¹ Kwanza imwe mumanye umukulu nu muyemba bhane, iyakuti tata bhitu bhali pansi pibhingu na bhonti bhahajenda panyanja. ² Bhonti bhahozelwa bhabhe bha Musa mukasi mwibhingu na mukasi munyanja, ³ na bhonti bhaliye ishakulya sheshila isha mupepo. ⁴ Bhonti bhahamwelele aminzi gegala aga mupepo. Pakuti bhamweleye kufuma kwiyalabhwe ilya kwa mupepo lyelihabhalandaata, ni yalabhe lila lyali wu Kirisitu. ⁵ Loli Umulungu alahahobhoha nkani nabhinji abhene nabhavimba bhabho zihasaswa mwa lugwa. ⁶ Pelelo imbombo zyonti izi zyali shifwani kukwitu inga twe tutahabhe bhantu bhakunyonywa amabhibhi ngati bhabho vyebhahabhomba. ⁷ Mutahabhe bhakubuta imilungu, ngati bhanji bhamo vwebhali. Ino ngati vweyisivilwe, ''Abhantu bhahatendama pansi bhahabhala kulwa na kumwela, nabhahimilila kuvinyonywa vwabhumalaya,'' ⁸ Tutabhembuhaje ngati bhamo abhinji vwebhahabhomba.Bhahafwa isiku lwoka abhantu shilini na tatu alufu panongwa izyo. ⁹ Habhili tutamulinjizyaje Ukirisitu, ngati abhinji bhamo vwebhahabhombaga nabhahananganwa kunjoha . ¹⁰ Habhili mutaibhunaje, ngati abhinji bhamo vyewahajibhunaga na kunanganya kubhahabhizya bhabhogozi. ¹¹ Pelelo imbombo izyozihabhombeha ngati shifwani kukwitu. Gasimvile inga kutusunda itwe - twetuhasibhilibhwa nakumupelela kwa hali. ¹² Pelelo bhakuyenya kuti ayimilile ayime ahinza atahinze agwe. ¹³ Shitalipo ishimpisya sheshitwazile itwe sheshitalingine numuntu. Loli Umulungu wa nalyoli. Atangabhale mubheni vimpisya kushila amaha ginyu. Poka nishipisya kulabhape umulyango uwakufumila, inga mubhwezye kwimilila. ¹⁴ Pelelo, bhajenzi bhane,yishimbilaje uluputo ulwa milungu. ¹⁵ Nkuyanga imwe ngati bhantu abhanjele, inga mudumule pamwanya pililwe nkuyanga. ¹⁶ Ishikombe isha kusayibhwa shetushiyiye, tebhupoka bhwibhanda lya Kirisitu? Ubhugali bhula bhwetukumesula, tebhupoka bhwa mubhili wa Kirisitu? ¹⁷ Pakuti ubhugali bhulibhoka, itwe tuli abhinji ku mubhili woka. Itwe twenti tuposheleye ubhugali bhwoka ku poka. ¹⁸ Bhenyaje abhantu bha Iziraeli: Pe! bhala bhonti bhebhakulya imputile tebhapoka pashifinjile? ¹⁹ Nkuyanga shoni lelo? Yakuti imilungu she shintu? Lumo yakuti ishakulya shebhafumizye ivifinjile kumilungu ku milungu shintu? ²⁰ Loli nkuyanga ivintu vila vyebhakufumwa ivifinjile abhapanzi abha Kusi, pakuti bhakufumwa ivintu ivi kumpepo inkandamano nate kwa Mulungu. Nine ntakwanza imwe mwivwanaje ni mpepo inkandamano! ²¹ Mutangamwelela ishikombe sha Mwene ni shikombe sha mpepo inkandamano mutangabha nulwivwano lwa meza ya Mwene nimeza ywa mpepo. ²² Lumo tukumubhha Utata kunyonywa? Tulina maha kumushila uwene? ²³ "Ivintu vyonti vikwanzibhwa," Loli te vwonti vya nalyoli."Ivintu vyonti vikwanzibhwa," loi te vyonti vikubha zenga abhantu. ²⁴ Nawumo inga woka weanga londola aminza agakwe bhwelele. Loli lyelilipo,kila muntu nkandi akulondola amiza aga wamwabho ²⁵ Munga bhwezya kulya kila shintu shebhakukazya pabhukalilo itakubhuzya -bhuzya kushila sheshikulongolela mukasi. ²⁶ Pakuti "insi shuma sha Mwene, na vyonti vwevwikwizuzya." ²⁷ Numuntu watakupula ingabhakalibisya lyanji, pe inga mukwanzakusogola, lyanji shoshonti sitakubhuzya nashimo isha nenelezyo. ²⁸ Loli inga umuntu akubhabhuzya, "Ishakulya ishi shifumile ni shifinjile shebhebhatakupata,'' mutahalye. Ino ye panongwa ya pekunenelezyo. ²⁹ Nine ntakuyanga inenelezyo ya muntu uwunji. Pelelo ubhabhushe bhane bhulongwe ni nenelezyo ya muntu uwunji? ³⁰ Pe ine nkubhombela ishakulya pakusalifwa, shoni she mundigaje kushintu shensalifizye kwisho? ³¹ Pelelo , shoshonti shemukulya lumo nu kumwela, lumo shoshonti shemukubhoma, bhombaji shonti panongwa ya kumutima Umulungu. ³² Mutabhanangan'we Abhayahudi lumo Abhayunani, lumo nishibhanza sha Mulungu. ³³ Linjzuaji ngati nene vyenkulinjizya kubhabhobhesya abhantu bhonti kumbombo zyonti. Ntakulondola kukabha kukwane ine, loli abhinji. Nine kubhomba ishi inga bhapate kupona.