¹ Ahabhalo hala uYesu ahabhala isiku lya sabata kujenda mmagunda. Bhasundikwa bhakwe bhalil ninzala na bhahanda kuvunza amasuke na kulya. ² Loli a Mafarisayo lwe bhenya ago, bhahambhuzya u Yesu "Yenya abhasundikwa bhaho bhavunzile amazwi bhabhombile isiku ge bhatitishuzye isiku lya sabata" ³ Wope u Yesu ahabhabhuzya, "Mtabhelenzile vwu Daudi gahabhombaga, ahabhalilo pe alininzalaa, poka nu bhantu bhaali nabho? ⁴ Vwe ahinjila mkasi mshibhanza sha Mulungu nu kulya ubhugali bhakulanje , bhebhatali bhanalyoli kukwakwe kulya na bhala bhali nabhope, loli yali hinza kubhadimi? ⁵ Nishi mtabhelenzile kumazwi, ukuli limisiku lya sabata Bhadimi mkasi ya shibhanza bhakununga sabata, gonti ago bhatali ni nongwa? ⁶ Wope akuyanga kukwinyu kuti we miti kulusya ishibhanza aliko ipo. ⁷ Ishi ingamhamayaga ukuti ino yikulanjizya ishoni; kwanza ulusankano na te mantonongwa; mtangabhalongaga bhebhalitali ni kosa , ⁸ pe ishi u Mwana wa Adamu ali Mwene wa sabata." ⁹ Pu u Yesu ahafuma pala naahabhala kushibhanza shabho. ¹⁰ Yenya kwali nu mntu wafuye ulubhazu ubhwa nyobhe. Mafarisayo bhahamupepuzya u Yesu, "Ishi, nalyoli kumupon'wa isiku lya Sabata?" pe ingabhamsitache kubha tenda imbibhi. ¹¹ U Yesu ahabhabhuzya," Wu nanu pahati paoinyu, we ingali ni ng'onzi yoka, nu noning'onzi ahagwa mkasi ya shilibha isiku lya sabata, atahamlema na kumumwa kumaha mkasi ya mshilibha? ¹² Je, shoni she yemba shalusya, sipe ,lole ing'onzi! Ishi pe hinza kubhomba aminza isiku lya Sabata." ¹³ Pu u Yesu ahamubhuzya wula umntu,"Golosya inyobhe yaho" Ahagolosya, nakusela ubhupuma, nkati wula uwamwabho. ¹⁴ Wope Mafarisayo bhahafuma panzi kuzipinya zye kumgoga bhahabhala kuzipinya shinguga shakwe.

Pe bhahalondologa vye bha mgoje.

¹⁵ U Yesu lwa manya ili ahepa apo. Abhantu abhinji bhahamfwata, na abhapon'wa bhonti. ¹⁶ Ahabhalajizya bhatahinze bhamobhombe amanyashe kubha mwabho, ¹⁷ inga likwane aha nalyoli, kugala gegayangilwe na umukwubhwi Isaya, ahayanga, ¹⁸ Yenya, umubhomvi wane wemsevile, umgan'wa wane, pe ghuyo mumwoyo wane yihondeye. Kuti imbishe Umpepo wane pamwanya papakwe, na kulajizya ubhulonzi kubha Mnzi. ¹⁹ Ataliyimba nu kulila kumaha; pope wula wonti kwivwa izwi lyakwe mnzi. ²⁰ Atangali vunza itete lye bhaswotoye kuswotola; atangazimwa ubhutambi bhwobhwonti bhwebhukufumwa ilyosi, paka angaleta ubhulonzi ingapota. ²¹ Na Mnsi bhaliyima bhajasili ku ²² Umntu utunga utonko nu shinunu, wahapungana injele na impepo bhahamuleta pilongolela lya Yesu. Ahampon'wa, poka na gegabhoneha ukuti umntu ushinunu ahayanga nu kuyanga. ²³ Uluhomano lyonti bhahaswiga nukuyanga," Angapela umntu uno mwana wa Daudi?" ²⁴ Pe ahabhalilo lwe Mafarisayo lwebhivwa amafindangoiga iga bhahayanga," Uno umntu atakwefwa impepo kumaha gakwe wuyo ngati kumaha ga Belzebuli, umpiti wa mpepo. ²⁵ "Wope u Yesu amanyile insibho zyabho na kubhabhuzya, '' wope ubhumwene bhuhagabhinkana bhubhwo bhuhananjiha, na pe ninkaya au mnyumba yeyikugabhulinkana yeka yita kwimililaga. ²⁶ Pangabha Umkwalanzi, angamwefwa Mkwalanzi, pe angayihana kufuma kumwoyo wakwe wuyo. ²⁷ Pe bhulibhuli ubhumwene bhwakwe bhungimilila? Ishi pe ingekwefwa impepo ku maha ga Belizabuli, abhamwinyu bhope bhakwefwa kwizina lya nanu? Panongwa ya lili bhaliyima bhalonzi bhinyu. ²⁸ Na pope ingakwefwa impepo kumaha ga Mpepo wa Mulungu, pe ubhumwene bhwa Mulungu bhwinzile kukwinyu. ²⁹ Nu mntu angabhweza kwiinjila mkasi ya munyumba ya wula uwamaha nu kwibha, ingaatamkunzile uwamaha shuti? pe akwibha ikawa vyonti kufuma mnyumba. ³⁰ Wonti watalipoka nane alishinji shane na wulatakubhunganya poka nine uyo kuti asasyaje. ³¹ Pe ishi kuyanga kukwinu, wonti uwambibhi iya kufuya abhantu kutibhahabhahobboshele, pishi kumsufwa Umpepo Umfinjile tebhahahibheshelwe. ³² Na wula wonti wakuyanga izwi ishigunga isha Mwana wa Adamu, kwilo bhali mhobhoshela. Loli wonti wakuyanga ishingunga na Umpepo Umfinjile, uyo atalihobhoshelwa, kunsi ino, na yeyila yeyikwinza ³³ Loli libhombe ikwi ni vihomwa vyakwe kubha vyinza, au ukunanganya ikwi lyakwe nivihomwa vyakwe, pi ikwi likumanyinkanaga ku vihomwa vwakwe. ³⁴ Imwe mwempapo ya njoha, imwe mwe bhananzi, mngawezya kuyanga ivintu ivwinza? Loli pilomo pa kuyangaga kufuma kusenguye vwevili mumwoyo. ³⁵ Umntu umwinza shasenguye shinza kumwoyo wakwe vikufuma ivwinza, nu mntu umubhibhi shasenguye shi bhibhi mmwoyo wakwe akufumwaga sheshibhibhi. ³⁶ Nkubhabhuzya ukuti ahabhalilo isiku lya bhulonzi abhantu bhalifumwa nukubhelenga gala amazwi gegatali nu bhwanalyoli gebhayanzile, ³⁷ Loli ku mazwi gaho alibhelenjelwa ubhwanalyoli na kumazwi gaho ulilonjilwa." ³⁸ Pebhamo abhasimbi na Mafarisayo bhahatamha u Yesu bhahayanga" Mumanyizi, twaganile kwenya amafindango kufuma kukwaho." ³⁹ Wope u Yesu ahatamla na kubhabhuzwa, "Impapo inanjisu na iya bhuzelele yikulondola amafindango. Wope ataliko amafindango gegalifumila kukwabho loli gala amafindango aga Yona umkubhwi. ⁴⁰ Inza vwe umukubhwi Yona vyamali mkasi ya lwanda lwa swi impiti ku nsiku zitatu ubhusiku nu msanya ⁴¹ Abhantu bha Ninawi bhaliyimilila pilongolela pabhulongwa poka ni impapo iya bhantu abha nu kubhalonga. Pe loli kubhala abhazelu ku mazwi aga Yona, nu kwenya, umntu wumo umpiti kulusya u Yona aliko apa. ⁴² Malkia wa kusini alibhuha kula kubhulonzi poka na bhantu bha mpapo ino nunkushilonga. Ahinza kufuma kumpelela ya pansi ukwinza kwivwa injele ya Selemani, nu kwenya, umntu wumo umpiti kulusya u Selemani alipo apa. ⁴³ Ahabhalilo impep inkandamanu lweyikufuma umntu, yikujendaga pala pepatali na manzi yikulondola apakutuzya, loli atakupenya ⁴⁴ Loli likuyanganga, 'ndigaluha kula kunyumba yane yenafumile,' Lwakupwanila ahaga ila inyumba yijenzite nu lutanzi. ⁴⁵ Pakubhalaga na kuzinyetula zya mwabho impepo imbibhi saba zye mbibhi inkani kulusya uwene, zikwinza kutendama zyonti pepala. Pe vwamamile ulwakupelela akubha mubhibhi kulusya ulwandilo. Loli vwe kuyima kumpapo ino iya bhibhi. ⁴⁶ Ahabhalilo u Yesu pa ahayangaga ni puga yenya, umayiyi wakwe nu abhajenzi bhakwe bhahimilila panzi, akulindola kwizya nawo. ⁴⁷ U mntu woka ahamubhuzya, "Yenya umayi waho na bhajenzi bhaho bhimiliye panzi, bhakulondola kuyanga niwe". ⁴⁸ Wope u Yesu ahatamla nu kubhabhuzya wayinzile kubhuzya, "Umayi uwane wu nanu? Nabhajenzi bhane na abha nanu?'' ⁴⁹ Wope ahagolosya inyobhe yakwe kubhasundikwa nu kuyanga,'' Yenya, abha na bhamayi nu bhajenzi! ⁵⁰ loli kwa kula wowonti wakubhomba imbombo iya Tata wane walikumwanya, umntu unu wewe mjenzi wane, udada wane nu mayi wane".