¹ Pe lelo yikwanzibhwa tubhishe pilongolela nkani kugala getukugivwa, ingakuti tutahinze bhatahatugane bhe pabhutali nago. ² She apene inga indajinzo zyeziyanjilwe nuhabhizya zyanalyoli, nazye bhakunanganwa nukubhembu bhukuposhela amayimba bhwelele, ³ tungapata kupindula ingatutakusajila ubhulokole ubhu bhupiti? --ubhulokole bhwe kubhwandilo bhuhayangwa nu Mwene nu kuloleha kukwitu na bhala bhebhahivya. ⁴ Umulungu habhili ahabhulolesya kuvimanyilo, nubhusisya, nakumbombo impiti shahashaha, na mumafindango ga Umumpepo Umufinjile zyahasasya kuholana nulugano lwakwe wuyo. ⁵ Umulungu atahabhiha hansi yeyikwinza, yitu kuyanjila imbombo zyakwe, pansi pahabhizya. ⁶ Nkandi lelo, umuntu wumo ahahomeleshezya kumo uko ahati," Umuntu wunanu, pansi paka ubhwezye kumukumbuha? lumo mwana wa muntu, paka umusunje? ⁷ umuntu kuti munsi kulusya uhabhizya; umuzyisile inkiha iya bhumwene nu musinzi. (Ushindihaje:Ku mazwi iga, muhahololo iha nabhumo, "Na umubhisile pamwanya pa mbombo ya yobhe zyaho.) ⁸ Ubhusile kila shintu pansi pavinama vyakwe." Pelelo Umulungu abhisile kila shintu pansi pamuntu. Atalesile ishintu nashimoshimo sheshitsli pansi papakwe. Loli isalizi tutakwenya suti kila shitu shikubha pansi papakwe. ⁹ Pelelo loli, tumubhwenyi wahabhomba kuhabhalilo hansi pansi, kushila uhabhizya--Uyesu, wekwakugaga amayimba gakwe nu kufwa kwakwe, bhamuzwisile inkiha ya bhumwene nu mushinzi. Pelelo isalizi ku bhwila bhwa Mulungu, Uyesu abhonzile ifwa panongwa ya bhantu bhonti. ¹⁰ Yali nalyoli kuti Umulungu, pakuti kila shintu shilipokwa wuyo nakujendela kwa wuyo, yihanzibhwaga kubhaleta abhana abhinji kubhumwene, nakutiyihanzibhwaga kubhomba ushilongozi nubhulokole bhwabho kubhwanalyoli kujendela mumayimba gakwe. ¹¹ Pakuti bhonti bhabhili wula wakubhiha ahinza na bhala bhebhakubhabhiha ahinza, bhonti bhebhakufuma kushihaya yoka, Umulungu. Panongwa ino wula wakubhiha ahinza kwa Mulungu atakwenya insoni kubhita abhajenzi. ¹² Akuyanga, "Kuti njanje izina lyakwe kwa nbhajenzi wane, ndiyimba lulusya iwe kufuma mukasi ya mubhebhabhungine." ¹³ Habhili akuyanga, " Kutinitishe ku uwene." Na habhili, "Yenya, ipa nipo na abhana bha Mulungu ampiye." ¹⁴ Pelelo pakuti abhana bha Mulungu bhonti bhakubha mubhili ni bhanda, pe wope Uyesu ahalya ivintu vyevila, inga kuti kujendelela kufwa amuhantafwe wula we alimubhupiti pamwanyanya ya fwa, wewu setano. ¹⁵ Ino yali bhwebhulo inga abhasatule bhala bhonti bhe kujendela kupasya kufwa bhahatendama inkaya yabho yonti mubhuzya. ¹⁶ Pa bhwanalyoli te wuhabhizya wakubhuzya. Pelole ishe shilipo, akubhavwa abhapapwa bha Aburahamu. ¹⁷ Pelelo sheshilipo, yihanzibhwaga uwene abhe ngati mujenzi wakwe mumadala gonti, inga abhwezye kubha wa shiputo imupiti uwabhwila nubhwanalyoli kuvintu vya Mulungu ninga kuti abhe namaha aga kwefwa uluhobhoshelo lwa mbibhi zya bhantu. ¹⁸ Panongwa Uyesu wuyo ahayimba, kulingwa, alinamaha bhala bhe bhakulingwa.