¹ Ine te ne musatulwe? Ine te nemwapositili? Ine ntahamwenya Uyesu Utata witu?Imwe te vihomwa vya mbombo yane mwa Mwene? ² Ingaine tene mupositili kubhanji, nkandi ine wantumi kukwinyu imwe. Pakuti imwe muyipezile kubha mwebha ntumi bhane kwa Tata. ³ Yeyiyo nkuyinonelezya kukwane ine kubhala bhebha kumbuzilizwa ine. ⁴ Pe tutali nubhwanalyoli ubhwa kulya kumwela? ⁵ Tutali nubhwanalyoli kunyatula umwantanda we walwitiho inzavye bhakubhomba abhantumi abhamwabho, na bhajenzi bha Mwene, nu Kefa? ⁶ Au nene neka nu Barnaba bhebhakwanzibhwa kubhomba imbombo? ⁷ Wunanu weakubhomba imbombo ngati musikari kuvintu wakwe wuyo weka?Wunanu akubhwala amampesya weatahalye ivihomwa vyakwe? Au wu nanu weakudima impuga atakumwela izibha lyakwe? ⁸ Pe nkuyanga aga kumaha gabhantu? Inkomelezyo zitakuyanga aga? ⁹ Kwekuti yisimvilwe ku nkomelezyo ya Musa, "utahayikunje ing'ombe kwilo peyikulya amasole.

" Nalyoli kuti apa Umulungu akuzisajila ing'ombe?

¹⁰ Au pe atakuyanga aga panongwa yitu? yisimvilwe panongwa yitu, panongwa wuyo wakulima ivintu yikwanzibhwa alimaje nukusubhalila na kuba poka na vyakwinula. ¹¹ Inga tuhabhala ivya mwamupepo kubhamwabho bhinyu, Pe! Ni izwi ipiti kukwitu ingatwunula ivyamumubhili kufuma kukwinyu? ¹² Inga abhamwabho bhahavyaga ivyabhunalyoli ubhu kufuma kukwinyu, Pe! Itwe te nkani? Pope lelo tutahadaya ubhwanalyoli ubhu. Loli lelo, uthajimba amazwi gonti pakuti tubhe shimpisya sha mbombo ya Kirisitu. ¹³ Mutamanyile kuti bhonti bhebhakubhomba imbombo mushibhanza? Mutamanyile kulibhonti bhebhakubhomba imbombo pashifinjile bhakupata hamo hala hebhafumiwa pashifinjile? ¹⁴ Shahonzizye, Utata ahalajizya kuti bhonti bhebhakuyanga izwi sheshikwanzibhwa kulyanje kujendela ilwo izwi. ¹⁵ Loli ntakubhadaya ubhwanalyoli bhwonti ubhu. Nanntakusimba iga inga lyolyonti libhombeshe kukwane, shahondeye ine ifwe kuliko umuntu uwunji achenje uku kuyizuvya kukwane. ¹⁶ Pakuti inga nkulumbilila izwi, ntali nishakuyizuvya, pakuti yikwanzibhwa imbombe inti na manyi kukwane inga ntakuyanga izwi! ¹⁷ Pakuti inga nakubhomba pakugana kwane, ndili ni shakundipila. Loli inga tekwekugana, nchili ni mbombo yebhampiye kubha andajizizye. ¹⁸ Pe ishakuulipilwa shane shoni? Pakulinga kulumbilila kuti ifumwe izwi bila nisha kwanza na kuto kubhombela ubhwanalyoli bhwendili nabhwo kwizwi. ¹⁹ Na sheingine nemusatulwe kubhonti nkabhombeha kubha muzya wa bhontu, inga kuti imbaje abhinji nkani. ²⁰ Kubha Yahudi namilile ngati Wumuyahudi, inga imbaje Abhayahudi. Kubhala bhebhali pansi pa bhana nkomelezyo. Nkabhomba bhwebhulo loli ine neka ntali pansi pa nkomelezyo. ²¹ Kubhala bbebhali panzi ya nkomelezyo, nali ngati ndilipoka nabho kunzi kunkomelezyo, loli inenentali panzi pa nkomelezyo zya Mulungu, loli pansi pa nkomelezyo zya Kirisitu. Nkabhomba bhwebhulo inga imbaje bhala bhebhali kunzi ni nkomelezyo. ²² Kubhala abhadedebhazu nali ngati nemudedebhazu, inga mbaje bhebhadedebhazu. Namile ahayilo honti kubhantu bhonti, inga kumadala gonti imbokole bhamo. ²³ Nine nkubhomba amzwi gonti panongwa ya mazwi, ili impate kwivwane ku bhulotwe. ²⁴ Mutamanyile nkuli bhonti bhebhakupotana kushimbila , loli bhakuposhela ahuma hali hoka? Peleleo shimbilaji lubhilo inga muposhele ishuma. ²⁵ Wakushimbila akuyidindila ugonti ingaalikumanyila, loli itwe tukushimbila inga tuhapate inkiha yeyitakunanjiha. ²⁶ Pelelo ine tankushimbila pepatali nashimo lumo nkuhoma ingumi mupepo. ²⁷ Loli nkuyivya umubhili wane na kubhobhomba ngati muzya inga kuti nabhalumbilila abhinji, ine nine intahabhe wakuhaniwa.