¹ Pe lwe, kuti tutahabhezyaga kujimbilila nkani, tuhasibha kuti yamile hinza kusyala kula ku Asene tweka. ² Tuhamulajizya Utimosebho, umujenzi witu numubhomvi wa Mulungu ukulumbilila ukwa Kristu, kubhagomwa nu kubhasubhalizya kubhapoka nu lwitiho lwinyu. ³ Tuhabhomba iga ili kuti atahabhe wowonti uwakuyigana kufuma kumayimba aga, kwekuti abhene bhamanyile kuti twasila kushila kujulu iyili ⁴ Pe nalyoli, ahabhalilo hetwali poka nimwe, tuhalongolela kubhabhuzya ukuti twamile pappipi kugaga amayimba, nigo gahafumila inza vwemumanyile. ⁵ Kushifukwa ishi, pentahabhwezyaga kujimbilila habhili, nkalajizya umwenzo ingamupate kumanya ukwa lwitiho lwinyu. Ungaga uwakuyezya alipashi ukubhayezya, nimbombo yitu yihabha pepa bhulo. ⁶ Loli Utimosebho ahinza kukwitu kufuma kukwinyu nukutuletela amazwi aminza kufuma kulwitiho ni shikunzi shinyu. Ahatubhuzya ukuti mulininkumbusyo inyinza kukwitu, nu kuti mukunyonywa ukutwenya ngati inzavwenitwe tukunyonywa kubhenya imwe. ⁷ Kushifukwa ishi, mujenzi tuhahobhoha nkani ni mwe kushifukwa isha lwitiho lwinyu, muntamwo na mayimba gitu gonti. ⁸ Kusalizi tukutendama, inga mwimilila ubhwanalyoli kwa Mwene, ⁹ Pe kusalifwa, koni tumupe Umulungu kujulu yinyu, ukuhobhoha konti kwetulinako pilongolela ilya Mulungu kulimwe? ¹⁰ Tukuputa inkani ubhusiku nu musanya inga tubhwezye kuvwenya ivwene vwinyu nukubhonjelezya sheshisizile mulwitiho lwinyu. ¹¹ Umulungu witu nu Tata wuyu, nu Mwene witu Yesu atulongozye idala lyitu tufishe kukwinyu. ¹² Nu Mwene abhabhishe mwonjele nu konjela mulugano, ingamwaganana nukubhagana abhantu bhonti, inza vwetukubhabhombela imwe. ¹³ Pe abhombe ubhu inga kugomba amoyo ginyu gatahabhe ni ndumbuzyo mubhuzelu pilongolela ilya Mulungu witu nu Tata witu nu kwinza ukwa Mwene Uyesu poka na bhazelu bhakwe bhonti.