¹ Bhana bhane bhaganwa, nkubhasimbila ivintu ivi kukwinyu pe mutabhombaje imbibhi. Loli inzavwe ubhupoka bhwinyu ingabhombaga ubhunanzi, tulinawo pe mulongozi wealipoka nu Tata, Uyesu Kirisitu-uwene we nalyoli. ² Uwene we mulonzi wa mbibhi zyitu, nape te kumbibhi zyitu bhwelele loli wope na nkaya yonti. ³ Kwili tumanyile ukuti tumanyile uwene, inzavwe tukusunga inkomelezyo zyakwe. ⁴ Uwene akuyanga, "Imumanyile Umulungu," loli atakuzilema inkomelezyo zyakwe, nu mulumalenga, nu bhwanalyoli nabhumo mukasi yakwe. ⁵ Loli wowonti weakulilema izwi lyakwe, nalyoli mukasi mumuntu wula ulugano lwa Mulungu ghulunjisile. Ku lili tumanyile kuti tuli mukasi yakwe. ⁶ Uwene akuyanga akutendama mukasi ya Mulungu ahandeye wuyo weka wope ukujenda inzavwe vila Yesu Kirisitu ahajendaga. ⁷ Bhangundwa, ntakubhasimbila imwe inkomelezyo impya, loli inkomelezyo ya hali yemwamile ukubha nayo kufuma pabhwandilo. Inkomelezyo ya hali lye lizwi lye muhivwa. ⁸ Inza bhwebhulo nkubhasimbila imwe inkomelezyo impwa ye bhwe bhwanalyoli mukasi Kirisitu na kukwinyu, panongwa ishisi shisizinye, nu bhuzelu bhwa nalyoli yasile hali ⁹ Uwene weanga akuyanga alikwi ku bhuzelu pe akumuhalalila umujenzi wakwe ali ku shisi paka salizi. ¹⁰ Uwene amuganile umujenzi wakwe ukutendama ku bhuzelu na kutaliko lyolyonti lwe lihondeye kumupunuzya. ¹¹ Loli uwene akumuhalalila umujenzi wakwe ali mushisi na akujenda mushisi; Uwene atamanyile kwiyi akubhala, panongwa ishisi shidinzite aminso gakwe. ¹² Nkubhasimvila imwe, bhana abhaganwa, panongwa muhobhoshelilwe ubhunyazu bhwinyu panongwa yi zina lyakwe. ¹³ Nkubhasimvila imwe, mwe bha tata, panongwa mumanyile uwene amalipo pa bhwandilo. Nkubhasimvila imwe, bhalumendo, panongwa muposite ghula umubhibhi. Nkusimvila imwe, bhana abhansi, panongwa mumumanyile Utata. ¹⁴ Nkubhasimvila imwe, bha tata, panongwa mumumanyile uwene we analipo kufuma pa bhwandlo. Nkubhasimvila imwe, bhalumendo, panongwa muyisimpile, a izwi lya Mulungu likutetenda mukasi yinyu, naa mumuposite ghula umubhibhi. ¹⁵ Mutahayigane insi pamo b imbombo zyeziliko mukasi munkaya. Penga wula angayingana insi, ulugano lwa kumugana Utata nalumo mukasi yakwe. ¹⁶ She shonti ishintu shilimo mukasi munsi - ivinyonywa vwa mubhili, vilinyonywa vya minso, ni bado lya bhulanzi-vitakujendelana nu Tata loli vikufumila ni nsii. ¹⁷ Insi ni vinyonywa vwakwe vilishila. Loli uwene we akubhomba ukwanza kwa Mulungu we akubha shima. ¹⁸ Abhana abhansi, habhalilizyo ha bhumalilo. Inza vwe mwivuye ukuti umuhana kiristu akwinza, nisalizi abhahana kirisitu bhinzile, kuhabhalilo iha tumanyile ukuti pe habhalilizyo ha bhumalilo. ¹⁹ Bhahepa kukwabho kufumila kukwitu, pe bhatamile bha kukwitu. Inzavwe bhwebhulo bhamile bhakukwitu nge bhajendeleye kubhala kukwabho, isho shihalolesya bhatamile bhakukwitu. ²⁰ Loli mwitililiwe amafuta na wula Umufinjile, nimwe mwenti mumanyile ubhwanalyoli. ²¹ Ntabhasimvile imwe panongwa mutamanyile ubhwanalyoli, loli panongwa mumanyile na panongwa bhutalimo ilenga muyila inalyoli. ²² Unanu wilenga loli wewula akuhana ukuti Uyesu wu Kirisitu? Uno muntu muhana kirisitu, pala pe ukumuhana Utata nu Mwana. ²³ Naumo we we akumuhana Umwana ukubha Utata.Wowonti weakumwitiha Umwana alinawo Utata wope. ²⁴ Inza vwe panangwa yinyu, shila she muhivwa kufuma pa bhwandilo shileshe shijendelele shibhanje mukasi yinyu. Inza vwe muhivwa kufuma kubhwandilo she mutendime mukasi yinyu, bhulo, mulitendama mukasi ya Mwana nu Tata. ²⁵ Nulu iwe lufingwi lweatupiye iswe: ubhulanzi bhwa shima. ²⁶ Nkubhasimvila izi imwe izya bhala bhe bhangabhalongozya imwe mu bhuteje. ²⁷ Na panongwa yinyu, gala amafuta gemuhaposhela kufumila kukwakwe gatendime mukasi yinyu, pe mutaliyanza umuntu wonti ghula kubhasambilizya. Loli inzavwe amafuta gakwe gakubha sambilizizye, mubhanje mukasi yakwe. ²⁸ Nisalizi, abhana bhaganwa, mutendamaje mukasi yakwe, ingape ahabhalilo hakwinza, tuhondeye tubhanje kuyivwa umusamu pilongolela lyakwe mukasi mukwinza kwakwe. ²⁹ Inzavwe mumanyile ukuti uwene we mwenesho wa bhugolosu, mumanyile ukuti wonti ghula akubhomba ubhugolosu apafilwe nu wene.