¹ Ahabhalilo hanaho abhasundikwa bhahinza kwa Yesu nukumubhuzya, "Wunanu we wusongo mushinamwene sha kumwanya?" ² Uyesu ahamwita umwana umunsi, ahamubhiha pasi yabho, ³ nukuyanga," Nalyoli nkubhabhuzya, ingamtashela kubha nganti bhana abhansi temhabhwezye kwinjila mshina mwene sha Mulungu. ⁴ Wunubhwo wowonti we akuyisya ngati mwana umnsi, mntu unzuyo wu songo mshina mwene isha kumwanya. ⁵ Na wowonti wa kuposhela umwana umnsi kwizina lyane amposhela nene. ⁶ Loli wowonti weakwazya woka pakasi ayabhansi ibha bhebhakunivwa kubhomba imbibhi, yilibha ahinza kumntu uyo ibhwe ipiti ilya kusyela lihapinywe mnsingo yakwe, nukudwivwa mnyanja iya minzi. ⁷ Ole kubhansi kushifukwa isha habhalilo aha kuhalalizwo! kwekuti kutali nintamwo kuhabhalilo iho kwinza, loli ole uwene kumntu wula ahabhalilo iho haliyinza kujulu yakwe! ⁸ Inga inyobhe yaho awe awu ishinama shaho ingashakwazya kuhalala, ushidumle nu ushisumbe kubhutali niwe. Yilihinza nkani kukwaho iwe kwinjila kubhupuma lwe utali ninyobhe awe kulemala, kulipo kusumba ku mwoto uwashima uku uli ni nyobhe zyonti awe ivinama vwonti. ⁹ Inga ilyisyo lyaho lyakuhalalizya, ulinyunkule nukulitaga kubhutali ni we. Yi hondeye nkani kukwaho iwe uyinjile kubhupuma ni lyinso lyoka, kulusya kusumba kumwoto uwa shima lwe ulina minso gonti. ¹⁰ Yenyi kuti mtahinze mmusufwe woka wa bhansi abha.Kwekuti kubhabhuzya kuti kumwanya kulinaabhahabhizya bhabho insinku zonti bhakwenya pasheni isha Tata wane wali kumwanya. ¹¹ (Igaleme :Amazwi gegakulolela ngati ahahololo aha 11, "Kwekuti Umwana wa Adamu ahinza kupoha shila sheshasobheleye" zitalolesile munkumbusyo inyinza izyahali). ¹² Mkusibha ishi? Inga umntu alining'ozi miya yoka, nayoka yakwe ingayatega, Pe atangazileha zila tisini natisa iyamwigamba nukubhala kuyifwata yoka yeyitezile? ¹³ Pe lwe ayaga, nalyoli nkubhabhuzya, akuyiseshelela ukulusya bhala tisini na tisa bhebhatatezile. ¹⁴ Bhubhwo bhunubhwo, te shikunzi isha Tata winyu uwakumwanya kubha woka uwa bhasi ibha ateje. ¹⁵ Inga umuninine waho akunanjilla, bhala, hamlanje intamwo yeyili pa lwabho nu wene lwe aliweka. Inga akutejelezya, lwe wamgalusya umunine waho. ¹⁶ Loli inga atakutejelezya, mnyatule umunine woka awe bhabhili inkani poka niwe, kwekuti kumalomo aga kusimishizya bhabhili awe bhatatu kila lizwi libhwezizwe kulisimishizya. ¹⁷ Na inga asufwa kubhatejelezya, shibhuzye ishibhanza izwi ilyo , inga asufwa bhunubhwo kutengelezya ishi bhanza, pe lwe abhe ngati bhantu abhansi numsoshezya ubhushuru. ¹⁸ Nalyoli nkubhabhuzya, shoshonti shila shemwashipinya pansi nu kumwanya shapinywa. ¹⁹ na sheshonti she mwashisatula pansi nukumwanya lweshasatulwa. Habhili nkubhabhuzya kuti inga abhantu bhabhili pakasi yinyu ingabhitinkana pamwanya yizwi lyolyonti pansi lwebhakuputa, ilyo Utata wane uwakumwanya alibhomba. ²⁰ Kwekuti habhili awe bhatatu inga ingabhangana poka kwizina lyane, Ine ndili pakasi yaho. ²¹ Habhili Upetro ahinza nukumubhuzya Uyesu, "Tata, pe bhalinga abhajenzi bhane ingankosela nine imbobhoshele? Yingabha mala saba?" ²² Uyesu ahabhuzya, "Ntakubhuzya mala saba, loli mpaka sabini mala saba. ²³ Kushifukwa isho ishinamwene isha kumwanya shili nganti wumwene wumo weahinza kuyanan'wa kubhelenga kufuma kwa mzya wakwe. ²⁴ Lwe ayanda kuyanan'wa kubhelenga, umzya woka bhahamleta kukwakwe weahamdayaga italanta ialufu kumi. ²⁵ Kwekuti atali ni dala ilya kulipa, umwene wakwe na kila shintu shamali nasho, nukulipwa kubhombeshe. ²⁶ Ubhwa umzya ahagwa, nukusugamila pilongolela lyakwe, ukuti, 'Mwene, ubhe nu kuvunji poka nine, pe ndilikulipa kila shintu.' ²⁷ Ubhwo umwene wa wula umzya, kwekuti ahabunchilwa nkani ni shisa, aha msatula nkumhobhoshela isho ²⁸ Loli umzya wula ahafuma nu kumwaga woka pakasi iya bhazya abhamwabho, weahamudaayigi i dinari miya. ahamkwesa, ahamfina kunsingo, nukumubhuzya,' Ndipe shila shenkudayi.' ²⁹ Loli wula umzya uwamwabho ahagwa nu kumubhuzya inkani, ukuti, 'Ubhe nu bhujinvu nine, nandikulipa.' ³⁰ Loli umzya wula uwabhandilo ahahana. Pe panapo yakwe, ahabhala nu kumtaga mwikoloti, hadi lwa mpashila ishihopwa. ³¹ Pe lwe bhabhenya abhazya abhamwabho shila she shihafumila. Bhahaswijisya inkani. Bhahinza nukumubhuzya umwene wabho kila shintu sheshifumiye. ³² Pe wula umwene ubhazya bhala ahamwitizya, nukumubhuzya, 'Iwe wemzya wa mbibhi, nakuhobhosheye iwe ishi hopwa shane shonti kushifukwa uhansimishizya inkani. ³³ Pe! Utahanza kubha nishisa kumzya uwamwinyu, ngati nene vwenakuhobhoshela iwe? ³⁴ Umwene wakwe ahahalala nukumtwala kubhala bhe bhebhakuyinvwa mpaka lwa fumwa shila shonti she ahahopa. ³⁵ Ubhwo vwezili Utata wane uwa kumwanya vweali bhabhombela, ngati kila woka winyu tahamhobhoshele umumine wakwe kufuma mmoyo ginyu."