¹ Isalizi pakuti ivyakulya vyebhafumizye ivifinjile kubhalungu: tumanyile kuti "itwe twenti tulikwelebhwa." Kwelebhwa kukuleta kuyila, loli ulugana kukuzenga. ² Inga umuntu wowonti akuti amanyile imbombo yoyonti, umuntu uyo ashili atamanyile kuti inza vyeyikwanzibhwa kumanya. ³ Loli inga woka amuganile Umulungu, umuntu uyo akumanyiha nawo. ⁴ Pe kusubhila kulya ivyakulya vyemafumizye ivifinjile kubhalungu: tumanyile kuti "abhalungu teshintu pansi ipa, " nakuti atalipo Umulungu loli woka bhwelele." ⁵ Pakuti kulibhamo bhebhakubhita milungu pope nge kwe kumwanya na pansi, ngati vyebhali "milungu na bhamwene abhinji." ⁶ "Pakuti ilelo itwe kukwitu kulinu Mulungu woka bhwelele wewu Tata, ivintu vyonti vifumile kukwakwe, nitwe tukutendama kukwakwe, nuTata woka Uyesu Kirisitu, we kukwakwe ivyintu vyonti vilipo, na kwawuyo itwe tulipo." ⁷ Pope lelo, ukumanyisanwa ukukutalipo mukasi mwa woka na woka. Loli lelo bhamo bhahaputa uluputo lwa milungu ulwa hal, paki ilelo bhakulya ivyakulya ivyo kuti ngati shintu shebhafumizye ivifinjile kumilungu, zyezi kulonga mukasi zinanjisile pakuti zitali namaha. ⁸ Loli ishi kulya shitangatulolesya kwa Mulungu.Itwe twe bhabhibhi nkani inga tutalya, pope ubhwinza nkani inga twalya. ⁹ Loli mushebhaje nkani kuti kuyileshela kwinyu kutahabhe kumuhabhilizya watagomvile ulwitiho. ¹⁰ Awe sibha kuti umuntu akubhenyi, iwe wuli nukumanya, akulya ishakulya munyumba mwa milungu. Kulongwa kwakwe umuntu uyo kulonga loleha paka wuyo wope alye ivintu vye bhafumizye ivifinjile ivya milungu? ¹¹ Pelelo panongwa ya kwelebhwa kwabho nu bhwanalyoli abhakumanya kwa milungu, mukulu nu muyemba wakwe wudedebhaye, wepope Ukirisitu ahafwa panongwa yakwe, ahagogwa. ¹² Pe lwe ukubhomba imbibhi poka ya mukulu nu muyemba bhakwe na kuzivwalazya mukasi mwemulati na maha, mukubhomba imbibhi mmwa Kirisitu. ¹³ Pelelo, inga shakulya shikubhomba kumuhalalizya umukulu nu muyemba, ntalya inyama ingalumo, inga ntahabhagombele umukulu nu muyemba wane kugwa.