¹ Woka uwamwinyu ingakubha nintamwo nuwamwabho atakuyila akubhala kubhasita bhugolosu yabhe bhatali nubhwanalyoli bhalesile kulongana nabho kubhafinjille? ² Ntamanyile kuti abhafinjile bhayilonga insi? Na ngati aliyilonga insi mutangadumula amazwi getegamumwo?

³ Mutamanyile kuti tuli bhalonga abhahabhizya? kuhabhalilo hansi nkani, tunga dumula amazwi ga bhaya ubhu? ⁴ Inga tunga longa amazwi gabhakutendama ubhu, shoni she mukubhomba kutwala inongwa pilongolela pabhala bhebha timiliye mutepeni? ⁵ Nkuyanga kunsoni zyinyu. atalipo uwa mushinzi pakasi papinyu uwa kukwilana kubhiha amazwi hinza pakasi pamujenzi numujenzi? ⁶ Loli inzavyeli ishi, wayitisile woka akubhala kulongana na wayitisile woka akubhala kulongana nawayitisile uwamwabho, ninongwa iyo kubhala pilongolela pa mulonzi watitisile! ⁷ Ubhwanalyoli kwekuti kulintamwo pakasi pabha Kirisitu gegalesite intamwo kukwitu. Shoni mutayimbaje kumabhibhi? Shoni shemukwitiha kuti bhabhahopeshe? ⁸ Loli mubhomvile ubhubhibhi nakuhopela abhanji, nabho wa muyemba nu mukulu winyu! ⁹ Mutamanyile kuti bhebhatali ubhwanalyoli bhahati pwana ubhumwene bhwa Mulungu? Mutahalwitihaje ilenga. Abhabhembu, bhebhakuputa sheshitakuyanga, abhamalaya, nabhasipa abhamuha bhantu, abhasya abhantanda, ¹⁰ abhibha, abhapafu, abhashimwela, bhebhakufula ivintu, bhebhakuligana - atalipo pakasi papabho wali bhapwana ubhumwene bhwa Mulungu. ¹¹ Nabho bhali bhamo mwemwe. Loli muzelufizye ,loli bhabhozizye, loli abhabhisile mwebhanalyoli pilongolela pa Mulungu kujendelela kwizwi lya Tata Uyesu Kirisitu na kwa Mupepo wa Mulungu witu. ¹² "Ivintu vyonti vyanalyoli kukwane", loli te kila shintu shili nubhwinza. "Ivintu vyonti vyanalyoli kwikwane," loli nahamo ahankunkunga kushoka kuvyo. ¹³ "Ishakulya shikubhomba mulwanda, nulwanda ni panongwa ya shakulya," loli Umulungu alivyefwa vyonti. Umubhili mulipo habhapela kubhumalaya, loli lelo, umubhili panongwa ya Mwene, nu Mwene kutaawusunje umubhili. ¹⁴ Umulungu ahazyusa Utata nitwe lelo alituzyusya kmaha gakwe. ¹⁵ Mutamanile kutiamabhili gitu gasopenkine nu Kirisitu? Mungbhwezya kufumwa umubhili wa Kirisitu nu kubhala kuvisopenkanwa nubhumaya? Yitangabha mumwo! ¹⁶ Mutamanyile kuti wakubha poka nu malaya akubha mumubhili woka nawo? Ngati lizwi vyelikuyangwa, "Bhabhili kulibhabhe mubhili woka." ¹⁷ Loli wakubha nu Tata akubha numupepo woka poka nabho. ¹⁸ Bhushimbilaje ubhubhenbu! "Kila mbibbhi akuyibhomba umuntu nyinza kumubhili wakwe. Loli ubhubhembu, umuntu akubhomba imbibhi kushila umubhili wakwe wuyo. ¹⁹ Mutamanyile kuti amabhili ginyu nyumba ya Umupepo Umufinjile, wakutendama mukasi mumwinyu, wula we ahabhapa kufuma kwa Mulungu? Mutamanyile kuti te mwemwe mweka? ²⁰ Pakuti bhahabhakala kuhela iyamushinzi. Pelelo mushindihaje Umulungu kuma bhili ginyu.