¹ Peloli, ne mkungwa kujulu ya Mwene, nkubhakumbusya mujendaje ubhwanalyoli nulwitiho lwe Umulungu ahabhita. ² Mtendamaje kumushinzi umupiti nubhupole na kujimba. Mkunyatulilana kufuma mulugano. ³ Mubhombaje ukubhelana kubhusengula ubhupoka bhwa mupepo kubha mshikunjinkane isha mutende. ⁴ Kuli umubhili woka numupempo woka, ngati vye vyemwali abhisite kubha nubhwanalyoli ubhwakusubhalila kuka ukwa kwitwa kwitu. ⁵ Nu kulu Utata woka, ulwitiho lwoka, ulyozyo lwoka, ⁶ nu Mulungu woka nu Tata wabhonti. Uwene alipamwanya pa vyonti, nakuvyonti na mukasi ya mwa vyonti. ⁷ Nakila woka witu amupiye ishikunjilwa kuholana nishipimo isha shikunjilwa isha Kristu. ⁸ Ngati mazwi zyega kuyanga:"Pahasogolaga kumwanya nkani, ahabhatobhola bhwebhwe tekilwe mumayimba. Ahafuma ivikunjilwa kubhantu." ⁹ Ilyeni ilya kuti,"Ahasogola," likuti ahiha pansi palubhazu pansi na munsi? ¹⁰ Huyo wa hiha muntu webhulo weasogola kubhutali kumwanya konti. Abhabhomba bhwebhulo inga kubha kwakwe kubhe kuvintu vyonti. ¹¹ Ukristu ahafumwa ivikunjilwa ngati ivi:abhantumi, abhakubhwi, abhayyinjilisti, abhaputi, na bhasambilizi. ¹² Ahabhomba bhwebhulo kubhayananwa abhafinjile inga kubhomba imbombo iya kubhabhombela abhantu pakuzenga umubhili wa Kristu. ¹³ Akubhomba bhwebhulo itwe tufishele pabhupoka kulwitiho nulusunkanizyo ilya mwana wa Mulungu. Ukubhomba bhwebhulo ingatugome ngati bhebhala bhebhafishiye ubhukuzi bhwa Kristu. ¹⁴ Ino yeyeyila kutitahabhe nkanti bhana, bhatatudomosyaje ukunuko. Inga tutahhanyatulwe ni mpepo ya vimanyilo kubhubhibhi ubhwa bhantu nubhushevu nubhugulugulu bhwebhunanjisile. ¹⁵ Loli kwetuyanje, ubhwanalyoli kujendela mulugano na kukula inkani mumadala gonti mukasi mumwakwe we litwe, Kristu. ¹⁶ Ukristu asopenkinye , poka, umubhili wonti uwabhala bhebhitisile. Asopinkinye poka umubhili wonti inga umubhili wonti wukulile na kuzenga weka mulugano. ¹⁷ Lelo, penkuyanga ili, nakubhakumbusya kwa Tata: Mtajendaje habhili ngati bhantu bhakunzi vyebhujenda mubhuzye munjele zyabho. ¹⁸ Bhabhahomile ishisi mushibho zyabho. Bhabhashimbizizye kufuma ku bhupuma bhwa Mulungu kubhuyubhwi bhwe mukasi yabho kushifukwa sha bhugomo bhwa moyo gabho. ¹⁹ Bhatakuyivwa ni nsoni. Bhayitwaye bhubho bheka kubhubhembu ni mbombo inyazu, namwemubhupafu. ²⁰ Loli, ivi te vyemumanyiye kufuma kwa Kristu. ²¹ Nkusubhila kuti mwivuye kuhusu uwene. Nkusubhila kuti mumanyiye kuhusu uwene, ngati ubhwanalyoli vyebhuli mukasi mwa Yesu. ²² Yikwanzibhwa muzule ambambo gonti gegakulingana ni njendo zyinyu izya hali, ubhuntu bhwa hali. Nu bhuntu ubhwa hali bhwebhubhozile kushifukwa sha shinyonywa ishamalenga. ²³ Zulaji ubhuntu bhwinyu ubhwahali inga mgombeshe ubhupwa mumupepo iyanjele zyitu. ²⁴ Bhomaji bhwebhulo inga muzwale ubhuntu ubhupwa, bhwebhukusogolena nu Mulungu. Bhupezilwe kubhwanalyoli nubhuzelu ubhwanalyoli. ²⁵ Pe lelo, bhiha apatali ubhwamalenga. "Yangaji ubhwanalyoli, kila woka nu jilani wakwe,"Pakuti twe bhapoka kila muntu nuwamwabho. ²⁶ Mubhe ni shililaha, loli mtahabhombe imbibhi." Izubha litahaswe shemuli ni shilaha shinyu. ²⁷ Mutahamupe umukolanzi ubhuzilo. ²⁸ Wowonti wakwibha atahibhe habhili. Loli yikwanzibhwa abhombaje imbombo. Abhombaje imbombo yeyikumwavwa kunyobhe yakwe, inga amwavye umuntu wali ni ntamwo. ²⁹ Injango imbibhi yitahafume mwilomo lyinyu. Loli lyakwe, amazwi gafume mwilomo lyinyu gegahongeye ku bhebhakwanza, kubhapa ishamwabho bhala bhebhakwivya. ³⁰ Mutamubhinwaje Umupepo Umufinjile wa Mulungu. Nukuwuyo abhabhishiye ishimanyilo kujulu ya kwisiku lya kuponwa. ³¹ Habhili yikwanzibhwa mubhishe kubhutali ubhuhali bhonti, nimbuchilano, umulaha , ulwisi, ni ndigo, poka nubhubhibhi bhwonti. Mubhanje mwebhinza imwe kwi mwe. ³² Mubhe nu Bhwila. Muhobhoshelanaje imwe kwi mwe, nkati bhula Umulungu kwa Kristu inzavyeahabhahobhoshela imwe.