¹ Pelelo, yikwanzibhwa kushebha ibga kuti pakasi papitu atahabhe inga woka weangaloleha kupotwa kufishila indajizyo izya shima izya kwinjila kutuzya kwa Mulungu. ² Pakuti tuli na mazwi aminza agakuyanjila kutuzya kwa Mulungu lyelihayangwa kukwitu ngati Bhaiziraeli vwali nayo, loli amazwi igo gatahabhavwa bhala bhe bhahivwa bhatahahomanwa ulwitiho kwilo. ³ Kwitwe, twetumwitisile-iswe twe tulimubhala bhebhaliyinjila mulila ilya kutuzya, ngati zwezikuyangwa, "Ngati vwenkalapa kushilaha shane, bhataliyinjla kutuzya kukwane." Ahayanga ili, pope she imbombo zyonti zyagomvile zyayanine kufuma kwekubhwandilo bhwa nsi. ⁴ Pakuti ahayanga kumo kuyanga isiku lya saba, "Umulungu ahatuzya isiku lya saba mubombo zyonti zya ahabhombaga." ⁵ Habhili ahayanga, "Bhataliyinjila kutuzya kukwane." ⁶ Pelelo sheshilipo kufuma kutuzya kwa Mulungu kushili kwe kusengulwa kubhamo kwinjila, kufuma Kubhaiziraeli abbhinji bhebhahivwa amazwi aminza gegakuyangwa kutuzya kukwakwe bhatahinjila pakuti bhataha shindihaga, ⁷ Umulungu ahabhiha isiku limo, lwebhakuti "Ilelo." Uwene ahonjezya isiku ili lwe atuzyaga kujendelela kwa Daudi, weahayanga kuhabhalilo ahatali kugala gegahayangwa ulwabhwandilo, ilelo ingamukwivwa izwi lyakwe, mutahagabhombaje amoyo ginyu kubha magomo." ⁸ Shoni ngati Uyoshuwa ahabhapa kutuzya, Umulungu nkatahayanga isiku ilinji. ⁹ Pe lelo kushili kuli ni sabata iyakutuzya yeyihasengulwa kubhantu bha Mulungu. ¹⁰ She bhakwinjila kutuzya kwa Mulungu uwene wuyo atuzizye kufumila ni mbobo zyakwe, ngati wu Mulungu vwaahabhomba kwa wuyo. ¹¹ Pelelo tubhe nu mwoyo wakwinjila kutuzya, inga kutiatabhe weaguye mumadala gabhunanjisu bhwebhabhomvile. ¹² Pe lelo izwi lya Mulungu lipuma na lilina maha na habhili lili nubhuhali kulusya ubhuhozo bhwobhwonti kubhu hali kubhili. Nakulasa paka kugabhanya ivipusa nu bhufinjile, na vwevili mumubhili kujendelela uboho. Ni lyakumanya insi bhozya amoyo na shukusibha insibho yakwe. ¹³ Nashimo sheshihapelwa sheshihavwama paminso ga Mulungu pelelo sheshilipo kila shintu shikuloleha pabhwazi kuminso gawokwe we kila muntu ykwanzibhwa kufumwa izyakubhelenga. ¹⁴ Kuhabhalilo hamo kubhanu mupiti wa shiputo wahinjila kumwanya, Uyesu Mwana wa Mulungu, kubhwanalyoli tulemelele ulwitiho lwitu. ¹⁵ Pakuti tutali mumupiti wa shiputo weatangabhwezya kusibha ubhwila panongwa ya bhudedebhazu bhwitu, loli uwene wekumadala gonti amali wa kulingwa ngati twetwe, loli kwa wula watali ni mbibhi. ¹⁶ Natwinze kumaha kushitengo isha shima ashabhwila, ingakuti tuposhele ubhwila na kubhwaga ubhwila ubhwakutwavwa kuhabhalilo ha kwanza.