¹ Kuha bhalilizyo aho, u Herode ahivwa izya Yesu.. ² Ahabhabhuzya abhabhomvi bhakwe," Uno u Yohani umwozyi azyusile ukufuma kubhafwe. Pe amaha iga gali papakwe.'' ³ Pe uwene Herode amali amamulemile u Yohani ahampinya nukumsumbila mwijela kushifukwa sha Herodia, umshi wa Filipo umkulu wakwe. ⁴ Pe uwene u Yohani ahamubhuzya, "Te hinza kumunyetula abhe mushi wakwe." ⁵ Herode nge hamgoga loli ahanyila ishifukwa bhahamwenya u Yohani umkubhwi. ⁶ Pe insiku zya kupapwa u Herode lweyafiha umlindu wa Herode ahimba pakasi kasi pa bhantu nukumuhobhosya u Herodi. ⁷ Mkugalusya amazwi ukili ahalapa kushilapo kuti amupe shoshonti she angalabha. ⁸ Lwe bha pazania nu mayi wakwe, ahayanga, " Nampa nene abhala kulabha itwe lya Yohani umwozyi." ⁹ Umwene amali na

kuswigaswiga mkubha kwa mlindu, pe lelo shifukwa sha bhonti bhahalwa ishakulya poka uwene ahinza ayamlisya ukuti shihondeye shibhombeshe.

¹⁰ Ahatuma u Yohani ayinze kufuma mwijela ¹¹ ili adumulwe itwe lyakwe pahinza lyali pamwanya pa siniya na pebhahamupa umlindu na ahamupa umayi wakwe. Kufuma ipo abhasundikwa bhakwe bhahinza ukwega umubhili nu kubhusyila, ¹² lwe zyabha bhwebhulo bhahabhala kumubhuzya u Yesu. ¹³ Wope u Yesu ahinzayivwa aga, ahayefwa kufuma pabhuzilo ubhwamwabho mkasi pa ahagwinkana igolole ahabhala pabhuzilo ubhunji. Habhalilo impuga lwe yamanya peamali, bhahamlandata kuvinama ukufuma munkaya. ¹⁴ Lwe u Yesu ahinza pilongolela lya bho ahenya impuga impiti. Ahabhenyezya ishisa nukubhapon'wa imbina zyabho. ¹⁵ Lwe shamazubha shafiha, abhasundikwa bhahinza kukwakwe nukuyanga," Ili bhuzilo bhwa lugwa nu isiku lya sila hali lyashila. Bhasasye abhaluhomano bhabhale mnkaya bhakale ishakulya kujulu yabho. ¹⁶ Uwene u Yesu abhabhuzya," Bhatali nishida iyakubhala zyabho. Bhape mwenemwe ishakulya" ¹⁷ Bhahamubhuzya, " Apa tuli na mika gasano ni swii zibhili bhulo."" ¹⁸ U Yesu ahayanga,"Mndetele kukwane." ¹⁹ Uwene u Yesu abhabhuzyab abhantu kutendama pansi pisole. Ahanyatula ubhuka bhusano ni swii zibhili. Ahenya kumwanya, ahavilota na ahamensulanya ubhwika ahabhapa abhasundikwa. Abhasundikwa bhahabhapa impuga. ²⁰ Bhahalya bhonti nu kwikuta. Abhene bhahavibhunganiha mtulilo ivyakulya nukwizuzya mviseje kumi na vibhili. ²¹ Bhala bhe bhahalya bhasashiziwa bhali abhanavuli elufu tano bila ya kubhelenga abhantanda na bhana. ²² Bhatahahabha abhalajizya abhasundikwa bhinjile mkasi mwi boti, ahabhalilizyo iho ahabhalaga abhantu bhabhale kukwabho. ²³ Lwe ahabhalaga impuga kubhala kukwabho, ahazubha pigamba ukulabha weka uko. ²⁴ Wope salizi amaboti lweyafiha pakasi pa minzi yihanda kuteletenga shifukwa ya nkungu, kwani impepo yaliyakupona. ²⁵ Katika ubhusiku ubhwa zamu ya bhune u Yesu ahabhapoha, akujenda pamwanya pa minzi. ²⁶ Lwe abhasundikwa bhakwe bhahamwenya akujenda pamwanya pa minzi, bhahogopa nukuyanga, "We shizyuha," nukuhola izwi muhabhele ahilyoga. ²⁷ U Yesu ahabhuzya sona lyoka, ahayanga, "Muyipanje umwoyo! ni ne! mtahogope." ²⁸ Wope u Peturo ahamamjibu kuyanga, "Mwene, inga wewe, ndajizye ininze kukwaho pamwanya pa minzi." ²⁹ U Yesu ahayanga, "Nzaga." Pe u Peturo ahafuma mkasi mwi boti ahajenda pamwanya pa minzi ukubhala kwa Yesu. ³⁰ Pe uwene u Peturo ahenya impepo, ahogopa, nu kwanda kudwibhwa, pansi, ahitizya kwizwi nu kuyanga, "Mwene, mposhe!" ³¹ Lubhilo u Yesu ahagolosya inyobhe yakwe ahamubhusya u Peturo, nukumubhuzya," Iwe weka ulinutiho ulunsi, shoni she wali ni lyoga? ³² Pe u Yesu nu Peturo bhahinjila mwiboti, impepo yihaleha kuyinzanya. ³³ Abhasundikwa mwiboti bhahamuputa u Yesu nu kuyanga,"Nalyoli iwe ni Mwana wa Mulungu." ³⁴ Na lwebhashizanya, bhafiha na munsi ya Genesareti. ³⁵ Na bhantu mnkaya yila bhahamumanya u Yesu, bhasontezya itumi ulubhazu lyonti, kumletela abhabhinu. ³⁶ Bhahabhuzanya ukuti bhapalamasye ishizwalo shakwe, na abhinji bhebhahapalamasya bha hapon'wa.