¹ Insiku sita hamandi Uyesu ahabhanyatula nu Petro, nu Yakobo, nu Yohani na bhajenzi, na kubhanyatula mpaka pamwanya pigamba itali bhabho bheka. ² Ahagalusanywa pilongolela lyabho. Paminso gakwe gahalama nganti lizubha na menda gakwe gahamala nganti luhozyo. ⁴ Yenya, pala bhahaloleha Umusa nu Eliya bhakuyanga nawo. ³ Petro ahatamula nu kumubhuzya Uyesu, "Mwene, ahinza kukwitu itwe shime abhantu abha. Ingawanyonywa, tizenje apa ivibhanza vitatu - shoka shaho, na shoka shibhe sha Musa, na shoka shibhe sha Eliya." ⁵ Ahabhalilo hala lwe bhakuyanga, bhahenya ibhingu izelu lihabhagwisila ni shizunguli na bhahenya, yihaloleha izwi kufuma kwi bhingu, likuti, "Uno we Mwanawane umgan'wa we nkuhobhoha nawope. Mumwivwaje wuyo." ⁶ Abhasundikwa lwe bhivya ago, bhahagwa nukwinama nukunyila nanti mnyilaje inkani. ⁷ Pu Uyesu ahinza ahamupalamasya nu kuyanga, "Yimilila nanti mnyilaje." ⁸ Pe bhahimila paminso gabho pamwanya loli bhatahamwenya umntu pe Uyesu weka. ⁹ Pe bhahimilila kwi gamba, Uyesuahabhalajizya, ahayanga,"mtahafumwe amazwi iga ge mwenya lwe Mwana wa Adamu lya zyuha kufuma kubhafwe." ¹⁰ Abhasundikwa bhakwe bhahamubhuzilizya, bhayanga, "Shoni she bhasimbi bhakuyanga ukuti U eliya akwinza ishuti? ¹¹ Yesu ahamla nu kuyanga, "Eliya aliyinza nubhwanalyoli nukugalusya ivintu vyonti. ¹² Ishi kubhabhuzya imwe, Ueliya ahapela ayinza, loli atahamumanya. Pe kwilongolela lyakwe, bhahamubhombela imbombo yebhakwanza bhabho. Na bhwebhulo Umwana wa Adamu vyebhalimuyivwa mnyobhe zyabho." ¹³ Pe abhasundikwa bhahamumanya ukuti pala ahayangangaga amazwi ga Yohani Umwozyelwa. ¹⁴ Lwe bhafiha pampuga ya bhantu, umntu woka ahamubhalila, ahahoma ivisugamilo pilongolela lyakwe, nu kuyanga, ¹⁵ "Mwene, umufwile uwila umwanawane,ipa palinahazilisi nukuyimba inkani. Pe ishi shima akugwanga kumwoto nu kwamwabho kuminzi. ¹⁶ Nkamtwala kubhasundikwa bhaho, pe bhahapotwa kumupon'wa. ¹⁷ Uyesu ahabhajibu ahati, "Imwe mwe mpapo yeyitakwiliha yeyinanjisile, nkuti intendame nimwe mpaka lino? Ntinjimbilile nimwe hadi lino? Mlete apa kukwane." ¹⁸ Uyesu ahapilila, ni mpepo yihepa. Umulumendo ahapona kufuma ahabhalilo hehala. ¹⁹ Pe abhasundikwa bhahamubhalila Uyesu ku kwilu nukumubhuzya, "Shoni she tutahapilia nu kumshimbizya?" ²⁰ Uyesu ahabhuzya, "kushifukwa sha lwitiho lwinyu ulinsi. Ubhwanalyoli nkubhabhuzya ukuli inga mwima nu lwitiho pope ulunsi inza ahasanga hambeyu ahamuzimwa, mngabhwezya kulibhuzya igamba ili, yepa ipa ubhale kula, lyope lingepa nakutangabha nishintu nashimoshimo ishskupotwa kukwinyu. ²¹ (Yenyelezya: Amazwi iga luhololo wa 21 "Loli, imunini iya mpepo yikuhaninkana kufuma, loli kumputo izya shisiha kulya" gatakuloleha kwi karata ilyinza ilya hali). ²² Ahabhalilo lwebhali pa Galilayi, Uyesu ahabhuzya abhasundikwa bhakwe," Mwana wa Adamu alibhabhiha mnyobhe zya bhantu. ²³ Nu kumgoga, na siku lya bhutatu alizyuha ." Abhasundikwa bhalilumbuzya inkami. ²⁴ Pe lwe bhafiha Kukapelinaumu, bhantu bhebhabhunganihaga insonko ya nusu shekeli bhahamubhalila Upetro nu kuyanga ,"Pe umumanyisi winyu akusonka insonko iya nusu shekeli?" ²⁵ Ahayanga, "ii" Wope Upetro lwayinjila mkasi mnyumba, Uyesu ahayanga nu Petro kubhwandilo nukuyanga, " Ukusibhilila ishoni Simoni? Abhamwene abhapansi, kuposhela insonko au ukusoshela ukufuma kwananu? Kubhala bhe kubhala bhebhakubhongozya kufuma kubhajeni? ²⁶ Nahabhalilo Upetro peahayanga, "Kufuma ukwabhajeni" Uyesu abhabhuzya, abhamaha bhabhebhifizye abhasonsi. ²⁷ Pe ishi tutahinze tubhambe abhasonko bhushulu bhatahabhombe ishibhibhi, bhalaga mnyanja, usumbe ulusikulo,nu uyileme yila iswi yizule pabhwandilo. Inga uyigubutule ilomo lyakwe, utuyaje mla ishekeli yoka. Yeje na ubhape abhalipa ubhushulu kujulu yane niwe.