¹ Ishi vwe bhwebhulo umuntu atubhazye itwe, ngati bhabhomvi bha Kirisitu na bhasunsi bhakuzyiha izya nalyoli Mulugu. ² Kuli sheshikwanzibhwa kubha sunzi kwekuti tibhabhe bhakusubhalilwa. ³ Loli kukwane ineshintu shinsi inkani kuti kulongwa nimwe kuti kulongwa kubhantu. Pakuti ntakuyilonga inganene neka. ⁴ Ntakjilonga nene neka, ino yitali nakuti kuti ine ntali nibhwanalyoli. Wu Tata kundonga. ⁵ Pelelo, mutayangaje kuyanga kulyolyonti lwe ahabhalilo hakwe hashilli, lweashili kwinza Utata. Aligaleta pabhuzelu amazwi geganyamile kushisi na kugubutula insibho zya mwoyo. Pe kila woka aliposhela umushinzi kufuma kwa Mulungu. ⁶ Isalizi, umuyemba na umukulu bhane, ine nene nu Apolo mbombeye idala ili kukwinyu, inga kuti kufuma kukwitu mungamanyila izyakuyanga, "Utahabhale kushila nza vyeyiivilwe." Ino kwekuti atalipo inga inga woka winyu wakuyila kwawa mwabho. ⁷ Pepakuti wunanu wa kwenya kulegana kukwabho nuwamwinyu? shoni shuli nasho utahashiposhele pabhulo? Inga uhaposhela pabhulo, shoni shemukuyila inga mutahabhomba bhwebhulo? ⁸ Mukwiline vyemulinavyo vyonti vyemukuvyanza! Mukwiline mwabhanubhudumbwe! Mwanda kubhamwene-nakuti mwavilema kushila nitwe! nalyoli nkubhalabhila kubhanavyo ukwanza inga tubhe navyo poka nimwe. ⁹ Pakuti natinji Umulungu atusibhile itwe bhopositile ngati kutulanga kubhabhakwisinda paluhololo ulwa lwisi ngati bhantu bhebhahalongwa kufwa. Tulingati halumbe munsi kubhabhuzya nakubhantu. ¹⁰ Itwe twebhayubhwi kwa Kirisitu, loli imwe mwe bha mushinzi kwa Kirisiti. Twebhadedebhazu, loli imwe muli na maha. Bhakubhashindiha, loli itwe bhakutusufwa. ¹¹ Loli ishi itwe tulininzala nishinyoto, tutali namenda, tuli nakuhomwa, na nahabhili tutalinapa kata. ¹² Tukubhomba imbombo kumaha, kunyobhe zyitu twetwe. Pebhahatusufwa. Tusyaye, ahabhalilo hetukuyimba, tujimvile. ¹³ Pe bhakutuliga, tukugalusya kubhupole, tulishili bhakutubhuzya kuti ngati bhakubhahana pansi na swaswa kumbombo zyonti. ¹⁴ Ntakusimba amazwi iga kubhasamula imwe, loli nkubhagalushila imwe ngati bhana bhane bhembaganile. ¹⁵ Pope inga muli nabha sambilizi amashumi elufu mwa Kirisiti, atalipo tata winyu. ¹⁶ Loli nkubhalajizya munkole ine. ¹⁷ Ishosheshila nkabhasontelezya kwukwinyu Timotheo, umuganwa wane numwana uwanalyoli kwa Tata. Kutabhakumbusye amadala gane kwa Kirisitu, ngati vyebhakumanyizya ponti na ponti na makanisa gonti. ¹⁸ Isalizi bhamo abhamwinyu bhakuyizuvya, bhakubhomba kuti ntaliyinza kukwinyu. ¹⁹ Loli kuti ninze kukwinyuingapashila, inga Utata agana. Pendiyinza te mazwi gabho bhwelele bhakuyizuvya, loli kumaha gabho. ²⁰ Pakuti ubhumwene bha Mulungu bhutakubha kumazwi loli kumaha. ²¹ Mukwanza ishoni? kukwinyu nulusisa amwe ininze nulugano nakumwoyo wa mutehano?