¹ Shamandi hamazubha isiku lya sabata, izubha pe lyali kuhashanga kushela isiku lya bhwandilo, Mariyamu Magadalena, nu wula Mariyamu uwamwabho bhahinza kulyenya ipumpa. ² Yenya kwali ishiyingayinga ishipiti, kushifukwa abhahabhizya bha Mwene ahinza nu kugalagasya lila ibhwe, pe ahalitendamila. ³ Kuminso kukwakwe kwali ngati bhumeme, na menda gakwe gali mazelu ngati seluji. ⁴ Bhala abhasilikali bhahizula nimpasyo nu kubha ngati bhafwe. ⁵ Wula uhabhizya ahabhabhoneshala bhala abhantanda ahayanga, ''mtanyile pi namanya ukuti mkumulondola Uyesu, we atesyaga. ⁶ Atalipo ipa pishi azyusile inza vwe abhabhuzyizye. Nzaji mwenye ipa pe Umwene amakasite. ⁷ Bhalaji halambhani mubhabhuzye abhasundikwa bhakwe, 'Azyusile kufuma kubhufwe yenya abhalongoleye Kugalilayi. Uko kwe mkubhala kumwenya.'Yenya ine nabhabhuzya.'' ⁸ Bhala abhantanda bhahepa pala pa pimpa nalubhilo bhali ni lyoga ni luseshelo ulupiti na bhashimbila kumubhuzya abhasundikwa bhakwe. ⁹ Yenya Uyesu ahahomana nabho nukuyanga, ''Nukubhalamuha.'' ¹⁰ Bhala abhantanda bhahinza nukulema ivinama vwakwe, nukumuta ¹¹ Ahabhalilo bhala abhantanda pe bhahabhalaga, yenya bhamo bhe bhehahaindaga bhahabhala pankaya nu kubhabhuzya abhapiti bha bhabhapiti imbombo zyonti zye zyalolesile. ¹² Pe abhadimi lwe bhahomana na hagosi nukuyanga imbombo iyo poka, bhahafuma umtengo umupiti uwa mpiya kwa msikali ¹³ nukubhabhuzya, ''Ahabhabhuzya abhamwabho ukuti, ' abhasundikwa bha Yesu bhahinza ubhusiku bhahibha umubhili wa Yesu ahabhalilo twenti twa kasite.' ¹⁴ Pe izyi ili ingamufishila uliwali, itwe tuibhasonzya nukubhefwa imwe impasyo zyonti.'' ¹⁵ Ishi pe bhala abhamsilikari bhahega zila impiya nukubhomba vwe vyebhabhalanjizizye. Amazwi iga kahasambala inkani kubha Yahudi na vyezili bhwebhulo paka ilelo. ¹⁶ Pe bhala abhatumi ishumi kumi na yoka bhahabhala Kugalilayi, kula kwigamba lye abhalanjizizye. ¹⁷ Bhope lwe bhamwenya, bhahamuputa. Loli bhamu bhahenya impasyo. ¹⁸ Uyesu ahinza kukwabho ahabhabhuzya, "Ampiye pans ipa nakumwanya. ¹⁹ Ishi pe bhalaji mubhagombe abhamunsi yonti kubha bhasundikwa. Kubhozya kwizina lya Tata, nilya Mwana, nilya Mpepo Umfinjile. ²⁰ Mubhamanyizye kuzishindiha imbombo zyonti zyembalajizizye, Na yenya ine ndipoka nimwe ponti, paka umwisho wa nsii.