¹ Kahi hakengila kugati ya sinagogi umuya hamuwa na munhu ya apooze mkono. ² Awamonga wa wanhu haowa wamwandamila kwa habehi kumona foya muhonyage chigele cha Sabato kamei wa mshitaki. ³ Yesu kamgamba munhu iyena mkono upooze “inuka no wimenyima hagati ya uwingi auno”. ⁴ Kamei kawatamila wanhu, “togola ni halali kugolosa mbuli swamu chigele cha Sabato au kugolosa aga” gechile wanhu waya hawanyamala twii. ⁵ Kamlanga kwa nyono chigele aya kulamengwa mumoyo kame akuwa tamila ayuya munhu, gorola umukono wako.” Kaugolola na iYesu yeja yemuhonya nkobo wakwe. ⁶ Mafalisayo, weja waluta kunje wakugolosa nyamaili wamkome. ⁷ Kamei Yesu hamwedu na wanafunzi wakwe hawaluta kubahali nedikundi dye wanhu kulawa hamwendamila kulawa Galilaya na Uyahudi. ⁸ Na kulawa Yelusalemu na kulawa Idumaya na kumwande ya Yorodani na habehi Tilo na Sidoni iditewa dikulu fowahulike chila chinhu choyakugolosa, haweja wamwone. ⁹ Haniwatamila wanafunzi wangu kugolosa mtumbwi mdodogi kosoko yakwe kosoko dikundi wanyeje wamswela. ¹⁰ Kosoko hakahonya matewa chila munhu hakone kwina yakuhonyigwa. ¹¹ Hohose magini gehile foga monile hagaguna hadi kukumwande yakwe kamei gakulila gakugamba agwe no mwana wa Mulungu. ¹² Kawagamba wanafunzi wakwe wamanyike. ¹³ Hakaluta kuchanya yeditunda. ¹⁴ Kasagula kumi na mbili (awanangigwe wowe milume) kosoko awe hamwedu naye yapate kuhubili imbuli ye Mundewa. ¹⁵ Kamei wowe na ludole wa kulafa magini. ¹⁶ Kamei kawasagula kumi na weli, Simoni, yenyengwe disina diya Petro. ¹⁷ Yokobo mwana wa Zebedayo na Yohana mnduguse wa Yakobo yenghigwe disina Bonagesi, awano no wana wa mbumo. ¹⁸ Kamei Andrea, FIlipo, Betholomayo, Mathayo, Tomaso, Yakobo mwanagwe Alfayo, Thadayo, Simoni mkananayo. ¹⁹ Kamei Yuda Iskaliote, yuyuno yakwija ya Msaliti. ²⁰ Kamei hakaluta ukaya itewa dya wanhu weja hamwedu kahi hauja udaha kudia hala mkate. ²¹ Lukolo lwake fowahulike imbuli ayo hawaluta kumkola hawagamba kena chilalu. ²² Waandishi weja kulawa Yerusalemu hawagamba, kengiligwa Beelzubuli, na mkulu wa magini yakulafa magini. ²³ Yesu hakawananga ukwelawe na kulonga nao kwa ubasi ikuwa nhani igini dilafe igini diyagwe. ²⁴ Nghonaga udaha ugawika uwenyecho, Undewa ao haukudaha kwima. ²⁵ Kosoko inyumba ikigawa haikwima. ²⁶ Inghonaga shetani yakwinuka chinyume chakwe imwenyecho kakigawa imwecho hakudaha kwima, Undewa wakwe ufika hamwisho. ²⁷ Kosoko hechaka yumwedu iyakwanga kwingila kugati ye inyumba ye munhu imwenyecho na kuhija ifinhu fyakwe bila kumfuga iyene uludole noho wakube ivinu fuila kugati. ²⁸ Chelu mkuwagamba, samba sose sa wana wanhu sikulekeligwa hamwedu sekulongigwa. ²⁹ Kosoko wowose iyakwija yamubesa moyo usuhile hakwija yoneligwa ubasi ila yakwija, ila kena lana ya miyaka na miyaka. ³⁰ Yesu hakalonga adiko kosoko hakowaga yakulonga kena moyo wihile. ³¹ Chelu ing`inakwe na wandugu sakwe weja na kwima kunje, waja watuma munhu akamwinange. <sup>32</sup> No dikundi nduma wanhu weja wakala habehi naye wamgamba ing`inako na wandugu sako weja wakukukongha agwee. ³³ Kawajibu, ninao wang`ina sangu na wandugu sangu. ³⁴ Yeja yawalanga aweja wakala habehi naye awasungulute baho kalonga, langeni awano no chamai na wandugu sangu. ³⁵ Wowose yakugolosa imbuli ye Mulungu, imunhu ayo no mndugu sangu, no dada yangu no mai wangu.