¹ Zye kuti, Paulo, ne mkunjilwa wa Yesu Kiristu kujulu yinyu Munsii. ² Nkuti mwivuye pamwanya pa bhwila bhwa Mulungu wampiye kujulu yinyu. ³ Nkubhandishila kufuma na vyungubutuliye vyeshili kungubutulila kukwane. ⁴ Ubhu bhwanalyoli bhwebhusimbilwe kubhufupi mwakalata uwamwabho. Mwe ngaukubhazya ubhu haya, kutumanye injele yane kubhwanalyoli ubhu bhwebhuvyamile munongwa zya Kirisitu. ⁵ Ku mpapo izinji ubhwanalyoli ubhu bhutahabhombeha kuti bhumanyishe kubha bhantu. Loli kusalizi bhuli pabhuzelu Kumupepo uwa Bhantumi bhebhahamugabha nabha Kubhwi. ⁶ Ubhunalyoli ubhubhwebhuvyamile kwekuti abhantu bhapanzi bhalipoka nitwe nabhafinjile bhetuli poka mumubhili. Bhalipoka nubhupoka ubhwashipwano isha Kirisitu Uyesu kujendela mwizwi. ⁷ Nakwili nabhombeha mubhomvi kushila she bhapiye kubhwila bhwa Mulungu bhwebhufumile kukwane kujendela kubhombela kumaha gakwe. ⁸ Umulungu ahafumwa ishakumupa kuwane, inga waje ine ne munsi kubhala bhebhahagabha kumubhombela Umulungu.Shamupiye ishi yikwanzibhwa kubhabhuzya abhapanzi izwi lyelili nubhudumbwe bhwebhutakumanyinkana ubhwa Kirisitu. ⁹ Yikwnzibhwa kubhahozezya abhantu bhonti kuti shoni sheshikwanziwa insibho zya Mulungu zyezivwamile. Izi sibho zyezyali zyamile kumaha aminji gegahashila, nu Mulungu waha vipela ivintu vyonti. ¹⁰ Ino yali kuti, Kujendela Kushibhanza, bhalongozi na bhahombe kumwanya bhamanye ulubhazu ulwinji ulwa bhuntu ulwa mshinzi wa Mulungu. ¹¹ Inga nkegafumila kujendela insibho izya shima bhwebhuhagombwa mkasi mwa Kristu Yesu Mwene witu. ¹² Pakuti mwa Kristu tulinubhuhobhoshelo namaha agakwinjila nakuhobhoha nulwitiho ulwitu kukwakwe. ¹³ Habhili nkubhalabha mutahatapaje kumayimba gane kukwinyu ine. Iga mshinzi kukwinyu . ¹⁴ Kushifukwa shili nkusugamila kwa Tata. ¹⁵ We kuwuyo kila nkaya kumwanya na pamwanya na pamwanya pansi bhakwitizya izina. ¹⁶ Nkulabha kuti abhapanje amaha, abhangombe hinza kumaha kujendela Mwamupepo wakwe, wali mkasi mumwinyu. ¹⁷ Nkubhalabha kuti Ukiristu atendime mkasi mumwoyo ginyu kujendela mulwitiho. ¹⁸ Nkulabha kuti mubhe mubheshinkamizya nulugano lwakwe. Mubhe mulugano lwakwe inga mumanye, poka na bhala bhebhitisile, vyevyili ubhupapa, nubhutali muvizwi na mubhutununsu ubhwa lugano lwa Kristu. ¹⁹ Nkulabha kuti mumanye ubhupiti mulugano lwa Kristu, bhwebhuposite injele. Mubhombe aga inga mwizule nubhwanalyoli bhonti ubhwa Mulungu. ²⁰ Habhili kukwakwe ghuyu abhwezizye kubhomba kila mbombo, kushilaga gonti getukuputa nage nagetukusibha, kujendela amaha gakwe gega kubhomba imbombo mkasi mumwitu, ²¹ kukwakwe bhuyo kubhe mushinzi mukasi mwipenga na kujenda kwa Kristu Uyesu ku pampo zyonti shima na shima. Amina.