¹ Isalizi Umupepo akuyanga pabhuzelu ukuti mukasi muhabhalilizyo hehakwinza bhamo mubhantu bhaliluleha ulwitiho pemubhanje bhashevu ukutejelezya impepo izuluma anamlenga nivisambilizyo zya pepo vwevilisambilizwa mubhuluma ² amalenga nu bhulumani. Insibho zyabho ziligalunkana. ³ Bhalibhahana kwega nu kuposhela ivwakulya vwe Umulungu ahavipela vibhombaje mubhusalifyo mukasi mumwabho abhasulile na bhebhabhumanyile ubhwanalyoli. ⁴ Panongwa shonti ishintu she Umulungu ashipezile sheshinza. Shitalipo shetukuposhela mulusalifwo shihondeye kuhanwa. ⁵ Panongwa shizelufizwe kujendela mwizwi lya Mulungu na mwidala lya mputo. ⁶ Inza vwe ulugabhiha ivintu ivi mwilongolela lya bhajenzi, uliyima mubhomvi umwinza wa Yesu Kirisitu. Panongwa abhugaye kwi zwi lya lwitiho na kuvsambilizyo ivwinza ge agalandite. ⁷ Loli zihanaje ivwili vwamunkaya vweviganilwe na bhantanda abhasongo. Kushila izyo, zimanyaje mwenemwe mubhuzelu. ⁸ She kuti uluzelufwo lwa mubhili lwinza hansi, loli ubhuzel lwinza inkani kuvintu vyonti. Kusengula ulufingwi kubhulanzi bhwa salizi kugala gegakwinza. ⁹ Izwi linili lwelisubhila pelihondeye kutishizwa nzila. Kwekuti panongwa ino tukuyimba nukumbomba imbombo kumaha nkani. ¹⁰ Kwekuti tulinabhwope ubhujimvu mwa Mulungu we mulanzi, we muposhe wa bhantu bhonti, loli nkani ku bhasubhile. ¹¹ Ugayanje nu kusambilizya ivintu ivi. ¹² Umuntu wowonti atahasufwe ubhulumendo bhwaho. Loli uwene, abhanje shiimanyilo ku bhonti abhasubhile, mu bhuyanzi, mulujendo, ulugano, ubhusubhalilwa, nau bhuzelu. ¹³ Paka pe ndiliyinza, shima mukubhazya, mu kuhalipila, na mukusambilizya. ¹⁴ Utayisufwaje ishabhwila sheshili mukasi yaho, ye uhapewa kujendela kubhukubhwi, ukubhishilwa inyobhe na bhasongo. ¹⁵ Agasunjilile ivintu ivi. Atendamaje mwiga inga pe ukukula kwaho kubhe pabhuzelu kubhantu bhonti. Uyenyelezye nkani ulujendo lwaho ni visambilizyo. ¹⁶ Utendamaje mu vintu ivi. Shekuti kubhomba bhwebhulo uliyipoha weka na bhala bhe bhakukutejelezya .