¹ Pelelo Uyesu amalilizya amazwi ago, ahepa galileya, ahabhala munsi Yudeya mmwilongolela mwijenje iya Jordani. ² Impuga impiti yihamlandata, nu, pe ahabhapon'wa uko. ³ Abhafarisayi bhahamwinzila, bhahamlinga, bhahati, "Mwe pe hinza umntu kumleha umshi wakwe kushifukwa shoshonti?" ⁴ Uyesu ahayanga ahati, "Mutahabhazya, ukuti uwene we abhapezile ahapela umwanavuli nu mwantanda? ⁵ Ahomjezya ahati, 'shifukwa ishi mwanavuli alimuleha utata wakwe nu nyina wakwe nukwishizya numulume wakwe, pe lelo bhabhilibhali bha mubhili woka?' ⁶ Pe lelo bhate bhabhili loli mubhili woka. Pe lelo she apatikisinye Umulungu, umntu wowonti atahashilesanye." ⁷ Bhahamubhuzya, "Ilelo shoni she Umusa alajizizye ukufumwa ukalata nitalaka ilya kumleha?" ⁸ Ahabhabhuzya," Kubhugomo ubhwa moyo Umusa ahabhitishizya kubhaleha abhashi bhinyu, loli kufumila pa bhwandilo tevwe zyali. ⁹ Nkubhabhuzya, uno wonti kuti amuleshe umushi wakwe, Penga atahanzile inongwa wa bhwamalaya, na ukubha ukusenda ughunji, abhembuha. Nu mwanavuli inga amusenda umwantanda we aleshilwe abhembuha." ¹⁰ Abhasundikwa bhahamubhuzilizya Uyesu, " Ingati vwezili kumwanavuli nu mushi wakwe, tehinza ukusenda." ¹¹ Uwene Uyesu ahabhabhuzya, "Te wonti angabhweza ukuposhela ivisambilizyo ivi, loli kubhala bhe bhitililwe kuposhela. ¹² Pe bhalipo bhapase bhe bhahapapwa kufumila mnyanda zya bhamayi bhabho. Bhwebhulo bhapase bhe bhebhayipasile na bhantu. Na bhalipo abhapase tubhanje swebhabho kubhumwene ubhwa kumwanya. We angabhwezya ukuposhela ivisambilizyo ivi na aviposheleye." ¹³ Pe bhahamleta abhana bhamo abhansi ili abhabhishe inyobhe pamwanya yabho nukulabha, abhane abhasundikwa bhakwe bhahabhahalapila. ¹⁴ Uwene Uyesu ahayanga," bhitishizye abhana, abhansi, pe mutahabhahanizya ukwunza kukwane, she shinamwene sha kumwanya sha bhantu inga bhanabha. ¹⁵ Pe ahabhiha inyobhe zyakwe pamwanya yabho, pe ahinza ayepa kukwabho. ¹⁶ Yenya umntu woka ahinza kwa Yesub nu kuyanga, "Msambilizya, shintu shoni ishinza she shikwanziwa imbombe ili kuti imbwaje ubhulanzi bhwa shima?" ¹⁷ Uyesu ahamubhuzya, "Shoni pe ukubhuzilizya izya ishintu ishinza?Kuli woka bhwelele we mwinza, pe fwandi penga ukwanza ubhulanzi, lema inkomelezyo zya Mulungu." ¹⁸ Umtu ahamubhuzilizya, "Nkomelezyo zilikwi?" Uyesu ahamula ahati, utahangoje, uhabhambushe, utahibhaje, utamsimishizyaje uwamwinyu ilenga, ¹⁹ Bhashindishe utata waho nu mayi waho, pe umgane uwamwinyu inza vwe uyiganile wenewe." ²⁰ Umntu ghula ahati, "Zye zifwasite zyonti. Pe ngusobhelwa ishoni? ²¹ Uyesu ahamubhuzya ahati, ''Inga kwanza bhe we mwinza, sogolaga, ukazye vyulinavyo, nu ubhape abhapina, nu ulibha nishuma kumwanya. Punginza undandate. ²² Lwe ayivuye umulumendo galage Uyesu ahamubhuzya, ahepa kuwila, kushifukwa amali nishuma ishinji. ²³ Uyesu ahamubhuzya umusundikwa wakwe, " Nalyoli nkubhabhuzya, pagomo kw mntu udumbwe kwinjila mushinamwene sha kumwanya. ²⁴ Habhili nkubhabhuzya, bhupupusu ingamila kushila pilyazi lya sindano, kuliko ku mntu udumbwe kwinjila kubhumwene bhwa Mulungu. ²⁵ Abhasundikwa lwe bhivwa bhwebhulo, bhahasukumila sana nukuyanga, "Pe unanu we aliyokoha?" ²⁶ Uyesu ahabhenyelezya nu kuyanga, "Kubhanamntu iyo litanga bhombeha, pe loli kwa Mulungu gonti gakubhombeha." ²⁷ Pe Upetro ahamula nukubhabhuzya, "Yenya, tulesile vwonti nukukulandata iwe. Shintu shoni shetulibha nasho?" ²⁸ Uyesu ahabhuzya, "Nalyoli nkubhabhuzya, wonti we afwasite ine, mu mpapilwa impwa numwanamntu pe alitendama mushinamwene mubhupiti bhwakwe, imwe bhulo mlitendama pa mwanya pa vitengo vibhili ivya bhufinjile kubhalonga uluho nu luho amashumi kuminambili aga Iziraeli. ²⁹ Wonti mumwinyu we alesile inyumba, umkulu, umyemba, utata, umayi, umwana pamu umgunda pebhinzila mwizina lyane aliposhela ivipinywa habhili alipwa ubhulanzi bhwa shima na shima. ³⁰ Fwandi abhinji bhe bhabhwandilo isalizi bhalibha bha bhumalilo, na bhe bhebhabhumalilo bhalibha bha bhabhwandilo.