¹ Kwekuti mwemwe mweka mumanyile, kuti kwinzakwitu kukwinyu tekuhabhe kwabhulo. ² Mumanyilekuti kubhwandilo tuhayimba nukutuyinvya ukwansoni kula kufilipi, inzavwemumanyile. Twalinamaha aga Mulungu kuyanga ubhulumbilizi ubha Mulungu pope namumayimba aminji. ³ Kwekuti ukuyanga kwitu kutakufuma nu bhubhibhi, awe mubhu nyazu, awe ukuhalala. ⁴ Pelwe, ngatilula vwetisile nu Numulungu nukitiha ukulumbilila, ubho vwetukuyanga. Tukuyanga, tekwekubhahobhosya abhatu, lolikumuhobhosya Umulungu. Uwene weka weakwenya amoyogitu. ⁵ Kwekuti tuhabhombela amazwi aga kuyipalamizya ahabhalilo hohonti, inza vwemumanyile, loutahabhombele amazwi ngati kulumailenga ukwashinyonywa, Umulungu wushaiyidi witu. ⁶ Awe tutahanza ubhuzelu kubhatu, awe kufuma kukwinyu, awe kubhanji. Ngetungabhwenzya kubhadayi kugan'wa ngati bhantumi bha Kirisitu. ⁷ Pe tuhinza twabha twebhatonsu pakasi yinyu ngati wu mayi vweakubha subhila abhana bhakwe weka. ⁸ Kwidala ili twali nulugano kukwinyu. Twali tayali kubhabhuzya te kumazwi ga Mulungu geka loli naga munkaya zyitu twetwe. Mwabhwa mwebhasundikwa bhitu. ⁹ Kwekuti bhajenzi, mkukumbuha imbombo na mayimba gitu. Ubhusiku nu musanya tuhabhombaga imbombo ili tutahinze tumutamwe wowonti. Ahabhalilo aho, tuhabhalumbilila amazwi aga Mulungu. ¹⁰ Imwe mwe bhasimishizyi, nu Mulungu wope, kweku bhuzelu ubhwa lidala lyoni, ubhwanalyoli, na tekuyangana vwefuhabhala twetwe pilongolela lyinyu memwitisile. ¹¹ Ubhwo bhunubhwo, mmanyile kwe kwidala lyoni ukwakila woka winyu, ngati watata vwali kubhana bhakwe vwetuhabhachukumizya nukubhagomwa umwoyo. Tuhasimishizya ¹² Kuti muhazibhwaga kujenda inza vweluli ulwitiho lwinyu kwa Mulungu, wahabhitizya kushina mwene nubhuzelu bhwakwe. ¹³ Kushifukwa isho tukumsalifwa Umulungu pope kila habhalilo. Kwekuti ahabhalilo he mwaposhela kufuma kukwitu amazwi ilya ga Mulungu gemuhivwa, muhaposhela te ngati lizwi ilya bhantu. Loli pe, muhaposhela ngati inalyoli vweyili, izwi lya Mulungu. Lwe lizwi ili lye likubhomba imbombo pakasi yinyu mwemwitisile. ¹⁴ Kubhwo imwe, bhanwitu, mubhe mwebhantu abha kwejelela ivipanga ivwa Mulungu gegali ku Bhayahudi ku Kristu Yesu. Kwekuti nimwe bhulo muhayimba mumbombo zyezila kufuma kubhantu bhinyu, inza vwezyali kufuma kubhayahudi. ¹⁵ Bhali Bhayahudi bhe bhahamugoga Umwene Uyesu poka na bhakubhwi. Bhebha Yahudi bhebhatushimbizya kufuma panzi. Bhatakumuhobhosya Umulungu pe bhalwani kubhantu bhonti. ¹⁶ Bhahatudindila tutahayanje na bhansi inga bhabhe nulwitiho. Sheshihinza shafuma kwekuti bhakwendlela ni mbibhi zyabho. Pa misho ukuhalala kunzile papabho. ¹⁷ Itwe, bhamwitu, twalehnile nimwe kuhabhalilo ahansi, kumubhili, tekwekumwoyo.Tuhabhomba kumaha gitu nukugana ukwa mwanya kwenya ivweni vwinyu. ¹⁸ Pekuti twaganile kwinza kukwinyu, ine ne Pauli, kubha lyoka nu lwa mwabho, loli umukwalanzi ahatudinda. ¹⁹ Kwekuti kuyamini kwitu shoni kushamandi, awe luseshelo, awe ubhuzelu ubhwa kuyila pilongolela ilya Mwene witu Uyesu ahabhalilo aha kwinza kukwakwe? Pe te imwe nkani ngati uwe bhali abhanji? ²⁰ Kwekuti imwe mwe bhinza nuluseshelo lwitu.