¹ U Yesu ahabhitizya abhasundikwa bhakwe kumi na bhabhili poka nukubhapa kwamlisya pamwanya iya mpepo inyazu, kubhahalapila nukubhashimbizya nukubhapon'wa zyozyonti zila imbina na gogonti gala amabhinu. ² Amazina aga bhantumi kumi na bhabhili geganu. Ilyabhwandilo simeoni (we bhahamwitizyaga Petro), nu Andrea umkulu wakwe, Yakobo umwana uwa Zebedayo, nu Yohani umkulu wakwe: ³ Uphilipo, nu Bartelemayo, Thomaso, nu Matayi wakusoshezya ubhushuru, Uyakobho umwa wa Alfayo, nu Tdeo, ⁴ Simoni mkananayo, nu Yuda iskariyote, waha mgalulila. ⁵ Ibha kumi na bhabhili u Yesu ahabhasontelezya. Wope ahabhabhuzya ukuti "Mtahabhale ulubhazu lwebhakutendama abhansi na mtahinjile mnkaya iya bhasamaliya. ⁶ Pe loli, mubhale kung'ozi zyezitejile izya kuhaya iya Iziraeli. ⁷ Na kwemkubhala, lumbililaji nu kuyanga, ishina mwene sha kumwanya shipalamiye.' ⁸ Bhapon'we abhantu, bhazusye abhafwe, mubhozye bhebhali na maketa na kushimbizya impepo. Mposhelepa bhulo, fumwi pabhulo. ⁹ Mtahanyatule ishipiti isha shijela, iya matundu awe mumbogolo zyinyu. ¹⁰ Utanyetule ichola ukushula kwinyu, au amenda aga palubhazu, ivilyatu au indisa, kwekuti uwa mbombo akwanza ishkulya shakwe. ¹¹ Inkaya yoyonti au ulubhazu lwemwinjila, mumwanze we akwanzibhwa na mtendame ipo hadi ingepemwepa. ¹² Inga pe mwinjila mnyumba mlamshe, ¹³ inga inyumba yikwanzibhwa, umtende winyu wusyale ipo, loli inga inyumba yitakwanzibhwa, umtende winyu wepe poka nimwe. ¹⁴ Nukubhala bhebhatakuposhela imwe awe kubhatejelezya amazwi ginyu, lwe mkwepa pa nyumba au inkaya iyo, mzyefwe insutuo izya nyayo zyinyu pe muli apo. ¹⁵ Nalyoli nkubhabhuzya, yilibha ya kulusya inkani inkaya iya Sodoma ni Gomorah isiku ilya kulongwa kushila insi iyo. ¹⁶ Yenyi, nkubhalajizya ngati ng'onzi pakasi ya mbwa inkali, pe mubhe mwe bhanjele ngati njoha impole ngati nkunda. ¹⁷ Mubhe mwe bhakwenya abhantu, bhalibhatwala ku nongwa, na bhalibhahoma muvibhanza. ¹⁸ Na bhalibhaleta pilongolela lya bhasongo abhamwene kujulu yane, ngati lusubhalizyo kukwabho na kubhansi. ¹⁹ Lwe bhakubhalonga, mtahabhe ni lyoga ilya kuti bhuli awe ishoni isha kuyanga, kwekuti ishintu isha kuyanga alibhapa kuhabhalilo iha. ²⁰ Kwekuti temwemwe mwemliyanga, loli Umupepeo wa Tata winyu aliyanga mkasi yinyu. ²¹ Umujenzi alimhalalila umujenzi wakwe kumugoga, na tata ku mwana wakwe. Abhana bhalihalala inkani ya bhatata, nu kubhasababisya ifwa. ²² Nimwe mlihalalilwa nu kilia mntu kushifukwa shi zina lyane,Lole wowonti wajimbilila pa bhumalilo umntu uyo alibha nulwitiho. ²³ Pe lwe bhakubhayivywa umu mnsi ino, mshimbilile munsi iyamwabho, nalyoli nkubhabhuzya, temhabhale munsi zyonti izya ku Iziraeli lwe umwana wa Adamu ashili kugaluha. ²⁴ Umsundikwa te wusongo kulusya umanyinsi wakwe, au amubhuzya alipamwanya ya Tata wakwe. ²⁵ Yikukwilana kwa msundikwa kuti abhe ngati wumumanyinsi wakwe, nuwambombo kwa Tata wakwe. Inga bhamwisite Tata uwa nkaya Belzabuli, yilibha inzabhuli vwebhalibhakanusya abha nkaya yakwe! ²⁶ Ubhwo lelo mtahapasye abhene, kwekuti tekuhabhe izwi lyete lihabhe pabhuzelu, na litaliko lyelivwamile lyete lihamanyisye. ²⁷ Shila shenkubhabhuzya kushisi, mshiyanje pabhuzelu, na shemkushivwa kubhutonso, mumakutwe ginyu, msimulile vwe mlipamwanya iya nkaya. ²⁸ Mtahabhogope bhala bhebhakugoga ubhililoli bhatali na maha agakugoga umwoyo. Nkandi loli, mwogope wula wa akugoga umubhili nu mwoyo kula kwi palazya. ²⁹ Je indundulu zibhili zitakukazwa ku mpiya inyinsi? pe ubhwo nawumo wangabhweza kugwa pansi bila uTata winyu kumanya. ³⁰ Loli ubhwinji wa nsisi zyinyu zihabhazwa. ³¹ Mtahabhe ni lyoga, kwekuti mlipamwanya nkani ukulusya indunduli inyinji. ³² Bhunubhwo lelo kila woka weinga alamba pilongolela lya bhantu, nine bhulo ndimlamba pilongolela lya Tata wane wali kumwanya. ³³ Loli uwene weinga ankana pilongolela lya bhantu, nine bhulo ndimhana pilongolela lya Tata wane wali kumwanya. ³⁴ Mtahasibhe ukuti ninzile kuleta umtende pansi. Ntahinza kuleta umtende, loli impalala. ³⁵ Kwekuti nkinza kumleta umntu ahanane nutata wakwe, nu mlindu nu mayi wakwe, numkolima nu mayivwala wakwe. ³⁶ Umlwani wa mntu akubha wa pahaya yakwe. ³⁷ Wula we amganile utata awe umayi inkani ukulusya ine uyo atakwanzibhwa. Uwene we tahapimbe ishihobhenkan'wo nu kundandata ine atakwanzibhwa. ³⁸ Uwene we ingandondola ubhwihalo aalibhutezya. ³⁹ Loli uwene we ingatezya ubhwihalo kujulu yane alibhwaga. ⁴⁰ Uwene weingabhitiha anitoha nene, nuwene we anitiha ine lwe amwitiha wahandajizya ine. ⁴¹ Nuwene wa mwitiha umkubhwi aliposhela ubhwinza bhwa mkubhwi. Nuwene ingawamwitha uwanalyoli aliposhela ubhwinza ubhwa mntu uwa nalyoli. ⁴² Wowonti ngawampa woka wa bhana abha, ingashikombe ihsa minzi gakumwela amahata, pe shifukwa uwene umsundikwa, nalyoli nkubhabhuzya, uwene atangabhwezya kukosa kwidala lyolyonti ubhwinza bhwakwe."