¹ Ahabhalilo Yesu ahiha pansi kufuma kwigamba impuga ya bhantu abhinji yihabhalandata. ² Pe bhahenya, maketa ahinza nukumwinamila pilongolela papakwe, ahayanga, "Mwene, inga ulunulutanzi, unganavya nu kugomba ine ne mwinza". ³ Yesu ahasonta inyobhe yakwe nu kumpala masya, nukuyanga, "ndili nulutanzi. Wime we mwinza." Panapo ahozya maketa gakwe ⁴ Yesu ahayanga,"Yenya ishi utahayanje kwa mntu wowonti. Lema idala lyaho, nu ujilanje wewe kumubhomba imbombo nu ufumwe ishitu she u Musa ahalajizya, kujulu ya gugawenye kukwabho. ⁵ Ahabhalilo Yesu ahafiha pa Kapernaumu, Shebhusi ahinza kukwakwe nukubhuzilizya ⁶ ahayanga, "Mwene, umuzya uwane akasite mnyumba afuye ulubhazu na alinubhubhavu ubhwa kogofwa." ⁷ Yesu ahabhabhuzya," Ndiyinza na kumpon'wa. ⁸ Shebhunsi uwene na ahayanga, "Mwene, ine tahondeye uyinze uyinjile mkasi mnyumba mmwane ya ngaizyi tu numzya wane akubhapon'wa. ⁹ Pe ine nene ne mntu nendili na maha ndili na bha msilikali bhebhali pansi yane. Inganayanga kuyo "Sogola akusogola, nakuwamabho 'nzaga', akwinza nu mzya wane, 'bhomba ishi,' ghope akubhomba bhwebhulo" ¹⁰ Ahabhalilo Yesu pahivwa aga, ahaswiga nu kuyanga kubhala bhebhahamfwataga," Nalyoli kubhabhuzya, ntahenya umntu wali nulwitiho ngati wewuno ku Israeli. ¹¹ Kubhabhuzya, abhinji bhaliyinza kufuma kubhutukulo nu kubhuswelo, bhalitendama imeza poka Ibrahimu, Isaka, nu Yakobo, kushinamwene sha kuwanya. ¹² Pe abhana bha bhumwene bhalibhasumba kushisi isha panzi, apo paliyima inkuta nu kusyolanya amino." ¹³ Yesu ahayanga Shebhusi, "Sogola! inza vye uyitisile,na yibhombeshe bhwebhulo ukwaho". Nu mzya kumuzusya kuhabhalilo iho. ¹⁴ Habhalilo Yesu ahafiha kunyumba iya Petro, ahamwenya umayi maivwala wakwe nu Petro akasite pemubhinu wa shiwaya. ¹⁵ Yesu ahampalamansya inyobhe yakwe, nu bhubhinu bhwakwe bhuhamleshela. pe ahimilila nu kwenda kumpyunjilila. ¹⁶ Pe yafiha hamazubha, abhantu bhahamletele Yesu abhinji bhebhabhoneliwe ni mpepo. Ahazipilila impepo na bhala bhebhali bhabhinu akumuzusya. ¹⁷ Kunamna ino ishigafisile gala ge gahayangwa nu Isaya umukubhwi, "Uwene huyo ahanyatula ambina zyitu nu kuswimiliwa agitu" ¹⁸ Pu Yesu la yenya impuga yimuzunguliye, ahafumwa indajizyo nukubhala nu kubhala ulubhazu ulunji ulwa inyanja iya Kugalilaya. ¹⁹ Pe umsimbi ahinza kukwane nukubhuzya ,"mumanyizi, inkulandate ponti pukubhala." ²⁰ Yesu ahayanga," Abhahabhila bhali ni vilibha, ni nyunyi zya mumwanya zili ni visalanzu, pe ishi ne mwana wa Adamu atali bhuyo nabhumo bha kukusya itwe lyakwe." ²¹ Umsundikwa uwamwabho ahayanga, "Mwene nitishizye isuti imbale kusyila utata wane," ²² Pu Yesu ahayanga, "Ndandate, nu ubha leshe abhafwe bhasyilane abhafwe bhabho," ²³ Yesu pahinza ayinjila ku boti, abhasundikwa bhakwe bhahamulandata mu boti. ²⁴ Yenya, yimilila amayegayega amapiti pamwanya panyanza. Pe ishi Yesu bhuha gubushilwa pu Yesu amapezile akasite. ²⁵ Abhhasundikwa bhahinza kukwakwe nu kumtambulisya bhahati, "Mwene, tuposhe twa kubhala kufwa!" ²⁷ Yesu ahayanga, "shoni she mkogopa, imwe mwe bhalwitiho ulunsi?" Pe ahimilila nu kupitilila impepo mnyanja. Pe kuhabha nu ubhutehamu ubhupiti, ²⁶ abhanavuli bhahalema na maswigo bhahayanga,"Uno umntu alibhulibhuli, pope ni mpepo iya mnyanja yikumshindiha ghuyo?" ²⁸ Pa habhalilo Yesu pa yinzile ulubhazu ulunji lwa insi ya Magadala, abhanavuli bhabhili bhebhahabhabhonelwa ni mpepo bhahahomana nawo. Bhafumilaga mumpipa nukubhomba ubhunanjisu nkani, pe ipo patali numjenda umlendo wahajendaga idala lila. ²⁹ Yenya, bhayanga kuhola izwi nukuyanga," Pe ishi kubhomba kwaho , mwana wa Mulungu? Winzile kutuyivywa na habhalilo hitu hatafisile?" ³⁰ Pe impuga impiti iya ngulubhe yali kwebhahadimaga, pepala patali na pebhali, ³¹ impepo zihajendelela kuyangana pu Yesu na ahayanga. "Pe ngawatushimbizya twepa ututwale kula nkumpuga iya ngulubhe."' ³² Yesu ahayanga ,"Bhalaji!" Impepo zihafuma nukubhala kwinjila mngulubhe. Pe yenya impuga yonti yihiha ukufuma kwigamba yihiha mnyanja nu kufiha mminzi. ³³ Abhanavuli bhali kudima ingulubhe bhahashimbila. Pe bhahabhala kumjini nu kubhalajila shonti shila, kushila she shihinza sha loleha kubhanavuli bhebhabhonelilwe ni mpepo. ³⁴ Yenya, inkaya yonti yihahomana nu Yesu.Lwe bhamwenya, bhahamuhomelezya ayepe kunkaya yabho.