1 Na hakalonga ukwao, “hakika nikugamba ukwenu, hamwedu yenu kuwa wanhu wemile hano hawakwija waonja mauti kabla ya kuwona Undewa wa Mulungu unheja kwa nguvu”. 2 Na baada ya majuwa sita, yesu hakawalinda Petul, Yakobo na Yohana hamwedu na imwene kwitunda weiyeka, noho hakakonga kubadilika kumwende yao. 3 Sisuke sakwe hasikougonga kung`aa sana majelu lugano, majelu kuliko ujelu wowose mchilunga. 4 Noho Eliya hamwedu na Musa hawakilafanisa kumwande yao na wagenda walonga na yesu. 5 Petulo hakajibu kamgamba Yesu “Mwalimu ni fiswamu seye kuwa hano, na chijenge fibanda fidatu, chimwedu kwaajili yako, chimwedu kwaajili ya Musa na chimonga kwaajili ya Eliya. ” 6 (Kosoko hammanyile choni cho kulonga hawogoha sana.) 7 Difunde hadilawila na kuwagubika noho sauti mumafunde ikugamba ayuno no mwanangu nimwendile, mhulikeni imwene. 8 Gafla hawage wakulonga, hawamonile wowose hamwedu nao, ila Yesu du. 9 Fwagenda wadulika kulawa kwitunda hakawaamulu wanhamtamile munhu wowose agaya gose gowonile, mpaka imwana wa Adamu foyakwenda yafufuke kulawa kwa wafile. 10 Naho hawagatunza mambo wao awecho lakini hawajadili kwa wecho na choni mana yakwe “kufufuigwa kulawa kwa wofile.” 11 Hawamusa Yesu, “nhani waandishi wakugamba lazima Eliaya yeje kwanza?”. 12 Hakawagamba “jakika Eliya yakwija kwanza kuokoa finhu fyose” nhani iandikigwe imwana wa Adamu lazima yapate mateso mengi na yalondigwe?. 13 Lakini nikulonga ukwenu Eliya hakesha kwija, na hawamgolosa kifa fowendile, kifa fia maandiko fogakulonga kuhusu imwene!. 14 Ha fowoile kwa wanafunzi, howona ikundi ikulu diwazunguuka na masadukayo wagenda wabishana nao. 15 Na mara fowamonile, dikundi dyose hadishangaa na kumbilimila kumlamsa. 16 Hakawosa wanafunzi wakwe, “mkubisha a nao kuhusu choni?” 17 Yumwedu wao mwikundi hakajibu”mwalimu, hanimleta mwanangu ukwao; kena roho chafu ambayo ikumtenda yanghadahe kulonga”. 18 Na ikumsababishia kutetema na kumugwisa hasi, na kulawa ifulo kumulomo na kusaga meno kukugutala, haniwatasa wanafunzi wako wamlafe dipepo, lakini hawadahile. 19 Hakuwajibu, “cheleko hachikuamini, nikwikala na nyeye kwa muda waki?, nikuwalondelani mpaka milaki? Mleteni ukwangu”. 20 Hakamleta mwanagwe, roho mchafu foyamwonile Yesu, gafula imguma mu kutetema, mwanike hakogwa hasi na kulafa ifulo kumulomo. 21 Yesu hakamusa babakw, “hakoa muhali ino kwa muda waki?” baba hakagamba tangu mwana mdodo. 22 Wakati umonga yakugwa mumoto au mumeji, na kugesa kumuangamiza kifa unhadaha kugolosa chochose chihulumie na uchisaidie. 23 Yesu kamgamba, “inhoa kwa tayali? Kila chinhu chikudahika kwa yoyose yakuamini”. 24 Gafula ibabakwe wa imwana hakalila na kugamba, nikuamini nikusaidie kutoamini kwangu. 25 Ugele Yesu foyonile dikundi dikubilimila ukwao, hakamkemea roho mchafu na kugamba, “agweyo roho ya ububu na chihuli, nikukuamulu muleke, unhengile ukwakwe keli” 26 Hakalila kwa ludole na kumuhanganisha imwana na roho hamulawa, imwana hakonekana kifa kafa, noho awengi hawalonga, “kafa”. 27 Lakini yesu hakamulonda kwa mkono hakamwinula na imwana hakema. 28 Ugele iYesu foyengile kugati, wanafunzi wakwe hawamusa faragha “nhani hachidahile kumlafa?”. 29 Kawagamba, “kwa namna ino haikuwa isipokuwa kwa maombi” 30 Hawalawa haya na kugenda Galilaya, heudile munhu yoyose yamanye hawaile. 31 Kosoko yagenda yafundisha wanafunzi wakwe, hakawagamba, “mwana wa Adamu yakwenda yegaligwe mumikono ya wanhu na wakwenda wamukome, foyakwenda yowe kofa, baada ya majuwa adatu yakwenda yafufuke keli”. 32 Lakini hawagaelewa maelekeso aga, na hawogoha kumusa. 33 Kamei hawafika Karpeninaumu, wakati foyawile kugati hakawosa, “mgenda mjadili choni munjila”?. 34 Lakini hawanyamala. Kosoko wagenda wabishana munjila kwamba nani hakoa mkulu kabisa. 35 Hakekala hasi hakawenanga kumi na weli hamwedu, na hakalonga nao, “inhowa yoyose yakwenda kuwa wa kwanza, ni lazima yowe wa mwisho na mtumishi wa waose” 36 Hakumulonda mwana mdodo kamwika hagati yao, hakamulonda mu mikono yakwe, kugamba. 37 Yoyose yakwenda yamuhokele imwana yumo kwa disina dyangu kanihokela niye na inhoa munhu kanihokela, hakunihokela nije muhala, lakini na yanitumile. 38 Yohana hakamgamba, “mwalimu hachimona munhu yakulafa dipepo kwa disina dyako na hachimulemesa, kosoko hakuchandamila”. 39 Lakaini Yesu hakagamba, mnhamzuie, kosoko hechaka yakwenda yagolose, mlimo mkulu kwa disina dyangu na baadaye yagambe mbuli ihile yoyose kwaajili yangu. 41 Yoyose ihakuwa chinyume na seye kowa upande wetu. 40 Yoyose yakwenda yakwinhe chikombe cha meje ga kunywa kosoko kuwa na Kilisito kweli ni kuwatamila, hakwagilila thawabu yakwe. 42 Yoyose yakwenda yawakoseshe awano wadodogi wakuniamini nie, hayuwafiswamu ukwake kufungiligwa diwe dya kusagia msingo na kutagigwa kubahali. 43 Inhoa mkono wako ukukosesha udumule ni heli kwingila ku uumi bila mkono kuliko kwingila ku hukumu unhoa na mikono kuliko kwingila kuhukumu unhoa na mikono yose, ku umoto haukuzima”. 44 Zingatia ;- Mstari uni “mahali hene sifunja hasikufa na umoto haukuzima” wamwichaka musinakala sa katali. 45 Inhoa mugulu wako ukukukosesha, udumule ni fiswamu ukwako kwingila kuumi unhoa chilema, kuliko kutagigwa kuhukumu na migulu mili. 46 Zingatia mstali uno “mahali sifubja hasikufa na umoto haukuzima “wamwichaka musinaka sa katali” 47 Inhoa digiso dyako dikukosesha ding`ole ni fiswamu ukwako kwingila mu undewa we Mulungu unhoa na igiso dimwedu, kuliko kuwa na meso meli na kutagigwa kuzimu. 48 Mahali hene sifunja hawakufa, na moto haukuzima. 49 Kosoko kila yumwedu yakukolesigwa na umoto. 50 Umunyu mswamu inhoa umunyu wagilisa ladha yakwe, ukuitenda nhani yuwe na ladha yakwe keli?, muwe na umunyu mugati mwenu muwecho, na muwe na amani kwa kila yumwedu.