¹ Ahabhalilizyo lwe hafiha inzashi, abhapiti bhonti bha bhabhasongo bhonti bhahayanjizyanya ukuti bha mweje Uyesu bhamugoje. ² Bhahamkunga bhahamusejelezya kwa Pilato Umsengula nsii. ³ Kufumapo kwa Yuda, we ahamuhana, ahenya ukuti Uyesu alonjilwe, pa moyo pala bhahabha ahagalusya impiya vila silinji amashumi gatatu kubha shiputo abhapiti, ⁴ na ahayanga, "Nabhomba imbibhi kulihana ibhanda lwe litali ni nongwa nayimo."Abhene bhahati, zikutwavwa ishoni zinizi?Genyelezye ago wenewe." ⁵ Pe ahinza asumba pansi impiya zinizi mutempeli, nukwepa nukuyigoga weka. ⁶ Umupiti wa bhapiti ahavisenda vila ahavipinya ahati, "Te hinza kuyisengula impiya mumbokosi she lupalala lwi bhanda." ⁷ Bhayanzizanya poka bhonti ukuti impiya yilibhomba kukala umugunda wa mumata ilya kusyila bhajeni. ⁸ Shinishi umugunda uno lihitizyaga, "Umugunda wi bhanda" paka ilelo ili. ⁹ Kufuma apo izwi ilyo lihayangwa numukubhwi Uyeremiya lwe, ahati, "Bhahanyatula zye mpiya zya feza, amashumi ga tatu kubhukazu vwe bhapanzile na bhantu bha isilayeli panongwa yakwe, ¹⁰ pe bhahayibhombela ku mugunda wa mumataji, ngati vwe umwene ahandajizya." ¹¹ Ahabhalilo Uyesu ahimilila pilongolela lya musunga, nu musunga insi ahamubhuzilizya, "Mwe! iwe we mwene wa Bhayahudi?" Uyesu ahamula, "Iwe wewayanga bhunubhwo." ¹² Pe lwe inga bhamstaka kubhapiti bhahapiti abhashisongo, atahamula nashimo. ¹³ Kufuma apo Upilato ahamubhuzya, "Utivuye aamstako gonti kukwaho?" ¹⁴ Loli atahamula izwi lyoka, pe umusunga insi ahasukumila. ¹⁵ Bhwila na bhwila insiku zya luseshelo umusunga insi ahabhasutulaga woka umupinywe we akusebhwa na abhantu bhonti. ¹⁶ Pakufuma apo pali umupinywe umutamwe izina lyakwe Baraba. ¹⁷ Pe lwe bhabhungine bhonti poka, Upilato ahabhabhuzilizya ,"Unanu we mkwa tumuleshele panongwa yinyu?" Baraba awu Uyesu we wu Kristu?" ¹⁸ She amanyile ukuti bhamulemile hali panongwa lubhengu. ¹⁹ Paahinza amakutendama pashitengo shakwe ishabhulonzi, umshi wakwe ahamutumila izwi ahati, "Utahabhombe imbibhi yoyonti ku muntu uyo atali nimbibhi nalimo.Pe nayimba inkani ilelo ili mvilota panongwa yakwe." ²⁰ Pe abhapiti bha bhapiti na bhasongo bhahasonjelezya kubhantu bhamulabhe Baraba, nu Uyesu bhamugoje. ²¹ Umuhola insi ahati, "Wu nanu pa ibha bhabhili mkwanza ine imbaleshe imwe?"Bhahati, "Baraba." ²² Pilato ahabhuzya,"Imubhombeleshi Uyesu we Ukristu?" Bhonti bha hamula, "Muhomele'' ²³ Wope ahati, "Shoni, ananzile shintu shoni?" Pe bhaha hola bhahati, "Muhomaje." ²⁴ Lwe Upilato ahenya ukute akuti atabhonvile ishibhibhi nalimo, pakufuma ipo pabhahinza bhonjezya ahalanga, ahega aminzi ahamwela mnyobhe yakwe pilongolela ya puga, nu kuti, "Ine ntelininongwa pa mwanya wi bhanda lya muntu we ateninongwa nayimo. Muyenyelezye aga mwenemwe." ²⁵ Abhantu bhonti bha hati, "I bhanda lyakwe libhe pa mwanya pa pitu na bhana bhitu." ²⁶ Kufuma apo ahamuleshela Ubaraba kukwabho, loli bhahamsyempa Uyesu nukubhapa kukwabho kubhala kuhomelwa. ²⁷ Apo abhasilikali bha bhapiti bhansi bhahamwega Uyesu paka Praitoliyo na bhantu abhinji abhasilikali bhonti bhahamubhunganila. ²⁸ Bhahamuzula amenda gakwe nukumzwalizya inkazu iya langi ishemamu. ²⁹ Kufuma ipo bhahagomba ishipambwi sha mwivwa na bhahabhiha pitwe lyakwe, nabhahamubhiha ni tete inu nyobhe yakwe iya kundilo. Bhahamuhoma nukumusugamilila pilongolela lyakwe nukumseha , bhahati, "Mlamushe, Umwene wa Bhayahudi?" ³⁰ Na bhaha mswilila amati, bhahega nitete bhahamuhoma pitwe. ³¹ Lwe bhanda kumuseha, bhahamuzula yila inkazu nukumuzwalizya amenda gakwe, nukumulongolezya kubhala kumuhomela. ³² Lwe bhafuma panzi, bhahamwenya umuntu ukufuma Krene izina lyakwe Simiyoni, we bhahamubhuzilizya ukubhala nawo ili bhanyatule ishihobhenkanyo shakwe. ³³ Lwe bhakufiha pa Galigota, " kwekuti pitoyi lyitwe." ³⁴ Bhahamupa ipele lye bhasanginye namampesya pe amwele. Lwe ayinza atahabhweza, ukumwela. ³⁵ Ahabhalilizyo lwe bhakumtesa, bhagabhana amenda gakwe kuhomela ikura. ³⁶ Na bhahatendama nukumwenyelezya. ³⁷ Pa mwanya pitwe lyakwe bhahabhiha inongwa bhahati, "Uno we Uyesu umwene wa Bhayuda." ³⁸ Abhagoga abhantu bhabhili bhahahomelwa nawope poka, uwamwabho kulubhazu lwa ndilo nu bhwamwabho ulwa kushomi. ³⁹ Bhala bhe bhahajendaga kumsamula bhakuyinzya na matwe gabho ⁴⁰ na bhakuti, "Iwe we uhanzaga kunanganya ishibhanza nukuzenga mu siku zitatu, uyiposhe weka! Inga we Mwana wa Mulungu, yiha pansi uyepe pashihobhenkanyo!" ⁴¹ Bhope na bhapiti bhabhapiti bhazinza bha kumuhalipila, poka na bhasimbi nabhasongo nukuyanga, ⁴² "Ahapohaga abhamwabho, pe atangayipoha weka. Uwene we Umwene wa Bhayuda. Pe ayishe pansi pa pashihobhenkanyo, kuti tu musubhiye. ⁴³ Amusubhaliye Umulungu. Muleshe Umulungu amusatule insalizi ingakwanza, she ayangaga atinji, 'Ine ne Mwana wa Mulungu,"' ⁴⁴ Bhope bhala abhagoga bhantu bhe bhahomelilwe poka nagho bhahati amazwi gakumsamula. ⁴⁵ Isalizi kufuma muhabhalilizyo ha isa iya sita kuhana ishisi munsi yonti paka isala tisa. ⁴⁶ Lwe yafiha isaa tisa, Uyesu ahalila kumazwi amapiti nkani, ''Eloyi, Eloyi, lama sabakitani?" lye likuti, "Mulungu wane, we Mulungu wane shoni she wandeha?" ⁴⁷ Kuha bhalililzyo iho bhaliko bhamo bhimiliye pe pala bhahivwa, bhahati, "Akumwita Eliya." ⁴⁸ Pe woka ahashimbila kunyatula ahapale nukuzuzya ishakumwela sheshikubhabha, ahashibhiha pa mwanya pikwi nukumupa ukuti amwele. ⁴⁹ Na bhope bhahasyala bhahati, "Muleshe weka leshi, twenye inga Ueliya inakwinza kumupoha. ⁵⁰ Kufuma apo Uyesu ahalila kwi zwiipiti pa bhulanzi bhwakwe bhuhazima. ⁵¹ Yenya, Umwenda wa mshibhanza guyoazepula imbazu zibhili kufumila pamwanya paka pansi. Ninsi yihayingana na mayalabhwe gahazepunkana. ⁵² Mampupa gahasyala ukwazi, na mabhili gabhafinjile abhinji bhe bha syupiliye bhahazyuha. ⁵³ Bhahafuma mvilibha kufuma kuluzyuho lwakwe, bhahinjila munsi ifinjile pe bhahaloleha na bhinji. ⁵⁴ Pasi ghula umpiti wa bhasilikali na bhala bhe bhala mwenyaga Uyesu bhahenya luyingano na gonti ge bhahenya, bhahizula ni lyoga inkani nukuyanga, "Nalyoli uno ali Mwana wa Mulungu," ⁵⁵ Abhantanda abhinji bhebha mulandata Uyesu kufuma Kugaliliya ili abhavwilizye bhali pepala bhahenyaga ukufuma pa bhutali. ⁵⁶ Mukasi mumwabho amaliko Umariyamu Magadalena, Mariyamu umayi wakwe Yakobo nu Yosefu, nu mayi wa bhana bha Zebedayo ⁵⁷ Lwe yafiha shamazubha, ahinza umuntu uwashuma kufuma ku Arimatayi, we izinna lyakwe ali wu Yosefu, wope lelo amali musundikawa wa Yesu. ⁵⁸ Ahamjendela Upilato nu kumulabha umubhili wa Yesu. Kufuma apo Upilato ahalajizya bhamupe. ⁵⁹ Uyosefu ahega umubhili ahauzinga na menda amazelu, ⁶⁰ peahabhukkasya mushilibha shakwe ishipwa she ashingombile piyalabhwe. Kufuma apo ahinza ahalizungazya ibhwe ipiti alyigalila pa mwanya pipumpa ahepa penepo. ⁶¹ Mariyamu Magadalena nu Mariyamu uwamwabho bhalipo pepala kwenyelezya pi pumpa. ⁶² Isiku lye likulandata lye lyali lisiku lya kuyanan'wa pebhakubhunganaga abhapiti bha bha bhapiti na Bhafarisayi bha bhungine bhonti kwa Pilato. ⁶³ Bhahati, "Mwene, tukukumbuha ukuti ghula umuluma ilenga pe amali mulanzi, ahti, 'Lwe zya shila insiku zitatu alizyuha sona.' ⁶⁴ Kope lagizya ukuti ipumpa libhe nabhebhakwenyelezya isiku ilya bhutatu. Inga, te bhwebhulo abhasundikwa bhakwe bhangiza kumwibha nukuyanga kubhantu, 'Azyusile kufumila kubhafwe,' Nu bhuluma ilenga bhwa kubhumalilo bhulibha bhu bhibhi inkani kulusya ubhwa kubhwandilo." ⁶⁵ Upilato ahabhabhuzya, "Nyatula bhebhakwenyelezya. Sogola mubhombe inza vwe munga sunjilila mwenemwe." ⁶⁶ Pe bhahasogola nukusunjilila ipumpa kubha ahinza, nibhwe bhahabhiha nulusimishizyo nukubhiha abha sikali.