¹ Nkuyanga amazwi ge muhashimbila:nKuli ahabhalilo hehinza umwanavuli atahakate nu mushi wakwe. ² Loli ku ivipisya ivyinji ivya bhumalaya kila mwanavuli abhe nu mwantanda na kila mwantanda abhe nu mulume. ³ Umuleme akwanzibhwa kumupa umushi ishanalyoli shakwe isha ndowa, na bhwebhulo umushi wope kwa mulume. ⁴ Te mushi wali na maha kumubhili wakwe, nu mulume. Na bhwebhulo, umulume wope alina maha ga mubhili wakwe, loli umushi alinayo. ⁵ Mutimaje pemukukala poka, loli mwivywanaje kuhabhalilo hemwivwine. Bhombaji bhwebhulo ili kuhaga ahabhalilo hakuputa. Pe habhili mungagalushilana habhili poka, inga asetano atahinze abhalinjizye pakukosa ahabhalilo. ⁶ Loli nkuyanga izi imbombo kwa kugana na te ngati nkomelezyo. ⁷ Nkunyonywa kila muntu nkandi abhanga ngati nene vyendili. Loli kila woka alinishikunjilwa shakwe kufuma kwa Mulungu. Uno alinishikunjilwa ishi, na wula alinishikunjilwa shila. ⁸ Kubhala bhala bhebhatimalilwe na bhafwile nkuyanga kuti, ahinzakukwabho ingabhangasyala bila kwimalwa, inga vyendili ine. ⁹ Loli inga bhatangabhwezya kujimba, bhakwanzibhwa kwimalwa. Pakuti nafuu kukwabho bhimalye kuliko kunyonywa. ¹⁰ Isalizi kubhala bhebhimalilye nkubhapa indanjizyo, te ine loli wu Tata. "Umushi atahalehane nu mulume wakwe." ¹¹ Loli inga yepa kufuma kwa mulume, asyale bhwebhulo atahimalwe au inga kwanza ayivwane nu mulume wakwe. Na "Umulume atahamupe ikalata umushi wakwe." ¹² Loli kubhala bhebhasyaye, kuyanga- ine, te Utata- kuti inga umujenzi wowonti ali numushi wapindusile na ahabhosile kutendama mawo, atakwanzibhwa kumuleha. ¹³ Inga umwantanda ali mumulume watakuputa. ninga kuhobhoha kutendama nawo, atahamuleshe. ¹⁴ Kwa mulume watakuputabbakuzelufwa pakwenya ulwitiho lwa mushi. Nu mwantanda watakuputa kutaazelufye kujendelela kwa mulume wayitisile. Pesheshilipo abhana bhatangabha bhazelu, loli kwe nalyoli bhazelufile. ¹⁵ Loli umwantanda watitisile ingakwepa asogolaje kwidala linilwo. Kwa namuna iyo, Umukulu au mumuyemba nabhatakumubhumga nivilapo vwabho. Umulungu atwisite tuyendame ku lwitibho. ¹⁶ Umunyile bhulibhuli kuli umwantanda, lumo unga mupoha umulume waho? Pe lumo umanye kulibhuli kuti umwanavuki lumo ungamupoha kuti umwanavuli lumo ungamupoha umushi waho? ¹⁷ Kila woka basi atendame ngati mwene vyabhapiye, kila woka ngati Umulungu abhisite bhabho. Uno lweakulongozya kukwane kwipanga vyonti. Alipo alipo webhabhoye kumubhili lwebhamwisite kwitiha?Atahalinjizye kwefwa ibhali lya kuholya kukwakwe. ¹⁸ Alipo wowonti webhamwisite kulwitiho atakasite umubhili? atakwanzibhwa kubholwa. ¹⁹ Kwilli limo bhamubhoye nawe bhatamukasite kutali intamwo. Ishantamwo kwekushindiha indajizyo zya Mulungu. ²⁰ Kila woka asyale pa shila shebhahamwita vyeamali vye amamwisite? Utahasajilaje kUmulungu kwitiha. ²¹ Wali we muzya hbhalilo Umulungu amakwisite? Utahasajile kwilwo. Loli ingaungabhwezya kusatulwa, bhomba bhwebhulo. ²² Kwa woka ahamwita Utata ngati muzya muntu wasatulilwe kwa Mwene. Ngati bhwebhula, woka wasatulilwe lwe bhamwita kwitiha muzya wa Kirisitu. ²³ Bhahabhakala kushintu isha pamwanya pelelo mutahabhe mwebhazya bhabhantu. ²⁴ Mukulu nu muyemba bhane, mubhutendamo bhwobhwonti kila woka papitu pahatwita kwitiha, tuhasyala ngati bhebhulo. ²⁵ Isali, bhala bhoti bhebhatimalilwe nalumo, ntalinishakulajizya kufuma kwa Umwene. Loli nkubhavya kuti inzavyendili. Kubhwila bhwa Tata, bhwebhwanalyoli. ²⁶ Pelelo, nkusibhilila panongwaya ntamwo,hinza umwanavuli asyale ngati vyali. ²⁷ Ankungilwe kwa mwantanda ni shilapo sha ndowa? Utanzaje kuleshelwa kufuma kwiyo. Uyilemeshe kufuma kubhantanda bhanga pamo utimalilwe? Utalondolaje umushi. ²⁸ Loli inga vimala, ulahovile imbibhi. Na ngati umwantanda ingati malilwe ingayimalwa, alabhomvile imbibhi. Bhashili bhala bhebhakwimalana bhakupata amayimba shahashaha. Nine nkwanza imbaleganwe nago. ²⁹ Loli uli ishi, umukulu nu muyeba wane, ahabhalilo ha fupila. Kwandila ishi na kujendelela, bhala bhebhali na bhantanda bhatendamaje ngati bhatalinabho. ³⁰ Bhonti bhebhasungime bhaloleshe ngati bhatasungime, na bhonti bhebhakukala ishintu shoshonti, ngati bhatahapata na shimo. ³¹ Na bhonti bhebhakuyimba ninsi, bhime ngati bhata hayimba nabho. Pakuti ahatendama hansi hakufushila kumpelele kukwakwe. ³² Kwanza musatulwe kumayimba gonti. Umwanavuli watimaye naakujenda mumbombo zyezyi kumuyanga Umwene, amadala ga kumugana wuyo. ³³ Loli umwanavuli wayimaye akujenda kulandata imbombo zya pansi, vyamuhobhosye umushi, ³⁴ agabhunkine. Umwantanda wa yimalilwe lumo umulindu ukwinjila muvintu kuyanga Utata vye angayigabha kumubhili na kwa mupepo.Loli umwantanda wa yimalilwe akuyinjizya kuvintu ivya pansi, vyangahozya kumuhobhosya umulume wakwe. ³⁵ Nkuyanga bhwebhulo kubhatula mwenemwe, nantakubhiha kubhatega imwe kukwinyu. Nkuyanga bhwebhulo paliivyanalyoli, inga kuti mushibhishe hinza kwa Tata loli hampisya na hamo. ³⁶ Loli inga umuntu akusibha kuti atanga muhombela kumushinzi umushi wakwe, panongwa ya nsibho zyakwe zilinamaha nkani, leha ayimalwe nao ngati kwanza. Te mbibhii. ³⁷ Loli ungudumuye kuti bhatahimalane nakulati ni nongwa iyakulemanwa, ninga angabhezya kulongozya kunyonywa kwakwe angabhoma hinza ingatamwimala. ³⁸ Pelelo wa wakumwimala umulindu wakwe akubhoma hinza, na wowonti wa kusebha kutiata himale kutabhomaba hinza nkani. ³⁹ Umwantanda akungilwe nu mwanavuli inga mupunma. Loli inga umwanavuli afwa, atakukungwa akwimalwa na wowonti wamugana, loli kujendela kwa Tata basi. ⁴⁰ Nchili kudumula kukwane, kuti kutayime nu mutende nkani inga angatendama inzavyali. Nakusibha kuti nine ndili nu Mupepo wa Mulungu.