¹ Mafarisayi nu Bhasadukayi bhahamwinzila na kumlinga Uyesu abhalolesye amafindango gega kufumwa kumwanya. ² Uwene Uyesu ahabhajibu na kubhabhuzya kuti "Inga ni hamazubha mkuyanga kuti kwasha ahinza, kwekuti kumwanya kushemamu. ³ Ninzashi mkuyanga 'Ihali ya mpepo ilelo te nyinza kwekuti kumwanya kushemamu na mabhingu gagwishiyeye imwanya yonti.' Mumanyile kuchona kulingan'wa vye kukuloleha kumwanya, Loli mtamanyile kuchona amafindango ga habhalilo. ⁴ Impapo imbibhi na ishabhumalaya shikulondola amafindango, loli shitaliko ishamafindango gogonti gebhabhakubhapa, loli yila iya Yona.Lwe Uyesu abhaleha na ahabhala izyakwe. ⁵ Abhasundikwa bhahinza ulubhazu ulwabhubhili, loli bhaluvilwe kunyatula ubhugali. ⁶ Uyesu ahabhabhuzya "Mshebhaje nukubha ahinza ubhusafu Bhwamafalisayi na Bhasadukayi." ⁷ Abhasundikwa bhahalema kuyanga pakasi pabhabho kuti. "Mwata pe tutanyetuye ubhugali." ⁸ Uyesu ahamanya ilyo ahayanga, Shoni shemwasibha nukuyanga na pakasi papinyu na mwayanga kuti mwata petutanyetuye ubhugali? ⁹ Mwe mshili kumanya na kukumbuha bhula ubhwika bhusano kubhantu elufu tano, nivisege vilinga vye mhabhunganiha? ¹⁰ Inzugila saba kubhantu elufu in ¹¹ Yikubha bhulibhuli mtakuzimanya kutintaya ngaga nimwe kubhugali? muyisundaje nukushebha ni manyizo zyabha Mafarisayo na Masadukayi." ¹² Pe bhahamanya kuti atahabhabhuzyaga kuti mtayilage nubhugali bhwebhusafile, loli kushebha ni manyinzyo zya Bhafarisayi na Bhasadukayi. ¹³ Ahabhalilo Uyesu ahafiha palubhazu pa Kaisaria ya Filipo, ahabhabhuzya abhasundikwa bhakwe, ahati, "Abhantu bhakuti Umwana wa Mntu wu nanu?" ¹⁴ Bhahayanga," Bhamo bhakuti Wuyohani umwoziwa; bhamo, Eliya; na bhamo, Yeremia, au manyi walipoka nabhakubhwi. ¹⁵ Ahabhabhuzya, kuti imwemkuti nenanu? ¹⁶ Ahalema kwamula, Simoni Peteri akuti, "Iwe we Kristu Umwana wa Mulungu we mpuma" ¹⁷ Uyesu ahamtamula nakuti, "Usayiwe iwe,Simoni Bar Yona, pakuti ibhanda numubhili vitakugubutuliye ili, loli Utata wane wali kumwanya. ¹⁸ Nine nkunkubhuzya kuti iwe Petro, na pamwanya piyalabhwe ipa kuti zenge ishibhanza shane. Amalyango agakubhuzimu. ¹⁹ Nkukupa iwe ifungulo iya kushinamwene sha kumwanya. Shoshonti shewashigalila pansi lweshagalilwa na kumwanya, na shewashifungula pansi na kumwanya washifungula." ²⁰ Pu Yesu ahabhahandamizya abhasundikwa bhakwe bhatahamubhuzye umntu wowonti tuti uwene amile Kristu. ²¹ Kufuma ahabhalilo iho Uyesu ahandakubhabhuzya abhasundikwa kuti shihondeye imbale Kuyerusalemu, kuyimba kuntamwo nyinji munyobhe kalata kugoga nukuzuha isiku lyabhutatu. ²² Pu Perto ahamnyetula Uyesu palubhazu nu kumupilila, ahalema kuti, "Izwililibhe kubhutali niwe, Tata, ililitafumile kukwaho. ²³ Pu Uyesu ahagalunkana na kumubhuzya Upetro, "Galuha kwisinda kukwane shetani! Iwe ukundindila kukwane, pakuti utagamanyile agaMulungu, loli aga bhantu." ²⁴ Pu Uyesu ahabhabhuzya abhasundikwa bhakwe, "Ingumntu wowonti akwanza kuvumwa ine, yikwanziwa ayihane huyo weka, anyatule ishihobhenkano bhuyo andandate. ²⁵ Pakuti wa kwanza kupulumusya ubhulanzi bhwakwe atangasobhelezya, na wowonti wa kusobhelezya ubhulanzi bhwakwe weka pakundondola ine ingagaponya. ²⁶ Inga! She ulonsile kulishintu shoni shuliposhela inga shewalandata insi yonti loli atezya ubhupuma bhwakwe? Inga! Shintu shoni she angafumwa umntu ukubadilisyan'wa ubhulanzi bhwakwe? ²⁷ Pu Mwana wa muntu aliyinza nubhupiti ubhwa Tata wakwe na abhahabhizya bhakwe. Wope alimuposhelaezya kila mntu kuholana nimbombozyakwe. ²⁸ Nalyoli nkubhabhuzya kulibhamo mwemiliye apa mwemutali manya kufya lwe Umwana wa Adamu akwinza mubhumwene bhwakwe.