¹ Ilelo Pu Yesu ahamala kuyanga amazwi gonti igo, ahabhabhuzya abhasundikwa bhakwe, ² "Mumanyile kuti ingazya shila insiku zibhili kuliyima ni pasaka, pe Umwana wa Adamu bhakumufumwa pauhobhenkayo." ³ Pe abhaputa bhantu na bhasongo bhabhantu bhahahomana poka mnyumba ya Bhaputa Shiputo, we bhahamwitaga Kayafa. ⁴ Kwekuti bhonti bhahalema kuyanga bhonti poka bhahamuleme Uyesu kukwilu nukumugoga. ⁵ Pakuti bhatili, "Yitahabhombeshe ahabhalilo ha bhantu bhabhungine, pakuti shitahafume ishongo pabhntu." ⁶ Ilelo Uyesu amali Bethania kunyumba ya Simoni uwamabombo, ⁷ pamayigolesizye pa meza, umantanda woka ahinza kukwakwe apivile ulusanzi ulwa mpulya zyezyali numtengo umupiti, ahapungulila pitwe papakwe. ⁸ Peloli abhasundikwa bhakwe lwebhenya isho, bhahahahala nukuti, "Shini she tukutagavyuma? ⁹ Iga nketwakazya kuhela impiti nukubhapa abhapotwe." ¹⁰ Loli Uyesu, alimanyile ilyo, ahabhabhuzya, "Shoni she mkumtamwa umwantanda uno? Pakuti abhomvile ishintu ishinza kukwane. ¹¹ Abhapina mlinabho amasiku gonti, loli te muhabhe nine shima. ¹² Shifukwa pa yitila impulya izi mumubhili wane, abhomvile bhwebhulo pakusyilila. ¹³ Nalyoli nkubhabhuzya, ponti pi izwi ililya munsi yonti, imbombo ya bhomba umwantanda uno, kuti shiyangwaje nukumukumbuha." ¹⁴ Pe woka uwavishumi na bhabhili, wamali Wuyuda Iskariote, ahabhala kubhapiti bhabhaputi ¹⁵ nakuti, "Mlimpa ishoni inganamuleha?" Bhahati tukupimila Yuda ivibhunga selasini ivya ndalama. ¹⁶ Kufuma apo ahalondola ahabhalilo hakumuleha. ¹⁷ Pi siku ilya bhwandilo ilya bhugali bhwebhutasafile, abhasundikwa bhahamubhalila Uyesu nakuti, "Poshi pukwnza tukusenganizye ulye hakulya hagozi?" ¹⁸ Ahabhabhuzya, "Ahati bhalaji mnkaya mulu mntu wumo mumubhuzye, Umsambilizi akuti, ''Ahabhalilo hane. Nkumalilizya Upasaka poka na bhasundikwa bhane munyumba yaho.'''' ¹⁹ Abhasundikwa bhahabhomba inzavyu Uyesu abhalajizizye, bhahasengan'wa ishakulya sha Pasaka. ²⁰ Lwe yafiha hamazubha, atendama kulya poka nabhasundikwa ishumi na bhabhili. ²¹ Lwe bhali kulya ishakulya, ahayanga, "Nalyoli kubhabhuzya nkuti woka winyu alindeha." ²² Bhahasungama inkani, na kila woka ahanda kumpepunzya, "Mwe, nalyoli te nene, Tata?" ²³ Ahabhatamula, "Wula we twakusanzila inyobhe poka nine mulubhiga wakundila. ²⁴ Umwana wa muntu aliyepa, inzavya hasimbilwa nkandi manyi umuntu wakumhana Umwana wa Muntu! Yali hinza umuntu uyo nkatahapapwaga." ²⁵ Uyuda, we nkandi ahamhana ahayanga, ''Mwe!, nene Msambilizi?'' Uyesu ahamubhuzya, ''Wayanga izwi ilyo wewe weka." ²⁶ Ilelo lwe bhakulya ishakulya, Uyesu ahanyatula ubhugali, ahabhusalifya nukubhumenya. Ahabhapa abhasundikwa bhakwe ahati, ''Nyatuli, mulye. Uno we mubhili wane.'' ²⁷ Ahanyatula inifinga nukusalifya, ahabhapa nu kuyanga, ''Mwelaji mwenti ishi. ²⁸ Kwekuti ili libhanda lyane ilya lufingwi ulupya yeyikwitiha kubhinji kuluhobhoshelo lwa mbibhi. ²⁹ Loli kubhabhuzya, temwele habhili isanga zya mampesya ulu, paka isiku lila lye ndimwela ipya poka nimwe kushina mwene sha Tata wane." ³⁰ Ilelo lye bhamala kwimba ulwimbo, bhahafuma kubhala kwigamba ilya mabhula. ³¹ Pu Uyesu ahabhabhuzya, ''Ubhusiku ubhu imwe mwenti mukupunula kuti wakutwanza kushifukwa shane, kwekuti yinsivilwe,Kuti imuhome umudimi wa ng'onzi pilelo zililema kunyampana. ³² Loli lwe azyusile kukwane, ndili bhalongolela Mugalilayi." ³³ Loli Upetro ahamubhuzya, ''Pope inga bhonti bhati ayipezile wa kutwanza kugala gegali kwaga, ine ntekuhane.'' ³⁴ Uyesu ahatamula, ''nalyoli nkukubhuzya, ubhusiku ubhu pashili uhanda kubhilishila kutunkane lutatu.'' ³⁵ Upetro ahamubhuzya, ''Pope nashenga twalema kufwa twenti, ntangakuhana.''NNabhasundikwa abhamwabho bhonti bhahayanga bhwebhulo. ³⁶ Pu Uyesu ahabhala nabho pankaya yebhakuti Gethsemani pahabhabhuzya abhasundikwa bhakwe, ''Tendami ipa mbale uko kuputa. ³⁷ Ahamnyatula Upetro na bhana bhabhili abha Zebedayo na paahanda kusungama nukuswimililwa. ³⁸ Peaha bhabhuzya, '' Umwoyo wane ukuswimililwa nkani,ndilifwe nkufwa. Syali panapa mdamle poka nimwe.'' ³⁹ Ahabhala pilongolela hansi, ahagwa ahakupama, nukuputa.Ahati, ''Tata wane, inga ya papaga ipa, infinga ino yipindushe. Yitahabhe ngati vye nkwanza ine, loli inze vye ukwanza iwe.'' ⁴⁰ Ahabhasogolela abhasundikwa ahaga bhakasite utulo, pa ahamubhuzya Upetro, ''Shoni she mtagonelelaga nine isala yoka? ⁴¹ Gonelalaji nu kuputa inga mtahinjile mubhupisya. Umpepo wiitisile, loli umubhili we mutonsu." ⁴² Ahabhala izyakwe ulwa bhubhili nu kuputa, ahati, ''Tata wane, inga infingwi ino utakupaga apanji pabhulendo imwele ishikombe ishi, insibho zyaho vye ingasungwa.''' ⁴³ Ahagaluha sona nu kubhaga bhakasite utulo, kwekuti aminso gabho gali mamwamu. ⁴⁴ Pe ahabhaleha sona ahabhala ulwakwe. Ahaputa ulwa bhutatu ahati amazwi gegala. ⁴⁵ Pilongolela Uyesu ahabhatushila abhasundikwa bhakwe nu kubhabhuzya, "Mshili mkasite nishi nukutuzya? Yenyelezyi, ahabhallilo hapalamila, nu Mwana wa Muntu ukumtwala mnyobhe zya abhatala amalandu. ⁴⁶ Damulaji, tusogolaji. Yenyi, bhula wa kunkana apalamila.'' ⁴⁷ Ahabhalilo amashili suti ahayangaga, Uyuda uwavishumi na vibhili, ahinza. Impuga impiti yihinza poka nawo lihafumila kubhapiti bhashiputo nabhahombe bhabhantu. Bhahinza nu amapanga ni ndugu. ⁴⁸ Habhili umuntu webhamsubhaliye kumkazya Uyesu abhalolesizye ivyimanyisyo, akuti, ''Wula weinganamfipa, wewewuyo,. Mhamlemaje.'' ⁴⁹ Panapo ahinza kwa Yesu nu kuti, ''Nkunkulamha we msambilizi!'' Nukumfipa. ⁵⁰ Uyesu ahamubhuzya, ''Weya, libhombe lila lwelikulesite.'' Pe bhahinza, nukumulolesezya inyobhe Uyesu, nu kumlema. ⁵¹ Yenya, umuntu woka weali poka nu Yesu, ahagolosya inyobhe yakwe, ahakwesa ipanga lyakwe, peahamuhoma umnyamata uwashiputo ishipiti, nukumudumla ikutwi lyakwe. ⁵² Pu Uyesu ahamubhuzya, galusya ipanga lyaho pala punyetuye, kwekuti bhonti bhebhakubhombela ipanga bhalibhagoga kwi panga. ⁵³ Mkuti ntangamwitizya Utata wane, wope andetetele impuga ishumina zibhili izya bhahabhizya? ⁵⁴ Loli nkandishe nkuti zyinzaje ` zyazyamwakalata ivizye vikwanda kukumila?" ⁵⁵ Abhalilo aho Uyesu ahayibhuzya impuga, ''Mwe! mwinza na mapanga nindugu kundema ngati mwibha? Insiku zyonti natendamaga mkanisa nukubhamanyizya, na mtahandema! ⁵⁶ Loli gonti ga gakubhombeha inga amazwi gabhakubhwi gakwilane." Pa abhasundikwa bhakwe bhaha mleha bhahashimbila. ⁵⁷ Bhala bhebhahamuhoma Uyesu bhahamtwala kwa Kayafa, Uwashiputo Umupiti, pabhanakalata abhahombe bhabhungine poka. ⁵⁸ Loli Upetro ahalema kumlandata mwisinda kubhutali kufiha mnyumba Yabhashiputo Umpiti. Ahinjila mkasi nukutendama poka nabhanyamata abhenye sheshikufumila. ⁵⁹ Abhene abhashiputo na abhahata luholo nu Luhomano lwonti bhahalondolaga izyi lenga kwa Yesu, inga bhamugoje. ⁶⁰ Nashe bhahaloleha abhakumuyanjila izyilenga abhinji, loli bhatahaga nashimoshimo pisinda nenya bhaloleha abhilenga bhabhili pilongolela ⁶¹ nukuti, ''Umuntu uno ahayanga, ''Kuti nkumongola inyumba iya Tata nukuyizenga habhili kunsiku zitatu.''' ⁶² Ushiputo Ubhupiti ahimilila nukumbuzya, ''Utangabhweza kuyanga? Abha zye bhakukuyanjila bhanabha utakwamula iwe? ⁶³ Loli Uyesu ahatendama mwaa. Uwashiputo Umpiti ahamubhuzya, ''Inza vye Mulungu akutendama, lapaga utubhuzye, inga we Kristu, Mwana wa Mulungu.'' ⁶⁴ Uyesu ahatamula, ''Iwe wenewe wayanga izwi ilwo. Loli nkunkubhuzya kufuma ishi paka kwendelela kuti mwenye Umwana wa Muntu atendime kunyobhe iyakundilo Iyamaha, pa kwinza kumabhingo agakumwanya.'' ⁶⁵ Pu Uwashiputu Umpiti ahadepulan'wa amenda gakwe nukuti, ''Amsamuye! Mwe, mkwanza abhamwamvi bhashi bhashoni? Yenyi, yenyi vye akumsamula. ⁶⁶ Mwe! Mkusibha ishoni? Bhahamtamla nu kuti, ''Akwanziwa kufwa.'' ⁶⁷ Pe bhahalema kumuswilila amati kuminso nukumuhoma ingumi, nukumuhoma amakofi kunyobhe yabho, ⁶⁸ nukuyanga kuti, "Kuvwaga, shewe Kristu. Wu nanu akuhoma?" ⁶⁹ Pu uwene Upetro atendime panzi palubhungano, nu umuntu uwa shantanda ahamubhalila nukuti, "Iwe niwe wamile poka nu Yesu uwa Galilayi." ⁷⁰ Loli ahahana pilongolela papabho bhonti, akuti, Ntamanyile ishintu shukuyanga." ⁷¹ Lwa fuma panzi pashilyango, umuntu uwamwabho uwashantanda ahamwenya nukumubhuzya pebhalipo apo, "Umuntu uno nalyoli ameli poka nu Yesu wa Nazareti." ⁷² Ahahana habhili ahalapa, ''Ine ntamumanyile umuntu uno." ⁷³ Ahabhalilo hansi lwebhafiha, bhala bhe bhimiliye papipi, bhahamubhalila nukuyanga nu Petro, "Nalyoli nawe wewamwabho, she ninjango zyaho zikulolesya." ⁷⁴ Pe ahahana ukulapa nukuhana, "Ine ntanumanyile umuntu uno,"Nu ahalema uhanda kubhilishila. ⁷⁵ Upetro ahakumbuha amazwi gu Uyesu ayanzile, "She uhanda ashili kubhilishila kuti unkane lutatu."