¹ Yenyelezyi pe lugano lwa namuna yoni utupiye Utata, ukuti tukutakwa bhana bha Mulungu pe bhwebhulo vwe tuli. Panongwa ino insi yitalumanyile kwekuti yitamumanyile uwene. ² Mwe bhaganwa iswe isalizi swe bhana bha Mulungu, Pe zilishi kuloleha vwetulibha. Tumanyille ukuti Ukirisitu aliholela, tulilolana na wope, pe tulimwenya inza vweali. ³ Pe wonti wula we mujimvu uno muzya habhalilo hehakwinza hehahayangwa kukwakwe, wukuyizelufwa wewe ku iwe vwe mufinjile. ⁴ Wonti umuntu akujendelela ukubhomba imbibhi ni kunanganwa inkomelezyo. ⁵ Mumanyile Kirisitu ahayilolesya inga kuzefwa imbibhi zila. Na mukasi yakwe mutali imbibhi. ⁶ Yitaliko inga yoka ubhutendamilo mukasi yakwe na kujendelela kubhomba imbibhi. Ataliko umuntu inga wumo ubhwihalo mukasi imbibhi yamile abhonyi pamo kumumanya uwene. ⁷ Abhana bhaganwa, mutahitiishe kulumilana ilenga nu muntu wowonti. Akubhomba ubhugolosu wabhugolosu, inza bhwebhulo Ukirisitu wope ali mwene bhugolosu. ⁸ Akubhomba imbibhi wa setano, panongwa usetano mukubhomba imbibhi kufuma pa bhwando bhwa Mulungu ahamanyiha inga pe kuzinznganya imbombo zya mukwalanzi. ⁹ Uwene apafilwe nu Mulungu atakubhomba imbibhi, panongwa ya imbeyu ya Mulungu akutendama mukasi yakwe. Atahondeye kujendelela kubhomba imbibhi panongwa apafiliwe nu Mulungu. ¹⁰ Mwi li bhana bha Mulungu na bhana mukwalanzi bhamanyisile. Wowonti atakubhomba she shabhugoloso te wa Mulungu, pamo wula we atahondeye kumugana umujenzi wakwe. ¹¹ Pe izi zye ntumi zye muhivwa kufuma pabhwando, ukuti tuhondeye gananaje sweswe sweka, ¹² te nzavwe Kaini we amali wa munanjishu we ahamugoga umujenzi wakwe. Pe shoni she ahamugoga? Panogwa imbombo yakwe zyamile nanjisu, numujenzi wakwe zyamilile zya bhugolosu. ¹³ Bhajenzi bhane, mutasukumilaje, insi yikubhahalalila. ¹⁴ Tumanyile tufumile hali mubhufwe nukwinjila mubhalanzi, panongwa tukubhagana abhajenzi. Wowonti we ate nu lugano ubhwihalo mukasi mu fwa. ¹⁵ Umuntu wowonti we akumuhalapila umujenzi wakwe mugozi. Pe mumanyile ukuti ubhulanzi bhwa shima na shima bhutakutendama mukasi ya mubhugozi. ¹⁶ Mwi li tulimanyile ulugano, panongwa kiristu ahaufumwa ulugano lwakwe panongwa yitu. Niswe tuhondeye kugafumwa ubhulanzi bhwitu panongwa ya bhajenzi bhitu. ¹⁷ Loli wont ali vintu, peakumwenya umujenzi wakwe weakwanza, loli akudindila umwoyo wakwe uwa bhwila panongwa yakwe; pe, ulugano ulugano lya Mulungu lukutendama mukasi yakwe? ¹⁸ Bhana bhane bhaganwa, tutahabhombe ku malomo pamo ku mazwi gabhwe lele loli mu mbombo zya bhwanalyoli. ¹⁹ Mwi lii tumanyile ukuti iswe tuli mubhwanalyoli, na mumoyo yitu yikwitinkana mu wuyo. ²⁰ Pe ingevwe amoyo gitu gatulonga, Umulungu mupiti kushila amoyo gitu, na wope amanyile gonti gala. ²¹ Bhajenzi, inzavwe amoyo gitu gatakutulonga, tulinawope ubhujimvu kwa Mulungu. ²² Pe she shoshonti she tukulabha tuliposhela kufuma kukwakwe, panongwa tuzilemile inkomelezyo zyakwe pe tukubhomba zyozyonti zyezikuhobhosya pilongolela. ²³ Pe ulu lwe lukomelezyo lwakwe- ukuti tuhondeye kusubhila mukasi yizina lya mwanawakwe Yesu Kirisitu kuganana sweswe sweka-inza vwe amatupiye inkomelezyo yakwe. ²⁴ We akuzivwila inkomelezyo zyakwe ubhwihalo mukasi yakwe, nu Mulungu akutendama mukasi yakwe. Panongwa ino tumanyile ukuti akutenndama Umupepo amatupiye.