1 Hayuwaga amajuwago hakuwaga neditewa ikulu nahawowaga hechaka chakudiya, Yesu kawenanga wefusa wakwe nokuwagamba. 2 Nikuwonela ubasi iditewa adi wagendelela, kuwa naniye majuwa madatu na wechaka chakudiya. 3 Nihawagamba woye ukaya ukwao hawadiile wakudaha kuzimia munjila neinjala nawamonga walawa kutali. 4 Awefusa wakwe howembidula kugamba chikapata hoki imikate ikwanga ichenele kuwegusa awanhy awa bahano hochuile adi dilekigwe. 5 Kamei yekuwosa mwina vihendo vingahi fye mikate wagamba saba. 6 Hakawagamba ditewa wakale hasi hakalonda imikate nokuwengha awefusa wakwe wiike hamwande yao nikiika hamwande ya ditewa. 7 Kamei hawowaga ne fisamaki fidodo fikefu kamei fomshuku hakawagamba wefusa wakwe wawagawile nafiafi. 8 Hawadia kamei weguta kamei wadondola fihendo fisigale fisege fukulu saba. 9 Hawowa wekwifikila wanhu elufu ine hakawaleka walute. 10 Kamei hakengila mngalawa ne wefusa wakwe nokuluta iisi yo Dalmanuta. 11 Kamei mafalisayo walawa kunje nokukonga kibishia neimwene wahanangage awenghe mtuso, kulawa kulanga kwe chihungi. 12 Kamei kadoga fibi kumoyo wakwe nokugamba yanhani icheleko achi chikuhananga nomtuso, nikuwatamila anyeye chawelu kwichaka mtuso ukwanga ulafigwe mcheleko achino. 13 Kamei kawaleka kengila mngalawa kamei yekuleguka kubidukila isi ingi. 14 Ugle uwo wefusa hawasimiligwa kulonda mikate hawowile ne mikate kifana chihendo chimwedu chowile mngalawa. 15 Hakawafunda nokugamba muwe meson a kiamila ne usase we Mafalisayo no usase wa Helode. 16 Wefusa wekitamila awene kwa wene kosoko chichaka imikate. 17 Yesu hakadimanya adi nokuwagamba kosoko yaki mkilongelesa kosoko yokuswela imikate hamanyile mng`ali hammanyile mimoyo yenu ihuha. 18 Mwina meso hamkona mnanghutwi hamkuhulika, hamkugelegela. 19 Fonaibagule imikate mishano kuwanhu elufu shano hamlonda fisege fingahi fimemile ifihendo fye mikate kamehi wagamba kumi na mbili. 20 Kamehi fona imegule mikae saba awanhu elfu nne hamulonda fisege fingahe. 21 Wagamba saba kawagamba mng`ali kutanga. 22 Weja Bethsaida wanhu awo wamwigala kwa Yesu munhu mudula kamei wamtasa Yesu yamkole. 23 Yesu kamkola no mkono ayuya mdula no kumlongosa kunje ye ikaya foyotwile amate mchanya ya mmeso gake nokwinulila mkono wakwe mchanya yakwe hakamusa ukona chochose. 24 Hakalanga kulanga nokugamba nikona wanhu wakonela kufana mabiki ikugenda. 25 Kamehi kawinula mikono wakwe kuchanya ya meso gakwe imunhu ayuya kagubula ameso gakwe hakona kahi nakona kila chinhu fiswamu. 26 Yesu kamuleka alute ukaya kamgama soko wingila mka. 27 Yesu hakaleguka na wefus wakwe kuluta fijiji vya Kaisalia ya Filipi, foyoile mnjila hawosa wefusa awanhu wakugamba anie nonani. 28 Wamgamba wakulonga Yohana mbatizaji, wamonga wakugamba Eliya na wamonga kwayumwedu wa walotesi. 29 Kawagamba anyeye nanye mkugamba anie nonani, Petulo kamgamba agweye no Kilisito. 30 Yesu hakawakanya, sokowatamile munhu kumuhusu imwene. 31 Kamei kakonga kuwafusa kosoko mwana wa Adamu ikuhanangigwa yatabike kwa mbuli nyingi na yakwanga yalemigwe ne filongosi na makuhani awakulu na waandishi na akukomigwa na dijuwa dya kadatu yekwinuka kahi. 32 Hakalonga aga hajelu kamei Petulo kamulonda hang`anda nokukonga kumgombela. 33 Kamei yesu hakabiduka nokuwalanga awefusa wakwe no kumgambela Petulo loka kunyuma ukwangu, lujoma gweye hukogoha simbuli se Mulungu ukulanga sibuli sa wanhu. 34 Kamei kawenanga ditewa dye wefusa wakwe hamwedu no kuwagamba, halika kwina munhu akwanga kunyandamila yakileme imwenye alonde mting`ongo wakwe na anyandamile. 35 Kosoko yoyose akwenda kuyakola maisha gakwe yakuyagilisa na yoyose yekuyegilisa maisha gakwe kosoko yangu na kosoko ya injili yekugakola. 36 Ikwanga imsaidie choni munhu kupata ichilunga chose na kamei yapate ueihi we mkikala kwakwe. 37 Munhu yekudaha kulafa choni badala ye maisha gakwe. 38 Yoyose yekunyonela chinyala ne simbuli sangu kucheleko achino che dihabwa na cheleko chine wihi imwana wa Adamu yekumonela sisoni foyekwija no udahi we tatiyake hamwedu na malaika no uswamu.