¹ Bhankundwa, mutasubhilaje zyonti impepo, loli muyezyaje impepo mwenye inzavwe zikufuma nu Mulungu, panongwa ahakubhwi abhinji abhamalenga bhafumile munsi. ² Kwi lii mulimanya impepo zya Mulungu - yonti umupepo we akwitinkana ukuti Uyesu Kirisitu ayinzile mubhili ya Mulungu, ³ pe yonti impepo yeyitakwitinkana Uyesu te wa Mulungu. Ino ye mpepo ya muhana kirisitu, ni salizi yinzile yili munsi. ⁴ Imwe mwe bha Mulungu, bhana abhakundwa, pe mushile mubhaposite panongwa uwene ali mukasi yinu mupiti kushila uwene ali munsi. ⁵ Abhene bha munsi, pe bhwebhulo she bhakushiyanga she sha munsi, pe insii yikubhajezya. ⁶ Iswe swe bha Mulungu. Uwene umumanyile Umulungu akutwivilizya iswe. Uwene wete wa Mulungu atangatutejelezya. Mukasi mwi lii tumumanyile Umupepo wa nalyoli nu mupepo wa malenga. ⁷ Bhakundwa, tuganane sweswe sweka, kwekuti ulugano lwa Mulungu, na bhonti akugana apafilwe nu Mulungu nukumumanya Umulungu. ⁸ Uwene atakumugana atamumanyile Umulungu, panongwa Umulungu wa lugano ⁹ Mukasi mwi lii lugano lwa Mulungu luhabhumbukwa mukasi yitu, ukuti Umulungu ahamusontelezya Umwana wakwe weka umunsi ingape ingatutendamaje ukujendela muwuyo. ¹⁰ Mukasi mwi lii ulugano, te kuti tuhamugana Umulungu, loli uwene ahatugana, pe ahamusontelezya umwanawakwe abhe shilipwa sha mbibhi zyitu. ¹¹ Bhaganwa, penga Umulungu amatuganile iswe bhwebhwebhulo tuhondeye kuganana sweswe sweka. ¹² Atalipo nawoka weahamwenya Umulungu. Inzavwe tukuganana sweswe sweka kukwitu iswe,Umulungu akutendama mukasi yitu. ¹³ Mukasi mwi lii tumanyile ukuti tukutendama mukasi yakwe na wope mukasi yitu, panongwa atupiye Umupepo wakwe. ¹⁴ Pe twenyizye nu kusimishizya ukuti Utata atutumile Umwana ukuti muposhi wa munsii ¹⁵ Wonti akwitiha ukuti Uyesu we mwana wa Mulungu, Umulungu akutenda mukasi yakwe na wope mukasi ya Mulungu. ¹⁶ Pe tumanyile nukusubhila ulugano lwe alinawope Umulungu mukasi yitu. Umulungu we lugano, na wope akutendama mukasi ya lugano lukutendama mukasi ya Mulungu, nu Mulungu ahatendama mukasi yakwe. ¹⁷ Mukasi ulugano ulu lusizile kulunjiha mukasi yitu, ingape tubhanje bhanjimvu isiku lya bhulonzi, panongwa inzavwe uwene ali, niswe vwe tuli mukasi munsi ino. ¹⁸ Litalimo ilyoga mukasi ya Lugano. Loli ulugano ululunjisu lukutupa ilyoga kunzi, panongwa ilyoga vikujendelana nu bhulonzi. Loli uwene we akunyila atalunjisile mulugano. ¹⁹ Tukuganana panongwa Umulungu ahatugana suti. ²⁰ Penga woka akuyanga, "Imuganile Umulungu" loli akumuhalalila umujenzi wakwe, pe wi lenga. Panongwa wenga weinga atakumugana umujenzi wakwe, weakumwenya, atahondeye kumugana Umulungu weatamubhonyi. ²¹ Pe ino vwe lunkomelezyo tulinalwope kufuma kukwakwe: Wowonti weakumugana numujenzi wakwe bhulo.