¹ Twivuye bhakuti kuli ubhubhebhu pakasi papinyu, iayina ya bhubhebhu yeyitalipo pakasi pabhantu Bhamunsi. Twivuye kuti woka papapinyu akukata numushi wa wa tata wakwe. ² Nimwe mukuyizuvya! Muleshile kusungama? Wula wa bhomvile bhwebhuklo kwanzibhwa kumwefwa pakasi papinyu. ³ Pope shentali nimwe mumubhili loli ndili nimwe mumupepo, ninzile namulonga wuyo wahabhomba bhwebhulo, ngati vye nalipo. ⁴ Pemukuhomana poka kwizina lya Tata witu Yesu nu mupepo wane alipepala ngati kwekumaha ga Tata witu Uyesu, mazile namulonga umuntu uyo. ⁵ Mazile mupiye umuntu uyo Usetano inga umubhili wakwe wunanjishe, inga umupepo wakwe wupone iiku lya Tata. ⁶ Kuyila kwinyu teshintu shinza. Mutamanyile ubhuafu ubhunsi bhukunanganwa insonta yonti? ⁷ Yizelufwaje mwemwe mweka ubhusafu ubhwahali, inga mubhe nyanyi ipwa, inga kuti mubhe bhugali bhwebhutasafile. Pakuti, Ukiisitu, Mwana ngole yitu ya kuyimba tayali bhayibhoye. ⁸ Pelelo tuhobhoshe bkulya te kwa bhusafu ubhwahali, ubhusafu ubhwamadala amabhibhi namanyali. Loli lelo, tuhobhohaje nubhugali bhwebhatabhisile ubhusafu ubhwamushinzi nubhwa nalyoli. ⁹ Nkasimba mwakalata wane kuti mutasanganaje na bhamalaya. ¹⁰ Ntakuti abhamalaya abhasi ino, posye nabhayinyonywa na bhebhakufua kumaha nabhe bhakutupa vyevitakuyanga pakutendama nawo kubhutali nabho, loli nkeyihanziwa mufume pansi. ¹¹ Loli isalizi nkubhasimbila kuti kuyisnganwa na wowonti webhakumwita muyemba au mukulu kwa Kirisitu, loli akutendama mubhamalaya inga wa kunyonywa, au mukunyonywa, au wakufula kumaha, posye wakuputa sheshitakuyanga, posye wakuligana, posye ushimwela. Pope mutahalye nawo umuntu uwa mutindo uyo. ¹² Pelelo kuti njizelufwe nakubhalonga bhebhali panzi Pashibhanza? Loli lelo, imwe mutahabha longola bhebhali mukasi mushibhanza? ¹³ Loli Umulungu akubhalonga bhebhali kunzi. "Mwefwaje umuntu umubhibhi pakasi papinyu "