¹ Pe ubhumwene ubhwa kumwanya bhukuholan'wa na bhantu kumi bhebhahanyetula inyale zyabho nukujenda kubhala kumposhela umwene bhweghe. ² Bhasano mubhamwabho yabho bhali bhapambavu na bhasano abhamwabho bhali bhanjele. ³ Abhantu abhapambavu bhahanyatula inyale zyabho, bhatahayatula amafuta gogonti. ⁴ Peloli abhantu abhanjele bhahanyetula ivililo vyevili na mafuta poka ni nyale zyabho. ⁵ Pishi aha bhalilo umwene wabhweghe ahabha ukufiha, bhonti bhahalemwa nu tulo nu kusupila. ⁶ Loli ahabhalilo ahabhusiku ubhwa manane pahima ni shongo na bhahazuma, 'Yenya, umwene bhweghe! Fumi panzi mumposhele.' ⁷ Pe abho abhantu bhahadamha bhonti nu kuhozya inyale zyabho. ⁸ Bhala abhapumbavu bhahabhabhuzya bhala abhanjele, 'Mutupe mansi amafuta ginyu kwekuti inyale zyitu zikuzima,' ⁹ Pe loli bhala abhanjele bhahabhajibu nukubhabhuzya, 'Kwekuti gatakutukwilana itwe poka nimwe, loli abhene bhahabhala kubhebhakukay kuyikalila gega kubhakwila bhabho. ¹⁰ Ahabhalilo bhebhahabhala uko kukala, Mwene mweghe ahafiha, na bhonti bhebhali tiyali bhahala nawo kushelekela ubhweghe, numlwango ghuhigalilwa. ¹¹ Pe shamandi bhala abhantu abhamwabho pe bhahafiha nukuyanga, 'Mwene, mwene, tufungulilile .' ¹² Loli ahatamla nu kuyanga, 'Nalyoli kubhabhuzya, Ine ntabhamanyile.' ¹³ Kwekuti mwenye,kuti mtamanyile isiku awu isaa. ¹⁴ Kwekuti ii umntu alipowahanzaga kushula kubhala insi iyinji. Ahabhita abhabhomvi bhakwe nukubhapa ubhudumbwe bhwakwe. ¹⁵ Woka wabho ahampa ihela zisano, uwamwabho ahampa zibhili, na wula uwamwabho ahampa ihela yoka. Pe woka ahaposhela ihela kufwatana nu bhuwezo bhwakwe, na wula umntu ahashula kubhala kuzyakwe. ¹⁶ Nalubhilo wula waahaposhela zisano ahabhala kuzibhishila, nukonjezya ihela izyamwabho zisano. ¹⁷ Bhwebhulo bhwebhulo wula wa haposhela ihela zibhili. ¹⁸ Loli umuzya ahaposhela ihela yoka, ahabhala izyakwe, ahabana ishilibha pantope. nu kuyizyiha ihela ya mwene wakwe. ¹⁹ Na peuwene ahabhalilo ahatali, umwene wa bhazya abho ahagaluha nu kugomba amahesabu gabho. ²⁰ Wula umubhomvi wahaposhela ihela zisano ahinza nu kuleta ihela izyamwabho zisano, ahayanga, 'Mwene, ahampa ihela zisano. Yenya, napata ifaida iya hela izyamwabho zisano.' ²¹ Umwene wakwe ahamubhuzya, 'wasalipa muzya umwizya nu wanalyoli! wabha wewanalyoli ku vintu ivinsi. ndikupa ubhulongozi pamwanya ya vintu ivwinji. Yinjila mluseshelo ulwa mwene waho.' ²² Umuzya wahaposhela impiya zibhili ahinza nu kuyanga, 'Mwene, uhampa impiya zibhili . Yenya, mpasite ifaida iya mpiya izyamwabho zibhili ,' ²³ Umwene wakwe ahambhuzya, 'Wasalipa, umzya umwinza nuwanalyoli! Wabha we wanalyoli ku vintu ivinsi. Ndikupa ubhulongozi pamwanya ya vintu ivwinji. Yinjila mu luseshelo ulwa mwene waho.' ²⁴ Peloli umzya waposheleye impiya yoka ahinza na kuyanga, 'Mwene, manyile kuti iwe we mntu mhali. ukuyabha pala pe utabhwaye, nu kwinula pala pe utahapesa. ²⁵ Ine nkanyila, nkasogola ulwane nu kuyizyiha impiya yaho mwi tope. Yenya, ulinayo ipa yila ye yaho.' ²⁶ Loli u mwene wakwe ahatamla nu kuti, 'Iwe muzya mubhibhi nu muhata, umanyile kuti kutungula isehemu ye ntahabhwala nu kwinula isehemu yetahapesa. ²⁷ Kwekuti yihanzibhwaga kubhapa ihela yane abhantu bha benki, na bhabhalilo ha kugaluha kwane ningaposhela yila yane poka ni shapamwanya. ²⁸ Kwekuti mfyule iyo ihela na umpe ula umuzya wali ni mpiya kumi. ²⁹ Wowonti we muntu wali nasho, aliyonjezwa nkani- nu kwakonjezwa nkani. Loli ku wowonti watali ni shintu, na shalinasho akufulwa. ³⁰ Msumbe panzi pashisi uyo umuzya watakwazyibhwa, kwekulibha nu kulila nukusya amino.' ³¹ Ahabhalilo Umwana wa Adamu aliyinza nganti nubhuzelu bhwakwe, nu abhahabhizya bhonti nabho, puulitendama pamwanya pitengo lyakwe ilya bhuzelu. ³² Insi zyonti bhalibhungana pilongolela lyakwe, wope alibhagabhan'wa abhantu, nganti wula muputi vye akubhasasya ing'onzi ni mbuzi. ³³ Akubhiha ing'ozi kunyobhe yakwe iyakundilo, pe imbuzi inyobhe iya kushomi. ³⁴ Pe umwene ahabhabhuzya bhala bhebhali inyobhe yakwe iya kundilo, 'Nzaji, mwemsayiwe nu Tata wane, ukupwana ubhumwene bhwebhugomvilwe kujulu yinyu kufuma kubhihwa ukwa bhwandilo ubhwa nsi. ³⁵ Kwekuti nali ni nzala pe mhampa ishakulya,' Nali ne mjeni pe mhankalibisya.' ³⁶ Nali ishitali, pe mhazwiha amenda,' Nali nembhinu pe mhansunga,' Nali mbhupinywe pe mhaninzila.' ³⁷ Pe abhene abhanalyoli bhalimtamla nu kumubhuzya, Tata, liyi tuhakwenya wali ni nzala, nu kukulisya? awe wali ni shinyota nukupa aminzi? ³⁸ Na liyi tuhakwenya lwe we mjeni, nu kukukalibisya? Awe lwewali ishitali nu kukuzwiha amenda? ³⁹ Na liyi tuhakwenya lwe we mbhinu , awe mu bhupinywe, pe tuhakwinzila? ⁴⁰ Nu mwene alibhatamla nu kubhabhuzya, 'shemhabhomba ipa kwa woka uwa bhajenzi bhane abhansi, mhambombela ine.' ⁴¹ Pe abhabhuzya abho bhebhali kunyobhe yakwe iya kwashomi, 'Yepi kukwane, mwemulanililwe, sogolaji nganti mwoto wa shima wewandalilwe kujulu mkwalanzi na abhahabhizya bhakwe, ⁴² She shifukwa nali nzala pe mtahabhapa ishakulya, nali nishinyoto pe mtahampa amimzi; ⁴³ Nali nemjeni pe mtahankalibisya; nali ishitali pe mtahamupa ivizyalo, nali ne mubhinu na lwenali mubhupinywe, loli mtahaposhela.' ⁴⁴ Pe abho abhene bhahajibu nu kuyanga, 'Mwene, liyituhakwenya ulininzala, awu ulishinyoto, awu u mjeni, awu ubhubha ivitali awu ukubha mbhinu, awu ukubha mpinye, natutahamupa nashimoshimo? ⁴⁵ Pe ahajibu nu kuanga, 'Nalyoli nabhauzya, chila she mtahabhomba kwa woka wa bhansi, mtahambombela nene,' ⁴⁶ Ibha bhalisogola pe amayimba aga shima pe bhala abhanalyoli pe bhakubhala mubhupuma ubhwashima."