¹ Yeyisyaye, bhajenzi, tukubhagomwa umwoyo nukubhabhuzya ukwa Yesu Kristu. Inza muhaposhela indajizyo kufuma kukwitu inzavweyikubhanza kubhala nu kumuhondela Umulungu, kwidala ilyo lyope mubhale nu kubhomba nkani. ² Kwekuti mumanyile ndajizyo zyoni zyetuhabhapa kujendela kw Mwene Uyesu. ³ Kwekuti ishi she shikunzi sha Mulungu: ubhuzelu bhwinyu- kuti mzileshe imbibhi, ⁴ Kuti kila woka winyu amanyile idala ilya kubha numushi wakwe weka mu bhuzelu nu mushinzi. ⁵ Utahabhe nu mwantanda kujulu iya shinyonywa isha kumubhili (Ngati bhansi bhebhatamumanyile Umulungu). ⁶ Atahabhe umuntu wowonti wealishizan'wa apakufiha nukumunanjila umunine wakwe kujulu iyi izwi ili. Kwekuti Umwene uwene weakutabhuzya ishisasi kumbombo zyonti izi, inza vwetuhalongolela kubhasoha nu kubha simishizya. ⁷ Kwekuti Umwene atahatwita kubhunyazu, loli kubhazelu. ⁸ Pe bhwo wakulihana ili atakubha hana ahbantu, loli akumuhana Umulungu, wakubhapa Umupepo Umufinjile uwakwe. ⁹ Izwi lyalugano bhwabhajenzi, kutalinukuti umuntu wowonti kukusimbila, kwekuti mumanyizwe nu Mulungu kuganana imwa kulimwe. ¹⁰ Nalyoli, muhabhomba ago gonti kubhajeni bhebhali Kumakedoniya yonti, loli tukubhabhuzya, abhajenzi, mubhombe popenkani. ¹¹ Tukubhabhuzya muyonywe ukutendama munkaya iyamtende, kusajila imbombo zyinyu nukubhomba imbombo kunyobhe zwinyu, izyavwetuhabhazya. ¹² Bhombaji iliubhwezye kubhala hinza nukwamshinzi kwibho bhebhali kunzi iyalwitiho, ingautahayimbe kulyolyonti ¹³ Tutakwanza imwe mwelebhwe inzavweyitakwanzibhwa, imwe mwebhajenzi, kwibho bhebhakasite, inga mutahinze muyipinwe inzabhamwabho bhebhatali nubhwanalyoli mubhumalilo bhwebhukwinza. ¹⁴ Ingatukwitiha kti Uyesu ahafwa nukuzyuha habhili, ubhwo bhunubhwo Umulungu alibhaleta poka nu Yesu abho bhebhahakata mufwa iya wuyo. ¹⁵ Kujulu iyigo tukubhabhuzya imwe kwizwi ilya Mwene, kuti itwe twetuli nubhupuma, twetulibha ahabhalilo aha kwinza kwakwe Umwene, Nalyoli tetuhabhalongolele bhala bhebhahafwa. ¹⁶ Kwekuti Umwene wuyo aliyiha kufuma kumwanya. Aliyinza nizwi lya pamwanya, poka nizwi ilya mukubhwi usongo, poka nubhumalo ubhwa Mulungu, bhope bhebhahafwa mubhwanalyoli bhalizyuha suti. ¹⁷ Pe itwe twetwebhapuma, twetusyaye, tulibhungana mumabhingu poka nabho kuhomana nu Mwene mumwanya. Kwidala ili tulibha nu Mwene insiku zyonti. ¹⁸ Pe ubhwo, musubhalizanwe imwe kulimwe ku mazwi ago.