¹ Pe isiku ilyo u Yesu ahepa kuhaya nukutendama palubhazu iya minzi. ² Impuga impiti `yihabhungana nu kwanda kumzyungula, ahinjila mkasi iyabhonti nukutendama mkasi yakwe. Impuga yonti yihimilila mlubhazu ya mubahari. ³ Pe u Yesu ahayanga amazwi aminji ku shifwani, Ahayanga, "Yenya, umpesa mbeyu ahabhala kubhwala. ⁴ Pe lwa ahabhwalaga kuli ni mbeyu zihagwila palubhazu lyi dala ni nyunyi zihinza zya nsompa. ⁵ Imbeyu izyamo zihagwa pamwanya ya iyalabhwe, pe zitahalyaga itope ilwa kukwana. Nalobhilo zihamela kushifukwa itope litali ni shilibha. ⁶ Loli izubha pelyalama lihazipemba kushifukwa zitali na magululuzi, pe zihuma. ⁸ Imbeyu izyamwabho pakasi pamakwi gegali na mivwa. Amakwi gegali na minvwa gahatalimpa pamwanya kazidinda. ⁷ Imbeyu izyamwabho zihagwila kwekuli nitope ilyinza nukupapa imbeyu, izyamwabho zimo imiya yoka na mwilongolela, izyamwabho isitini niyamwabho selasini ⁹ Wali na makutwe na ayivwe. ¹⁰ Abhasundikwa bhahinza nu kumubhuzya u Yesu," Shoni she ukuyanga nu luhomanu kushifwani?" ¹¹ U Yesu ahayanga kubhabhuzya, "Bhabhapiye ukuzimanya ikwilu izya shinamwene shakumwanya, loli kukwabho bhatapasite. ¹² Loli wowonti walinasho, kukwakwe uwene aliyonjezya inkani, na alipata ifaida impiti. Loli we atali nasho nashila shali nasho alifyula. ¹³ Ubhwo kuyanga nabho kuvifwani kushifukwa loli bhakulola, bhatakubhala nalyoli. Nehabhili bhakwivwa bhatahivwe au kumanya. ¹⁴ Ubhukubhwi bhwa Isayi bhwafiha kukwabho, bhula bhwebhukuyanga, " Pe mkuvwa mwivwaje, lolo kwidala lyolyolinti temhelewe; ahabhalilo hemkwenya mubhwezye kwenya, loli kwidala lyolyonti lila mtahamanye. ¹⁵ Na amoyo aga bhantu ibha gabha hisi, na vigomo kwivwa, nabhasinsiliye aminso gaho, ili bhatahabhwezye kwenya kuminso gabho, awe kwivwa ukwa makutwi gabho, awe kumanya ku moyo gabho, bhunubho ngebhangaluliye habhili, nkenkabhapon'wa.' ¹⁶ Loli aminso ginyu gasayiwe, kwekuti gakwenya, na makutwi ginyu she gakwivwa. ¹⁷ Nalyoli nkubhabhuzya abhamkubhwi abhinji na bhantu bhebhalinubhwanalyoli bhalinishinyonywa bhatahagabhwezya kugenya. Bhahanyonywa zyivwa imbombo zila zyemkuzyivaga, bhatahazyivwa. ¹⁸ Salizi mtejelezye ishifwani isha mpesa imbeyu. ¹⁹ Ahabhalilo wowonti weakwivwa izwi ilya mwene na atahalimanya, pe umlugu akwinza nukushinyatula sheshinzile kubhwalya mkasi mu mwoyo wakwe. Ino mbeyu yila ye yibhwalilwe palubhazu pi dala. ²⁰ Uwene bhwalilwe mu mayalabhwe wewulo weakwivwa izwi nu kuliposhela libhilo nukuhobhoha. ²¹ Ashili kubha na mazi mkasi yakwe, loli ukujimbilia ku kuhabhalilo ahansi. Lwe intamwo awe amayimba lwegamwaga kushifukwa shizwi ukupunula gafu ²² Wabhwalilwe pakasi iyo makwi aga minvwa, uno we wula wakulivwa izwi loli intamwo izya mnsi nukusyobha nu bhudumbwe nukudinda izwi lila litahinze lihome ivihomwa. ²³ Wabhwalile mwitope ilyinza, uno we bhula wakwivwa izwi nu kulimanya. Uno wewula we akupapa ivihomwa nu kwendelela yoka nikani iya kufisya mia, iyamwabho sitini, iyamwabho selasini." ²⁴ U Yesu ahabhapa ishifwani ishamwabho. Akuti, "Ishinamwene sha kumwanya shikuholan'wa nu mntu wahabhwala imbeyu inyinza mshizi shakwe. ²⁵ Loli abhantu ingabhatasinzila, umulwani wakwe ahinza wope ahabhwala amasole pakasi iya ngano habhili asogola ulwakwe. ²⁶ Ahabhalilo ha ngano uweyamela nu kufumwa ivihomwa vwakwe pe amasole gahafumila gope ²⁷ Pe nabhabhonvi abha mhola shizi bhahinza ukumuzya, 'Tata, utabhwaye imbeyu inyinza kushizi shaho? Yabhabhuli ilelo mlinamasole? ²⁸ Ahabhabhuzya, Umulwani abhombile ubhu.' Abhabhomvi bhahamubhuzya, "Kwekuti ukwanza tubhale tuganyunkule?" ²⁹ U mhola shizi ahati, ;Hagha, lwemkunyunkula amasole timunyunkule poka ni ngano. ³⁰ Galeshe gakule poka mpaka ahabhalilo hakwinyula. Ahabhalilo aha kwinulandiyanga kubhebhakwinula,' Isuti nyunkula amasole na mgapinye mvibhunga bhunga nukugapemba, loli bhunganishi ingano kutwala mwitala lyane."" ³¹ Habhili u Yesu ahabhabhuzya fumizya ishifwani ishamwabho. Ahayanga, "Ishinamwene shakumwanya shiholine ni mbeyu iya nsanga ye umntu ahayinyetula nukuyibhwala mshizi shakwe. ³² Imbeyu ino nalyoli nyinsi ukulusya imbeyu izya mwabho zyonti. Loli peyikumela yikubha mpiti ukulusya inyanyi zyonti zye bhabhwaye, pe amakwi, ni nyunyi izyakumwanya zikwinza nukuzenga ivisalanzu mnsamba yakwe." ³³ Ahabhabhuzya ishifwani ishamwabho habhili,"Ishina mwene isha kumwanya shili ngati nyambo yila ye anyatula umwantanda nukuyisangan'wa kutupimilo tutatu ku bhusu mpaka pe vwaduduha. ³⁴ Ago gonti u Yesu ahagayanga pa mpuga ki shifwani . Napepatali ivifwani atahayanga nashimo kubhene. ³⁵ Ino yali kuti shila sheshibhwezye kufiha, pala peahayanga," Ndiyasama ilomo lyane kushifwani. Ndi yanga imbombo zila zyebhazisile kufuma kubhwandilo ubhwa nsi". ³⁶ Pe u Yesu ahabhaleha abhaluhomano nukubhala kuhaya. Abhasundikwa bhakwe bhahamubhalila nukuyanga," Twelebhulile ishifwani ishamasole aga mshizi," ³⁷ U Yesu ahabhabhuzya nukuti," Wa akubhwala imbeyu inyinza wu Mwana uwa Adamu. ³⁸ Ishizi nsi; ni mbeyu inyinza, ibha bhebhana bha shinamwene. Amasole agene bhana bha wula umubhibhi, nu mlwani wa haziwala wu mnkwalanzi. ³⁹ Nukwinula kwe bhumalilo bhwa nsi, na bhebhakwinula bhebha habhizya. ⁴⁰ Inza bhula amasole vwegakubhungan'wa nukupembwa umwoto, bhwe bhunubhwo vweyililoleha ubhumalilo bhwa nsi. ⁴¹ Umwana uwa Adamu alisontezya abhahabhizya bhakwe, nukubhunganiha kufuma mshinamwene shakwe imbombo zyonti zyezihazya imbibhi nabhala bhebhakubhomba amabhibhi. ⁴² Bhalibhasumba bhonti mwitanuli ilya mwoto, kwekulibha ni nkoloo nu kusya amino. ⁴³ Pe abhantu abha nalyoli pe bhalilamaa ngati lizubha Mshinamwene isha Tata wabho. Uwene wali namakutwe na ayivwe. ⁴⁴ Ishina mwene shakumwanya shili ngati kusengulwa kwebha zyishile mvwizi. Umntu ahenya nukuyizyiha. Kuluseshelo lwakwe ahabhala ukukazya vwonti vweali navyo, nukukala ishinzi. ⁴⁵ Habhili, ishinamwene sha kumwanya shili ngati mntu wakubhomba ubhuchuluzi wakulondola ishintu sheshili pamwanya. ⁴⁶ Ahabhalilo hahinza ayenya yila yeyili pamwanya, ahabhala akazya kila shintu sheali nasho nukuyikala. ⁴⁷ Ishina mwene shakumwanya shilingati pa mwanya yeyitajilwe mkasi ya minzi, nukubhunganiha ivintu vwovwonti vila. Pe lweyizula abhakuvubha bhahalukwesa pashipuma. ⁴⁸ Pebhahinza bhihala mpansi nukubhunganiha ivintu ivwinza mkasi ya vililo, loli vyevitali nubhwinza bhahavisumba kubhutali. ⁴⁹ Yiliyima inzubhwo muhabhalilo ahansi. Abhahabhizya bhaliyinza nukubhapagula abhantu abhambibhi kufuma pabhala abha nalyoli. ⁵⁰ Nukubhataga mkasi iya tanuri ilya mwoto, kwekulibha nukuhola nunkusya amino. ⁵¹ Mmanyile imbombo zyonti izi? Abhasundikwa bhahitishila, Iii." ⁵² Pe u Yesu ahabhabhuzya, ''Wonti we msimbi we alimsundikwa uwa mwene akuholana nu wankaya wakufumwa mvisengulwa vwakwe ivipwa nivwahali." ⁵³ Yihabha u Yesu lweamala ivifwani vyonti ivwo, ahepa kulubhazu ulyo. ⁵⁴ Pe u Yesu ahafiha mnkaya yakwe nukubhamanyizya abhantu mshibhanza. Sheshihinza shafuma kwekuti bhahaswiga nukuyanga, " Kwekwiyi kuumntu uno wahabhwaga umshinzi uno na mafindango aga? ⁵⁵ U mntu uno te mwana wa Seremala? U Mariamu te wumwyi wakwe? Na bhajenzi bhakwe te bhebha Yakobo, Yusufu, Simoni nu Yuda? ⁵⁶ Na bhalindu bhakwe tulinabho ipa papitu? Loli umntu uno agaga kwiyi gonti aga?". ⁵⁷ Ahabhahalalizya. Loli uYesu ahabhabhuzya," Umkubhwi atakukosa kbha nu mshinzi loli kukwabho na kunsi yabho. ⁵⁸ Pe atabhwezya kubhomba amafindago aminji kushifukwa bhatali lwitiho nawo.