¹ Kwekuti Amafarisayo na bhasimbi bhahinza kwa Yesu kufuma Kuyerusalemu. Nakuyanga, ² " Shoni she abhasundikwa bhakunangan'wa kuposhela kwa bhasongo? Kwekuti bhatakusukusula mnyobhe zyabho lwebhakwanza kulya ishakulya." ³ U Yesu ahabhajibu na kubhabhuzya, "Imwe__shoni mkunanganya indajilo izya Mwene ku julu ya kumposhela kwinyu? ⁴ Kwekuti Umulungu ahayanga, 'Umshinzi kwa tata waho nu mayi wahi; na 'Wayanga amabhibhi kwa tata wakwe nu mayi wakwe, nalyoli alifwa.' ⁵ Kwekuti imwe mkuyanga,' Wonti wakumubhuzya utata wakwe nu mayi wakwe, ""Wonti wakumwavwa linga akufumwa kwa Mulungu," ⁶ "Umntu uno atalinishida ya kubhanumushinzi kwa tata wakwe. Kubha inamna ino mwaibadilisya izwi lya Mulungu kujulu ya kushela kwimnyu. ⁷ Imwe bhagulugulu, hinza kuti Uyisaya inzavye ahenya pamwanya yinyu inzavye ahayanga, ⁸ 'Abhantu ibha bhakushindiha ine kumalmo gabho, pe likini mmoyo gabho bhalipabhutali nine. ⁹ Bhakumputa pabhulo, kusifukwa bhakubhasunda amasundikwa ge ndajilo zya bhanadamu."'' ¹⁰ Pe ahabhitizya paluhoanu na kubhabhuzya ," Tejelezyi na mmanye__ ¹¹ Shitaliko nashimo sheshingila mwilomo mwa mntu na kumubhomba kubha mubhili. Loli, shila sheshikufums mwilomo, ishi she kumubhiha umntu kubha mubhibhi." ¹² Pe abhasundikwa bhahamjendela nukuyanga nu Yesu, " We!, umanyile Amafarisayo lwe bhivwa lila izwi bhahahalala?" ¹³ Uyesu ahabhuzya nu kuyanga, "Kila lisole shu Tata wane wa kumwanya atabhwaye nukunyunkula. ¹⁴ Bhaleshe bheka, bhabho abhalongozi bhebhatakwenya. Ngati mntu watakwenya angamlongozya watakwenya uwamwabho, bhonti bhabhili bhagugwika mshilibha." ¹⁵ Peturo ahamjibu nu kumubhuzya Uyesu," Tubhuzye ishifwani ishi kukwitu, ¹⁶ Uyesu ahamjibu, "Nimwe inga mshili tanganeebhwa? ¹⁷ Imwe mtakwenya kuti kila sheshikwinjila mwilomo shikujendela mlwanda na kubhala mnzenje?. ¹⁸ Vwope ivintu vyonti vyevikufumila mwilomo vikufuma mkasi ya mwoyo. ¹⁹ Vye vintu vye vikumubhiha umntu ubhubhibhi. Kwekuti nkati mwoyo ukufuma ninsibho imbibhi, ukugoga, ulubhembu, ubhwibha, ukusimishizya ukwilenga, na indigo. ²⁰ Izi zye mbombo zikubhiha umntu ubhubhibhi. Wope kulya bila ukusukusula mnyobhe mtakumubhiha umntu kubha mubhibhi." ²¹ Pe Uyesu ahafuma sehemu peali na nakubha weka kubhala kulubhazu zya nkaya ya Tiro nu Sidon. ²² Yenya ahinza umwantanda Umkanani kufuma kulubhazu ulo. Ahahola kusabhuti akuyanga, "Nkobhoshele, Mwene, Mwana wa Dabhudi; mlindu wane akuyimba sana ni mpepo." ²³ Wope Uyesu atahajibu izwi. Abhasundikwa bhakwe bhahinza bhahamubhuzya, bhakuyanga, "Mwefwe abhale izyakwe, maana akutuhomela ishongo." ²⁴ Uyesu ahabhabhuzya nu kuyanga, Bhatansontelezizye kwa mntu wowonti loli ku ng'onzi zyezitezile abha mnyuma ya Iziraeli." ²⁵ Wope ahinza nu kwinama kwilongolela lyakwe, akuyanga, "Mwene navwe." ²⁶ Ahamjibu nu kuyanga, " Te hinza kunyetula ishakulya sha bhana na kusumbila imbwa," ²⁷ Ahayanga, "Ii, Mwene, pope bhulo imbwa inyinsi yikulya ishakulya sheshikugwa pameza mu Mwene wabho." ²⁸ Pe Uyesu ahabhajibu nukuyanga "Umwantanda, ulwitiho lwaho lupiti. Na yibhombeshe kukwaho nkati vyu kwanza." Na umlindu waho bhamuponizye kufuma kuhabhalilo iho. ²⁹ Uyesu ahepa sehemu yila nu kubhala papipi ninyanja iya Galilayi. Pe ha bhili ahasogola pamwanya yi gamba nu kutendama kunuko. ³⁰ Ishibhunga ishipiti shihinza kukwakwe. nu kubhaleta bhebhatakujenda, bhebhatakwenya, bhebhatakuyanga, bhebhalemaye nabhamwabho abhinji, bhebhali bhabhinu. Bhabhabhisile mvinama vya Yesu na ahapon'wa. ³¹ Yope impuga yihaswiga pebhahenya bhebhatakuyanga bhakuyanga na bhebhalemaye kubhabhiha bhinza,na bhebhatakujenda bhakujenda, na bhebhatakwenya bhakwenya. Bhaha myanga Umulungu wa Iziraeli. ³² Uyesu ahabhaita abhasundikwa bhakwe nu kuyanga, "Nabhenyeza ishisa impuga, kushifukwa bhali nine kunsiku zitatu bila kulya shoshonti. Ntalibhalaga bhabhale kukwabho bila kulya, bhantahinze bhazilishe mwidala." ³³ Abhasundikwa bhakwe ahabhuzya, "Kwekwi kwetungapa ubhwika ubhwakukwilana ipa pabhugomo twikute mpuga impiti ino?" ³⁴ Uyesu ahabhuzya, "Mlinu bhugali bhulinga?" Bhahayanga, "Saba, ni inswi nu utuswi utunsi." ³⁵ Uyesu ahabhamulisya impuga yitendame pansi. ³⁶ Ahanyaula bhula ubhugali saba nu iswi, na baada ya kusalifwa, ahamesula nu kubhapa abhasundikwa . Abhasundikwa bhahabhapa impuga. ³⁷ Abhantu bhonti bhahalya nu kwikuta. Nabhahabhunganiha vyevisyaye ivibhunga vibhunga, vihizula ivisege saba. ³⁸ Bhonti bhahalya bhali abhanavuli elufu ine bila bhantanda na bhana. ³⁹ Ishi Uyesu ahayilaga impuga bhabhale kukwabho na ahinjila mkasi iyi boti na kubhala kulubhazu izya Magadani.