¹ Ahabhalilo hehashizile Umulungu ahayanga na bhasokulu bhitu kujendelela kubhakubhwi ulwinji na kumadala aminji. ² Pelelo kumasiku iga getuli nago, Umulungu ayanzile nitwe kujendelela kwa mwana wakwe weahamubhiha kubha wakupwana ivintu vyonti na wewope kujendela kwa wuyo ahapela ni nsi. ³ Umwana wakwe bhuzelu ubhwamushinzi bhwakwe, ahayilo hakwe haho ahakupwa naho ahakwe, nawakujendelezya ivintu vyonti kwizwi ilya amaha gakwe. Pealiganwa ubhuzelu ubhwa mbibhi ahatendama pansi panyobhe iya bhumwamu uko kumwanya. ⁴ Alihinza kushila abhahabhizya, ngati vwe izina lyahaliponwa vweliliahinza nkani kushila izina lyabho. ⁵ Pe lelo kwekwahabhizya bhuli weahayanga lumo, "Iwe wemwana wane, ilelo nabha ne tata waho?" Ne habhili, "Kuti inime ne tata wakwe, wope kuti ayime mwana wane?" ⁶ Habhili, habhalilo Umulungu amulesite umupapwa uwabhwandilo pansi, akuti, "Abhahabhizya bhonti abha Mulungu yikwanzibhwa bha mupute." ⁷ Apene ilya kubhahabhizya ahati, "Uwene we akubhabhiha abhahabhizya bhakwe kubha mupepo, na bhabhomvi bhakwe kubha mili zya mwoto." ⁸ Loli kuyanga kwa mwana akuti, "Itengo lyakwe ilya bhulanzi, Umulungu, lya shima. Indisa ya bhumwene bhwaho ya bhwanalyoli. ⁹ Uganile ubhwa nalyoli na kuhalalila kunanganwa kwa nkomelezyo, pelelo Umulungu, Mulungu waho, akupasile amafuta agakuhobhoha kushila abhamwinyu." ¹⁰ Apo pabhwandilo ,Mwene, uhabhiha ulwalo ulwa pansi. Kumwanya mbombo ya nyobhe zyaho. ¹¹ Ziliyepa, loli iwe uliyendelela. Zyonti zililalan ngati menda. ¹² Ulizipintapinta ngati likoti, zyope zilichenja ngati menda. Loli iwe wewe wula, na maha gaho gatalisila." ¹³ Pelelo kwekwa habhizya woni Umulungu ahayanga ahabhalilo hohonti,"Utendame kunyobhe yane iya kundilo paka penabhabhiha hinza abha lwani bhaho kubha litengo lya vinama vyaho"? ¹⁴ Pe, abhahabhizya te mupepo zyebhazisontelezizye kubhabhombela nukubhasunga bhala bhebhalipwana ubhulokole?