¹ Ayanzile lelo u Yesu kumala kubhalingan'wa abhasundikwa bhwakwe ishumi na bhabhili ahepa pala nu kubhala kulumbilila mnkaya zyabho, ² Nu Yohani lyali mnyumba iya bhaminyororo lya yivywa pali pamwanya pambombo zya Kristu, ahalema kuti kujendelela mubhasundikwa bhakwe, ³ Pe bhahamubhuzya, "Iwewewula wakwinza, pamo alipo uwamwabho wetukunziwa kumugulilila?" ⁴ U Yesu ahatamla na kuyanga kwabho"Songolaji mumubhuzye u Yohani gala gemkugenya nagala ge mkwivwa. ⁵ Abhantu abhatonko bhakwenya bhebhalemaye bhatakujenda, abhamaketa bhakupola, abhantu bhebhatakwivwa bhakwivwa habhili, abhantu bhebhafuye bhakuzyuha nukubha bhapuma, na bhantu abhapotwe bhakubhabhuzya inongwa inyinza. ⁶ Na msangalusu we atakuzyaga nazimo izyakumwanza mumwane ine. ⁷ Habhalilo abhantu abha bhefile, u Yesu ahapapwa nukuyanga ni mpuga iya Yohani, "shono she mwamile kwenya palugwa__ itete lye likuyingana nimpepo? ⁸ Loli shoni she mwabhazile kwenya__umntu wa zwaye amenda amtikimizu? Bhakujenda mnyumba zya bhamwene. ⁹ Loli mwefile kwenya ishoni- Mkubhwi? Ii, nabhabhuzya, na abhamwabho abhamkwubhwi. ¹⁰ Uyo wa ahasimba., 'Yenya, kukutumila uhabhizyawane pilongolela paminso gaho, wekuta gombe idala lyaho pilongolela lyaho. ¹¹ Ine nkubhabhuzya ubhwanalyoli, pabhala bhebhapafwilwe nabhantanda atalipo wemupiti ukulusya u Yohani uwalyozyo. Loli wemunsi kubhumwene bhwakumwanya wemupiti kushila uyo. ¹² Kufuma isiku izya Yohani Uwalyozyo mpaka ishi, ubhumwene bhwakumwanya bhwa maha, nabhantu abhamaha, bhakubhunyetula kumaha. ¹³ Pakuti abhakubhwi ni nkomelezyo, ikamelcuwa nakuzyenya mpaka kwa Yohani. ¹⁴ Zyope inga mkwitiha, uno wewu Eliya, wula wakwinza. ¹⁵ Wali namakutwi agakwivwa pe ayivwe. ¹⁶ Inkolyane nishoni impampo ino? Shifwani isha bhana bhebha kwizya ulubhazu ulwa kumnalo, bhebhakutendama nu kwitizyan'wa ¹⁷ Nu kuyanga, 'Twabhahomeye ilonji pe mtahimba. Twapezile ubhwila, pe mtahalila.' ¹⁸ Pe kuti u Yohani ahinza bila ukulya ubhugali awe kumwela ipele, napebhahayangaga, 'Alinimpepo.' ¹⁹ Umwana uwa Adamu ahinza akulya nu kumwela pe bhahayanga 'Yenya, mntu wa kulya nu kumwela, umanyani uwa kusonchezya impiya nuwa mbibhi!' loli umushinzi zikuloleha ku mbombo zyakwe.'' ²⁰ U Yesu ahanda kupilila inkaya mwimbombo zyakwe zya ajabu gegahabhombeha, Kushifukwa bhatali bhatapindusile, ²¹ Loli imwe, Kolazini, Loli imwe Bethsaida! Nkati bhebha kubhomba amapiti gangabhombeha Tiro na Sidoni gala gegahabhombeha apa, bhangebha bhazelu abhamandi ku zwala amafuku na kubhapaha amalota. ²² Ilelo yiliyima kujimba kwa Tiro nu Sidoni isiku ilya kulongwa kuliko kukwabho. ²³ Nawe, Kapernaum, ukuti bhalikuzuvwa hadi kumwanya? Hagha bhalikwisya hadi pansi kubhuzimu. Inga peMusodoma ingamhabhomeha imbombo ipiti, nkati yihabhombeha kukwaho, nkeyihabha hadi ilelo. ²⁴ Ilelo nkuyanga kukwaho kuti yiliyima nyolo ku nsi ya Sodoma kumilila isiku ilya kulongwa kuliko uwene. ²⁵ Kutuma ahabhalilo hala u Yesu ahayanga, "Nkukutaniha wewe,Tata, we Mwene wa Kumwanya na Pansi, kushifukwa she ubhazyisile imbombo izi kubhanjele na kubhayebhesi, nu kugagwikula ku bhebhatali nubhusambilile, nkati bhana abhansi. ²⁶ Tata pekwekuti yihanonezya bhwebhulo paminso gabho. ²⁷ Imbombo zyonti bhampiye kukwane kufuma kwa Tata. Na ataliko wamumanyile Umwana loli Utata, na atalipo nabhumo wamumanyile Utata loli Umwana, na wowonti wu Mwana akutamani kumlolesya. ²⁸ Nzaji kukwane, imwe mwenti mwemmvunzisile nu kunyetula umzigo umumwamu, nine kuti imbatule. ²⁹ Yinjili kukwane mmanyile kufuma kukwane, kwekuti njisizye ntosite mumwoyo nu mlilwaga ulutuzyo ilya moyo ginyu. ³⁰ Kwekuti shilwani ulutunulilo lutonso wope numzigo wane mupupusu.