¹ Ngati lwelula lwetwafuye mumakosa ni mbibhi zyinyu. ² Yamile kwiga kuti ulwabhwndilo ahansi ino. Mhajendanga kulandata usongo wabho numhata kumwanya. Ino ye mpepo yakwe wula wa kubhomba imbombo mubhana bhebhakubhomba habhibhi. ³ Itwe twenti kubhwandilo twali mumwabho mubhala bhebhatakumwitiha tuhambombaga nivinyonywa ivibhibhi ivyamubhili witu. Tuhabhomboga ulugano ulwa mabhili nakwelebhwa kwitu. Twali bhana muhaya bhana bhamayimba ngati bhanji. ⁴ Loli Umulungu mwinji wabhila pakuti lwakwe ulupiti lwe ahatugana itwe. ⁵ Te twali twe bhafye kumbhibhi zyitu atuleta poka nunkaya ipya mkasi mwa Kristu. Kwekubhwila kuti mposilwe. ⁶ Umulungu ahatuzusya poka nakutubhomba kutendama poka pankaya iya kumwanya mkasi mwa Kristu Yesu. ⁷ Abhabhomba bhwebhulo inga habhalilo hehakwinza inga ahatulanje ubhwadumbwe ubhupiti uwabhwila bhwakwe. Atakutulolesya itwe ili kwidala ilya bhutunsu bhwakwe mkasi mwa Kristu Uyesu. ⁸ Ku bhwila mpokilwe kwidala lya lwitiho. Nino yitakufuma kukwitu. Atukunjiye we Mulungu. ⁹ Yitakufumila ni mbombo. Puuwene ahati, atahabhe inga woka uwa kuyizuvwa. ¹⁰ Pakuti itwe twenti twe mbombo ya Mulungu tupezilwe kufuma mwa Kristu Uyesu kubhimbombo inyinza. Ni mbombo izi zyu Mulungu azibhambiha kufuma hali izya hali kukwitu, angatujende kwigo. ¹¹ Pe lelo kumbuhaji kufuma hali mwali mwe bhantu bhamunsi kwidala lya mubhili. Bhakubhita "mwemtali nu bhuzelu" shila she bhakushita shibhabhoye ninyobho zya bhantu. ¹² Ahabhalilo iho bhahabhabhihaga mweka nu Kristu. Mwali mwe bhajeni kubha bhantu bha Iziraeli. Mwali bhajeni kuluho lwa ahalajizya. Mutali nubhwanalyoli ubhwa habhalilo hehakwinza. Mwali bila Mulungu munsiumu. ¹³ Loli ishi Ukristu Uyesu imwe mwe kubhwakubhwandilo mwali pabhutali nu Mulungu bhamulesite papipi nu Mulungu kwi bhanda lya Kristu. ¹⁴ Pakuti uwele we mutende witu. Ahabhabhiha bhabhili kubha woka. Kumubhili wakwe ahanangan'wa ulubhumba lwelwa tulehinywe wewatulehinywe. Ubhwo mulugu. ¹⁵ Kuti ahanangan'wa inkomelezyo nindajizyo inga apele umuntu woka umpya mkasi mumwakwe. ¹⁶ Ahabhomba umutende. Ahabhomba bhwebhulo inga kubhamanyan'wa impuga zibhili izya bhantu kubhamubhili woka kwa Mulungu kujendela kushihobhenkanyo. Kwi dala lya shihobhekanyo ahazwala ubhulugu. ¹⁷ Uyesu ahinza kuloleha umutende kukwinyu imwe mwemwamile kubhutali numutende kukwabho bhala bhebhamile papipi. ¹⁸ Peloli kwidala ilya Yesu itwe twenti bhahili tulinubhuzilo kwa Mupepo woka kwinjila kwa Tata. ¹⁹ Loli lelo, imwe bhantu bha munsi temwebhalendo na kubhajeni bhabhili. Loli mwebhajeni poka na bhala bhebhasevile kumubhombela Umulungu na bhafinyile panyumba ya Mulungu. ²⁰ Muzengilwe palwalo lwa bhapositili nabhakubhwi. Ukristu Uyesu wuyo amamile libhwe lipiti lya palubhazu. ²¹ Kukwakwe wuyo ubhuzengwe bhonti lisopenkine poka na kukula ngati nyumba ifinjile mkasi mwa Mwene. ²² Kuti mkasi mumwakwe imwe mwenti mukuzengwa poka ngati nkaya ya kutendama nu Mulungu mwabhaliye Mwamupepo.