¹ Pelelo, bhajenzi bhafinjile, mwetulipoka bha twisite bha kumwanya, mumusibhaje Uyesu, umupositili nu mubhomvi umupiti wakwitiha kukwitu. ² Amali wanalyoli kwa Mulungu wahamusebha ngati, wu Musa vya mali wanalyoli habhili munyumba yonti ya Mulungu. ³ Kwekuti Uyesu bhahamubhazya kubhwa numushinzi umupiti kushila wamali nawo Umusa pakuti wula wa kuzenga kuzenga inyumba bhakumubhazya kuti alinumushinzi umupiti kushila inyumba yiyo. ⁴ Pakuti kila nyumba yikuzengwa nu muntu wumo, loli wula wakuzenga kila shintu wu Mulungu. ⁵ Nalyoli Umusa amali wanalyoli ngati mubhomvi wa Mulungu panyumba yonti iya Mulungu, akuyanga isimishizyo kumazwi gegaliyangwa kuhabhalilo hehakwinza. ⁶ Loli Ukiristu Mwana ku kwenyelezya ukwa nyumba ya Mulungu. Itwe twe nyumba yakwe inga tukulemelelana nalubhilo ku kuyaminiyana nu mushinzi wakuyamini. ⁷ Pelelo, ngati wu Mupepo Umufinjile vya kuyanga, "Ilelo, inga ukwivya izwi lyakwe, ⁸ Utahabhubhishe umwoyo waho kubha mugomo ngati Bhaiziraeli vwe bhahabhomba kubhunanjisu kuhabhalilo hakulingwa mwa lugwa. ⁹ Ihahabhalilo he abha tata bhinyu bhahananjila pakundinjizya, na habhalilo hamaha alobaini, bhahenya imbobo zyane. ¹⁰ Pelelo ntahahobhoha ni shipapwa isho. Nkayanga, 'Bhakutega amasiku goti mumoyo gabho, nehabhili bhatamanyile amadala gane. ¹¹ Pe ngati lula vyenalafile mushilaha shane: tebhahinjile ubhwinza mumwane." ¹² Mushebhe, bhajenzi, ingakuti wutahabhe umwoyo umunanjisu uwakuto kwitiha kwa woka papitu umwoyo wewukubhala pabhutali nu Mulungu we mupuma. ¹³ Pelelo sheshilipo, mubhuzyanwaje amasiku gonti kila muntu nuwamwabho, inga pasiku zyonti munyonywe, inga pasiku papitu atahabhombe kubha mugomo wa bhushevu wa mbibhi. ¹⁴ Pakulitwe bhapoka nu Kirisitu inga tukulemana nubhwanalyoli ubhwitu kumaha kujendelela kwa huyo kufuma kubhwandilo na kubhumalilo. ¹⁵ Kuyanga kwiga yiyanjilwe,"Ilelo inga mwivwa izwi lyakwe, mutahayigombe amoyo ginyu kubha magomo, ngati Bhaiziraeli vwe bhahabhomba kuhabhalilo habhunanjisu." ¹⁶ Bhebhananu bhebhahamwivwa Umulungu nukunanjiha?Bhatali bhala bhonti kwa Musa amali kubhalongozya kufuma Kumisiri? ¹⁷ Nabhebhananu bhe Umulungu ahabhahalalila ku maha arubayini? Te poka na bhala bhebhahabhomba imbibhi, bhe amabhili gabho gafuye kahakata mulugwa? ¹⁸ Bhebhananu bhe Umulungu ahabhahalapila kuti tebhahinjile mubhwinza mumwakwe, ingate bhebhala bhebhatahamusshindiha uwene? ¹⁹ Tukwenya kuti kwinjile mubhinza mumwakwe pakuti bhatamwitisile.