¹ Ilelo Upeteri nu Yohani pebhahayangaga na bhantu, abhashiputo na sunga shibhaza bha tempeli na bhassadukayo bhahabhajendela. ² Bhamile bhavisitwe panongwa Upeteri nu Yohani bhamile bhahasambilizyaga abhantu izya Yesu nukuyanga pazya luzyuho lwkwe kufuma ku bhafwe. ³ Bhahamulema nukumubhiha mwijela paka inzanchi yeyihalandata, kwekuti yamile hali shamazubha. ⁴ Loli abhantu abhinji bhebhamile bhivuye amazwi bhahasubhila; nu bhwinji bhwa bhanavuli bhebhamile bhasubhiye pakubhazya ukubha 5000. ⁵ Lwe yafiha inzachi isiku lye lihalandata, ukuti abhapiti bhaho, nabhasongo na bhasimbi, poka bhahabhungana Yerusalemu. ⁶ Anasi uwashiputo umupiti amalipo, nu Kayafa, nu Yohani, nu Iskanda, na bhonti bhebhamile bhamanyani bha washiputo umupiti. ⁷ Pebhamile bhabhabhisile Peteri nu Yohani pakasi yabho, bhahabhabhuzilizya, "Ku mahagoni, pamo kwizina lyoni mubhomvile ili?" ⁸ Pe, Upeteri amamile amizuye Umupepo Umufinjile, ahati, "Imwene mwebhapiti bha bhantu, na bhasngo, ⁹ inzavwe iswe isiku lyilelo tukubhuzilizwa izya mbombo inyinza yeyibhomvilwe kumuntu uno umubhinu - muhabhele honi umuntu uno abhishilwe mulanzi? ¹⁰ Pe zimanyishe ilo kukwinyu na kubhantu bhonti mu Iziraeli, ukuti kwinzina lya Yesu Kirisitu uwa Nazareti, we muhamuyinvwa, we Umulungu ahamuzusya kufuma kubhafwe naa kwidala layakwe ukuti muntu uno ayimiliye apa pilongolela lwinyu lwe mwinza bhwelele, ¹¹ Uyesu Kirisitu lye libhwe lye imwe mwemukuzenga mwalisufizye, pelelo lye ligomvilwe ukubha libhwe lipiti lya palubhazu . ¹² Bhutalipo ubhuposhi mu bhuntu bhamo uwunji wowonti, Kwekuti kutalipo izina ilinji pansi ya mwanya ye bhahapea abhantu, lye kwilyo tubhwezizye kupunushila." ¹³ Isalizi lwe bhenya amaha ga Peteri nu Yohani, pe bhahinza bhamanya ukuti bhali bhantu bhabhwebhulo bhe bhatamanyiye, bhahasukumila, bhahamanya ukuti Upeteri nu Yohani bhali poka nu Yesu. ¹⁴ Panongwa bhahamwenya wula umuntu we aponile ayimiliye poka nabhope, bhatali ni shintu sha kuyanga mu ganaga. ¹⁵ Loli pebhamile bhayanzile hali kubhabhuzya bhapositili bhepe pilongolela lya bhantu bhashilonjilwi, bhahati bhene bhene. ¹⁶ Bhahayanga, tubhabhombe ishoni abhantu abha? Nalyoli ukuti ifindango lya shiswigo shibhombesile kujendela abhene zikumanyinkana na wonti wula weakutendama Yerusalemu; tutahondeye kulihana ilyo. ¹⁷ Pelelo, ingape lyonti ili litanyampane mukasi mubhantu, nzaga tubhahalapile bhatayanje sona kumuntu wowonti kwizina ili. ¹⁸ Bhahabhaholela Upeteri nu Yohani mukasi nukubhalajizya nalumo mutahayanje pamo kusambilizya kwizina lya Yesu. ¹⁹ Loli Upeteri nu Yohani bhahamula nu kubhabhuzya, "Inzavwe pe hinza paminso pa Mulungu kubhivwila imwe kushila Umulungu, mulongaje mwenemwe. ²⁰ She iswe tutahondeye kuziyanga zyonti zye tuzibhonyi nukuzyivwa." ²¹ Lwe bhabhahalipila inkani Upeteri nu Yohani, bhahabhaleha bhasogolaje. Bhatahondeye kuyaga inongwa yoyonti iyakubhalifwa, panongwa abhantu bhonti bhamile bhahamushindihaga Umulungu kushila sheshabhombishile. ²² Umuntu weamamile amaposheleye ifindango ukupona amali nu bhwa songo bhwa maha 40. ²³ Lwe bhabhaseshela ubhusatulwe, Peteri nu Yohani bhahinza kubhantu bhabho nukubhasambilizya gonti ge abhapiti na bhasongo ge bhahabhabhuzya. ²⁴ Lwe bhagivwa, bhahahola amazwi gabho poka kwa Mulungu nu kuyanga, "Mwene, iwe uhangomba imwanya ni nsi ni jenje ni vintu vwonti vwevili mumo, ²⁵ lwe we, ku Kumupepo Umumfinjile, kwilomo lya tata witu Daudi, mubbhomvi wabho, uhati, "Shoni abhantu abha munsi bhakusibha shaha, na bhantu bha kusibhilila abha bhibhi? ²⁶ Abhamwene bha munsi bhajipanzile poka, na bhaongozi bhabhungine poka panongwa ya Mwene nu Kirisitu wakwe." ²⁷ Pe nalyoli bhonti Uherodi nu Pontio Pilato, poka na bhantu bha munsi na bhantu bha Iziraeli, bhahabhungana poka munkaya pamwanya panongwa umubhomvi waho umufinjile Uyesu,we ahamupaha amafuta. ²⁸ Bhahabhungana poka kubhomba gonti ge inyobhe yabho nu kugana kwaho ge gahalajizya kufuma pa bhwandilo lwe gashili kwinza. ²⁹ Isalizi, Mwene, yenyelezya ulwogofwo lunyizyo lwabho, nu bhavwe abhabhomvi bhaho kuliyanga izwi lyaho kubhujimvu bhwonti. Ingape ³⁰ ukuti pekugolosya inyobhe zyaho kuponwa, ishimanyilo niviswigo vihondeye kufumila mwizina lya mubhomvi waho umufinjile Uyesy." ³¹ lwe bhamala kulabha, ubhuzilo bhwe bhabhungine poka pahayingana pebhonti bhahizizula nu Mupepo Umufinjile, pe bhahayanga izwi lya Umulungu kumaha. ³² Ubhwinji ubhupiti bhwa bhala bhebhasubhiye bhebhamile nu Moyo woka nu mupepo woka: pe atalipo imngalumo ahati ukuti shoshonti shalishakwe ishakwe wuyo; loli abhane bhamile nivintu vwonti poka. ³³ Kumaha amapiti abhabhomvi bhamile bhahaziyangaga insimishizyo zyabho izya luzyuho lwa Mwene Yesu, nu bhwila ibhupiti bhwamile papabho bhonti. ³⁴ Atalipo nu muntu wowonti mubhwabho weamasobhilwe navwevikwanzikwa panongwa abhantu bhonti bhebhamile nintope pamo ninyumba, bhahavikazya ³⁵ nu kunza nazyope nimpiya ya vintu vwebhakazizye nukuvibhiha pansi ya vinama vwa bhasundikwa. Nu kugabhana kuhabhombeha kubhonti nu musubhila, ukuyanana na wula woka weamali nu kwanza. ³⁶ Uyusufu, mulawi, umuntu kufuma Kipro, ahitizwa izina lya Barnabasi nu mubhomvi (iyo yiku galunsanwa, umwana wa lusubhizyo). ³⁷ Amamile nu mugunda, ahabhukazya peahinza ni feza, ahazibhiha pansi ya vinama vwa bhasundikwa.