¹ Gakaloke majua makefu, yoya kahi kapelinaumu. Hawahulika fina kowa ukaya. ² Wanhu itewa weja walunda hamwedu mpaka hamulango, hokukuwa chaka luneka kosoko yawo naye yende wahubili imbuli yakwe. ³ Haweja wanhu wegale mutamu yaholole, kenuligwa na wanhu wane. Hawaleeligwa kumusegelela kosoko ya matewa, howaimola ikano ahaya hoyawila. ⁴ Wakamale kuitobola hawamuhulumusa mwisi dyoyagonenela ayuya iyaholole, ⁵ Kamei Yesu yakone dihui dyawo, hakamugamba ayuya iyaholole. Mwanangu kuleusiligwa uwihi wako. ⁶ Awamonga wa watulumi awowile uko hawekala na kudoga mufidoga. ⁷ Nhani ayuno yakulonga nhafi yakutofola no nani yakudaha kuleusa uwihi langa yu mwedu du naye no Mulungu. ⁸ Chimwande Yesu yakamaye muchidoga chakwe fina wakudoga fyenuChihufu no chihoki kumugamba yaholole kuleu?. ⁹ siligwa uwihi wako ama kugamba,inuka kitwike disasi dyako ulute? ¹⁰ Ninga mumanye fina mwana we munhu kena udaha mchilunga wo kuleusa uwihi kamei yamugamba ayuya yaholole. ¹¹ Nikugamba, inuka kitwike disasi dyako ulute ukaya ukwako. ¹² Chimwande hakenuka na kitwika disasi dyakwe na kulawa kumwase yaino wose wose wejawajuma na kumtunya Mulungu wakugamba, chisinati chone chinhu fina chino ugele wowose. ¹³ Hakaleuka kahi kaluta kunghingi ye bahali ditewa dyose hodimusuguluta hoyawafusa. ¹⁴ Foyalokage yamona lawi imwana wa alifayo kekala hachibanda cho hakamgamba, nyandamile hakenuka na kumwandamila mwigoda do kukusanyila kodi kamugamba niandamile kemanyima kamwandamila. ¹⁵ No chigele yesu hakoa yakudia chakudia chakuda munyumba ya lami, wanhu wengi weja wakusanyaga ikodi na awa awene sisambi weja wafdiaga na Yesu ilema ikulu diya muandamilanga. ¹⁶ Chigele wandishi na mafarisayo foweja wamwena yakudia na wanhu awano wene sisambi. ¹⁷ Chigele yesu foyahulika gago kawagamba, awanhu aweginile imiili yao wechaka haja ya miti ila awatamu, hanija kuwalanga awatamu nija kwasoko ya waya awene sisambi. ¹⁸ Awaya awana funzi wa Yohana na mafarisayo weja wafungaga, kamei wanhu wamonga haweja ukwakwe kumugamba, rhani wanafunzi we yohana na mafalisayo weje wafunanga, mbona awono hawo kufuga. ¹⁹ Yesu kawagamba, togola awejile mchinyemi wao nao hawafunga chigele imkulu wao hakoa hamwedu nao. Kosoko imkulu wao hakowa baho howagungule. ²⁰ Kosoko majuwa gakwija chigele Mndewa we harusi foyakaakusigwa mkwao kosoko majuwa gago wakwija wafunga. ²¹ Hechaka munhu iyasona ichipande chisha cha suke jangu msuke ilalile, kamei homa na mudegeko wingi. ²² Hechaka munhu yakuguma divai inyisha mfifuko fisakale videgeke, divai ikufidega fifuko fyose filina divai ikwagilila, ila yakwika divai inyisha mfifuko fisha ²³ Kosoko dijuwa dya sabato yesu hakaloka mingunda, no muwefuswa wakwe hawalonda manjaa ngano. ²⁴ No mafalisayo hawamtamila, “ilangeni phoniwakugolosa chinhu cha fingi na sharia mwijuwa dye Sabato. ²⁵ Kawatamila, “hamsomile chila choyagolose Daudi foyoile mukwenda imwene hamwedu na wanhu awoile hamwedu naye”. ²⁶ Foyoile mnyumba ye Mulungu wakwe Abiathari hakowa kuhani hakadia mkate wekingwe kumwande woile chinyume che sharia kuna munhu siyo kuhani, Sabato igolosigwe kosoko ya wanhu woile naye hamwedu naye. ²⁷ Yesu hakagamba, Sabato haigolosigwa kosoko wanhu sio munhu kosoko ya Sabao. ²⁸ Kosoko ya dindyo mwana wa Adamu no Mndewa we Sabato.