lyatezya ubhunono bhwakwe , yinahonzyashi kubha libheya lyelila habhili? Habhili litangabha lyinza kushintu shoshonti habhili, yikwanzibhwa kutaga panzi nu kuhanywa nivinama vwa bhantu. ¹⁴ Imwe mwebhuzelu ubhwa nsi. Inkaya yeyizenjilwe pamwanya yigamba yitakuvwama. ¹⁵ Awe abhantu bhatakwasya itaa nukuyibhiha pansi iya shikapu, loli pamwanya, yope yikubhahozya bhonti bhebhali munyumba. ¹⁶ Leshi ubhuzelu bhwinyu bhulame pilongolela lya bhantu kwidala lye ukuti, bhazyenye imbombo zyinyu inyinza nu kumusalifwa utata winyu wali kumwanya. ¹⁷ Mtahasibhe kutininze kuyinangan'wa indajizyo wala abhamukubhwi. Mtinzile kunanganya loli kumala. ¹⁸ Nalyoli nkubhabhuzya kuti kufuma kumwanya ninsi zyonti zishile nayimo iyodi yoka wala inukuta yoka iya ndajizyo yiliyefwa mundajizyo kufiha apo kila shintu peshilibha shisizile bhombwa. ¹⁹ Loli wowonti wakuvunza indajizyo inyinsi pakasi iya indajizyo izi nukubhamanyizya abhanji kubhomba ubhwo alimwita munsi pashina mwene sha kumwanya. ²⁰ Loli wowonti wazilemile nukuzimanyizya alimwita wusongo kushinanmwene sha kumwanya. Na lyoli nkubhabhuzya ubhwa nalyoli lwinyu ingabhutonjela inalyoli iya bhasimbi niya Bhafalisayo, ku vyovyonti vila temuhinjile kushina mwene sha kumwanya. ²¹ Mwivuye yihayangwa hali kuti, "utahagoje" nuwowonti wakugoga ali pabhulugu ubhwa kukungwa. ²² Loli nkubhabhuzya wowonti wa kumuhalalila umunine wakwe alibha muhatali iya bhulugu. Na wowonti wakumubhuzya umunine wakwe kuti, 'Iwe we muntu tewemwinza!' alibha pa bhulugu bhwa kulongwa. Na wowonti wakuyanga, 'Iwe wemyubhwi!' alibha pabhulugu ubhwa mwoto mayimba. ²³ Ubhwo inga ukufumwa ishifumwa shakwe apashindikwa nukukumbuha kuti umujenzi waho ali nizwi lyolyonti pa liwe, ²⁴ shileshe ishifumwa pilongolela lya pashindikwa, inga uleme idala lyaho. Hivwane numujenzi waho, ingapuyinze kufumwa ishihomwa shaho. ²⁵ Yivwana nu mulongwa waho lubhilo, ubhe poka nawo mwidala kubhala kunongwa, pe lumo umulongwa waho lumoangakuleha mnyobhe mwa mmalanongwa, nu mmalanongwa akulishe mnyobhe mwa sikali, niwe ulisumbwa mumayimba. ²⁶ Yamini nkubhabhuzya, habhili tuhabhe hinza hadi umulipe isenti ya hela yukudayiwa. ²⁷ Mwivuye yiyangilwe kuti, utahabhombe ubhu , 'Malaya.' ²⁸ Loli nkubhabhuzya wowonti wakumwenya umwantanda kumusungwa akupela lubhembuha nawo mumwoyo wakwe. ²⁹ Na inga ilyinso lyaho kundilo likupelela ukupunula, linyunkule nu ulisumbe pabhutali niwe. Loli paashi shoka kumubhili waho shinanjishe kuliko umubhili wonti kusumbwa kumayimba. ³⁰ Ni nyobhe yaho iya ndilo yikukwazya kupunula, yidibe inga uyisumbele kubhutali niwe. Loli paashi ishiunganishi shoka ku mubhili waho shinanjishe kuliko ubhuli wonti kusumbwa kumayimba. ³¹ Yiyangilwe loli, wowonti wakumushimbizya umshi wakwe, na amupe ihati iya karata.' ³² Loli ine nkubhabhuzya, wowonti wa kumleha umshi wakwe , yitahabhe kuti kushifukwa isha mabhinu, amubhiha kubha kubhembuha. Na wowonti wakumwimala lye bhampa ikarata akubhomba ubhu lubhembu. ³³ Habhili mwivuye yihayangwa kubhala abha hali, intahalape ku malenga, loli twali ivilapo vwinyu kwa tata,' ³⁴ Loli nkubhabhuzya, mtalapaje ingahansi, awe ukwamwanya , kwekuti shina mwene sha Mulungu; ³⁵ wala ukwansi, loli ye sehemu ya kubhiha ishitengo isha kuhanyila inyayo zyakwe, au ku Jerusalemu, kwekuti yenkaya iya mwene usongo. ³⁶ Wala utahalape kwitwe lyho, loli utabhwezya kugomba ulusisi lyoka kubha luzelu au lwilu. ³⁷ Ila amazwi ginyu gabhe, Nalyoli, nlyoli, hagha, hagha,' kwekuti gegakonjela pigo gakufuma kwa wula umubhibhi. ³⁸ Mwivuye yiyangilwe kut, 'ilyinso ni lyinso, na ilyino ni lyino.' ³⁹ Loli ine nkubhabhuzya, Mtahapotane nu mntu umubhibhi; loli umntu inankuhoma ulusaya ulwa kundilo mgalulile ni lyamwabho habhili. ⁴⁰ Na inga wowonti akunyonywa kubhala niwe kulongana na ingakufwula igolole lyaho, mleshe nisopeho lyaho lyope. ⁴¹ Na wowonti wakulazimisya kubhala nawo ubhutali bhoka, bhalaga nawo ubhutali bhwabhubhili. ⁴² Ku wowonti wakulabha umupe, nu taha mleshe wowonti wakwanza kukuhopa. ⁴³ Mwivuye yinjilwe, 'Umugane ujilani waho, nu muhalalile umubhibhi waho.' ⁴⁴ Loli kubhabhuzya, bhagane abha bhibhi bhinyu, bhaputile bhebhakuhalalizya, ⁴⁵ Ili kuti mubhe mwebhana bha tata winyu walikumwanya. Kwekuti akubhomba izubha libhalamile abhabhibhi na bhinza, nu kubhatimila invula abhabhibhi na bhinza. ⁴⁶ Inga mwabhagana bhebhakubhagana imwe, mkupata bhwinza bhwoni? Loli bhebhakusonshezya ubhushuru bhatakubhomba ubhwo? ⁴⁷ Na inga mkubhalamba abhajenzi bhinyu bhulo mkupata ishoni kulusya abhanji? Je!, abhantu abhakunzi bhatakubhomba bhunubhwo? ⁴⁸ Kwekuti yikwanzibhwa kubha mwebhayananu, ngati utata winyu uwakumwanya vwali ahinza.